ياخبراء عندي موضوع خطير (( ابصنع سياره buggy وابي ارائكم ))

:D حاضريين للطيبين ..
دام انك تبيها للتمشي فأنا أشوف انه 2000 سي سي كثير مره حتى 1500 بعد كثير ...
يعني 1300 سي سي بيكون فيه قوة محترمه (( 200 بتطرحها بالراحه ))
وبالنسبه لخويي فالمكينة كلفته حول الـ 15000 ريال مع الجير والاكسلات والتيربو والانتركولر والكمبيوتر وأشياء ثانيه لانه كانت مكينة STi مستوردها من موتر متكنسل في اليابان وهو ماعنده خبره في الميكانيكا كثير علشان كذا سواها في كراج وأخذت عليه حول الـ 6 أو 7 شهور حتى جهز البقي بكل شيء من عداد سرعه و Rpm و Boost gauge و |EGT وعلى فكره تراها مصممه لشخصيين مش لشخص واحد

:p سيفي ؟؟ :D اسفين خطأ مطبعي ؟؟ كان قصدي سيفتي ؟؟ يعني مثلك عارف انه البقي قلباته كثيره فعلشان كذا لازم تجهزه بكراسي رالي وأيضا أحزمة رالي اللي تجيك 4 سيور تثبت الجسم من الكتفيين حتى الخاصرتيين لانه في حالة لو انقلبت لا قدر الله تكون انت ثابت في الكرسي مهما صار ومايحذفك البقي للخارج وينقلب عليك وايضا المحرك لو كان في الامام ولا قدر الله انكسرت عليك المكينة راح يتطاير عليك الزيت الحار ويحرق وجهك لذلك انا انصح انه يركب في الخلف علشان تتجنب هالشيء لو صار.... وحتى وضع المحرك في الخلف يعطيك ميزه اخرى انه لو ضربت طعس بسرعه وطار البقي في الهواء مايحول على وجهه وانما يحول على التواير الخلفيه بأذن الله

|3| واتمنى لك التوفيق بس ترى أهم شيء الصبر لانه الشغله مش مسرعه تخلص تحتاج وقت

عاشق شروكي :: يعطيك العافيه وماتقصر (( ولا تنسون ياجماعه ان عاشق شروكي هو اول الاصدقاء الذين سيكونون عون لي بعد الله ))

وش رايكم ياشباب نحط المكينه ورا ونوصلها للعمود (( الي يوصل بين الكفرين الخلفيين - الدفرس - بس بدون الدائره الي في الوسط )) عن طرق جنزير (( ومن دون قير )) وش رايكم صحيح راح تكون بطيئه بس اذا نجحت ان شا الله تكون بدايه خير .....

والرجاء التواصل ..... :)

[email="must@ng"]must@ng[/email] والله الفكره حلوه بس يبيلها شويى تشجيع

وابشر بالمساعده في التركيب وشراء إحتياجات السياره

مشكورين على الردود السريعه ياشباب ::

crx_92 :: مشكور على التنبيه بس انا بقلب حوشنا ورشه وانا اكثر الادوات اللازمه عندي ولا يهمك :)

mill_955 :: فكرتك حلوه بس انا ابغاها تكون دباب اكثر من ان تكون سياره (( واهم شي عندي انه انا الي اصنع البدي :) هذي حلاتها )) لانه لو سويت الي قلته لي راح تكون سياره ويبغا لها تعريف من الشرطه وحنا ناقصين عاد وجع راس :)

Initial D :: اولا اشكرك على المعلومات الاكثر من قيمه واما من ناحيه كراج فهذي بسيطه عندنا في الحوش ورشه مو كراج :)
(( فاهم قصدك )) وبصراحه انا فكر فيها وقلت ابخليها ورا احسن واسهل ( بكثييير )
بالنسبه للقوه 2000 كافيه وزياده (( لاني بيني وبينك ماابغاها للتطعيس اكثر من التمشي ))
اما سياره خويك ذا ماشاء الله عليها وهذا هو الي انا ابغاه بالتمام ومكينه وقير سوبارو (( وااااااااااااااو )) يعني ماشا الله قوه مافيها كلام بس انا مابغاها تكون للتطعيس ابغاها تكون متواضعه
وماقلت لنا اخوي Initial D كم كلفته المكينه والقير ؟؟ ووين ركب هالاشياء في بيتهم والا في ورشه ؟؟ وكم استغرق فيها من وقت ؟؟
واخر شي كنت باسألك وش تقصد بقول : (( لازم تكون سيفي كفايه )) ؟؟ ومشكوووور وماقصرت

@ ابو فهيد @ :: اجل كنت بتسوي زيي ؟؟ طيب ابسألك هل انت كنت بديت في المشروع والا بعد ؟؟
((( وراح اعتبرها كخدمه ماني ماخذ منها شي ))) مافهمتك ياليت توضح

فني سيارات :: افاااا !! هذا وانا استنى التشجيع من اعضاء مثلك في الخبره :confused:
لكن والله اني متحمس وجاهز لكل شي ومن ناحيه اخوياي فانا في المرحله الثانويه واخوياي 5 وجاهزين ومستعدين اتم استعداد اما الونش فما ظنيت ان احنا بنحتاجه (( نحتاجه في ايش مثلا ))
اما من ناحيه البدي اعتقد ان الكثير مافهم قصدي !! انا ابغى اصنع مو اشتري جاهز وبعدين لازم وانا اخوك نفكر في الميزانيه اول شي عشان اذا كانت الشغله مكلفه ماندخل نفسنا في شي اكبر من الامكانيات (( صح والا لا ))

واشكركم على التواصل .........

ولا تحرمونا من خبراتكم

السلام عليكم و رحمة الله و بركاته
اخوي قراءت ماكتبت وحماسك لايكفي لعمل مثل هذا المشروع لا اريد احباطك و لكن كون واقعي اكثر الي يسوي مثل هذه الاشياء لازم مايفكر كم التكلف
هل تملك عده كامله للمكانيكا + ونش ترفع فيه + اصدقاء يساعدونك في فك او تركيب او ماشابهه او على الاقل في اعطاء فكره او شي

ولو قلت نعم اقول لك توكل على الله وانصح بان يكون معك سيارة فلوكس ويجن ( الخنفساء مافيه احسن منها لمثل هذه التجارب و القص و التزيين

و الماكينة عمليه جدا وفي الخلف ودفع خلفي وبامكانك وضع جنوط اطارات بما تراه مناسب
مشكلتها انها اصبحت نادرة وهذا رايي في الموضوع
اما شراء بدي يشترط ان يكون خفيف وصغير ولا سيكون منظر طيب ولكن لاتستطيع الاستمتاع بها في الرمل او غيره من وزن او من طبية نوعية السيارة المستخدمة

وشكرا

اخوي تبي نصيحتي بالمكينه
تكون حقت ايكو + تزويدات
يعني فلاتر ومن الشغلات هذي وراح اعتبرها كخدمه ماني ماخذ منها شي
لان والله كان عندي مشروع وحطموني خوياي
وحاس فيك والله

اي شي الرسايل الخاصه

أخوي ترى انك تسوي بقي مش صعبه كثير (( إذا بتسويها في كراج ))
طبعا مثل ما قلت انت انك راح تفصل الشاصي بالصناعيه وانا أحبذ هالشيء لانه بيكون أوفر عليك من انك تاخذ شاصي سياره معينه بس حط في بالك انها لازم تكون سيفي كفايه...

أنا اللي فهمته من كلامك انك تبي تركب المكينه في المقدمه وانا ما أنصح بالشيء هذا بالمره لانه بيكون خطر عليك جدا في أشياء كثيره وراح تسبب إختلال في التوازن (( فاهم قصدي؟؟...))
نصيحتي لك انك تخلي المحرك والجير في الخلف (( لانه أكثر امان وأيضا راح تكون الشغله أسهل بكثير من انك تركب المحرك في الامام :) ))
أنصحك انك تركب مكينة وجير تكون من نفس السياره , يعني مثلا مكينة وجير كورولا أو إيكو... شيء ما يتعدى الـ 2000 سي سي لانه بيكون وزنه أخف وقوة جباره في نفس الوقت..
إذا انت ناوي على شيء قوي جدا (( يعني حق تطعيس بأسرع وقت وضرب سيده )) أنصحك انك تسوي زي ما سوا واحد من الربع...
عنده بقي (( الشاصي تفصيل )) مع محرك وجير في الخلف ... بس وشو المحرك؟؟ محرك سوبارو تيربو 2000 سي سي شاريها من الامارات مع جيرها اللي هو عادي 6 غيار |10|
هذي صورتها


البقي هذا طياره صحيح والرجال بس يستخدمه للتطعيس
بس إذا على ميزانييتك ما أظن انه 10000 ريال تكفي علشان تسويي واحد زيه ..

يعني أنصحك انك تركب محرك عادي مثل الكورولا أو الإيكو تكون في الخلف ومثبته عرض علشان تنتقل القوه من المحرك للجير إلى التواير الخلفيه عن طريق الاكسلات بدون ما تحتاج عمود شفت (( يعني تكون مبنيه بنفس طريقة السيارات ذات الدفع الامامي بس بالعكس :D

وأي معلومات أنا حاضر

السلام عليكم

اخوي انا اعرف طريقه اسهل.......ليش ماتخذ جيب رانجلر من التشليح تكون مخبطه مكينته (ومافي اكثر منها بالتشاليح)

ميزة الجيب هذا لو تاخذ البدي حقه وتتفكه وتخلي الشاصيه تلعبه لان الرانجلر يجي فيه مواصير حمايه شد بلد وهي فعلا قويه وتتحمل.....

انا حبيت اعطيك فكره عشان تبدا.......يعني لاتحسبني ذاك الخبير