راس جديد وحرارة

اشكر الجميع على الرد
اخي هاوي الجمس
الحرارة طبعا اكثر الاوقات الربع او تحت الربع شششووووي في الديرة مع مشاوير قريبة 5 كيلو يومي تقريبا لكن اذا مشيت على الخط بسرعة ترتفع اكثر من الربع بس ما تاصل النص .
اما في الظهر على طول فوق الربع مع العلم قبل ما يخرب الراس كانت الحرارة فوق الخط الاول.
بس ويش تقصد ابل الوجه ( القازقيت ) علي حساب السرعه انا اعرف كيف ادبل الراس بس وضح لي كلمة (علي حساب السرعه )

اخي فني السيارات
الحرارة ترتفع مع زيادة السرعة على الخطوط واضطر اقلل السرعة
اما الطرمبة اضن انها سليمة لأن ليس هناط تهريب ماء فيها لكن ( ودي اعرف كيف اعرف ان الطرمبة شغالة ولا عطلانة )
اخي الفني ابشرك الحرارة ما تستمر بالطلوع .
اخي علي الامارات
انا شاري الراس من المخرطة وراعي المخرطة شارط عليه انها وجه واحد ويحلف انها وجه واحد .

أنا أتفق مع الأخ هاوي الجمس بخصوص الجازكيت لأن الراس محفوف

إذا مشيت بالسيارة وبقيت الحرارة الربع أو تحت شوي .. وما زادت حتى مع المشي ومع المكيف .. أو أنها زادت قليلا ثم ثبتت .. فلا داعي للخوف .

المهم ما تطلع وتستمر في الصعود

السلام عليكم

بلف الحرارة (الثيرموستات ) ضروري في السيارة
ويجب ارجاعه في مكانه
شوف يمكن عندك الواتر مب (مضخة الماء ) ربما تحتاج الى تبديل او فحص
اذا كانت جيده اعتقد ان الحرارة في المستوى الطبيعي ومع المكيف و الزحمة اذا وصلت النصف ايضا طبيعي بس مش اعلى من هذا الحد
ولكن من الضروري تكون نازله مع الخطوط السريعة لان هذا هو الياباني وبتحديد التيوتا و النيسان

تركيب بلف الحراره مايأخذ خمس دقايق ركبه وشوف الحراره اذا زادت عن الحد المطلوب إعرف ان فيه سبب ثاني للحراره وحاول تعالجه بس لاتستغني عن بلف الحراره
الحراره كيف تطلع عندك يعني مع السرعات العاليه او مع تشغيل المكيف او اذا كانت السياره واقفه علشان نفيدك أكثر

واذا كنت مستغني عن السرعه بنسبه قليله أدبل القازقيت حق الراس يعني ركب أثنين بدل واحد وهذا يفيد كثيرا في تقليل الحراره علي حساب السرعه

يعني خلاص اتوكل على الله

طيب لو اركب بلف الحرارة تبي ترتفع الحرارة ولا ماترتفع

واخيرا اشكرك على الرد