السؤال الكبيــر:لماذا الياباني أفضل من الأمريكي في صناعة السيارات؟

والله شوف

إذا سلك اليابانيين مسلك الأمريكان ( وهو مسلك الغطرسة والتكبر والهيلمان ) فثق ثقة تامة إن الكوريين بل والصينيين بيغطون عليهم والله أعلم

8
8
8
يارجال اي حرب المعركه منتهيه من زماااااااان والنتيجه معروفه

حتى فيه تحذيرات لليابانيين من الكوريين ان الكوريين بيسون سوات الياباني بالامريكي

بس ماأظن الكوريين بينجحون

والامريكي خلاص انتها موضوعه

مزيد من المعلومات

بدأ الحرب بين اصحاب الياباني والأمريكي

لكن انا متأكد من الذي سيربح...

ليش اليابان ماعندهم سيارات للترسم:

عندك الاكورد والماجنا للترسيم
والسوبارو والمازدا والالتيما شكلها رياضي بحت
والكامري والماكسيما بين وبين

ولك الخيار مع العلم انه السيارات الي قلتها كلها تصبر اكثر من الامريكي

ولو تلاحظ ترا لسا مادخلت اللكزس والانفنتي بالموضوع لأن الي فوق يؤدون الغرض



الحين انا الي رأيي صار مخالف للأغلبيه <<<< وحط تحت الاغلبيه الف خط

ليش الي يحبون الامريكي اكثر من الي يحبون الياباني

الله اكبر انا ودي اعرف من وين جبت هالمعلومه حتى الهنود الي يغسلون السيارات ذاك اليوم سألت واحد منهم قلت من احسن الامريكي ولا الياباني ظحك <<<<<<<< طبعا ظحك لأنه مستغرب من سؤالي

ولوتلاحظ اسم الموضوع (( السؤال الكبيــر:لماذا الياباني أفضل من الأمريكي في صناعة السيارات؟ ))
يعني ان الياباني احسن من الامريكي هذا منتهي موضوعه بس السؤال هو ليش انه احسن


اخوي كلمه اخيره نصيحه لوجه الله مالك الا الياباني <<<<<<<< والله هالكلمه ماطلعت الا من تجارب كثيره ماهي ضغطات بالكي بورد وبس

اكورد وبس مشالله عليك كل مادخلت موضوع لقيتك بوجهي
وش سالفتك ماعندك دراسه ماعندك دوام اربع وعشرين ساعه على النت

امزح معاك بس عادي حنا اليابانيين نمزح مع بعض ولا؟

حنا نتكلم عن السيارات الأمريكية ، الكابرس أعتبرها استرالية وليست أمريكية ، ومقارنتي كلها مع الأمريكي ، والموضوع كله عن الأمريكي

يخوي انا اقول لك يالغالي قارن لي الكابرس << رغم انها اعلى منفئة الاكورد الى انها ارخص قطع غيار

واعتقد انا كتبت في ردي كابرس 2005

وصدقني يالغالي ترى انا والله شخص معجب بالاكورد

ولكن اتمنى ان لانغالط الحقيقه

اللومينا استرالية ، والماليبو أمريكية 100 %

هذا الفرق

لذلك قطع تويوتا الاسترالية رخيصة في الغالب




أخوي كابرس ، الماليبو والأكورد من فئة واحدة ، وأنا يوم تكلمت عن قطع الأمريكي تكلمت بشكل عام ، وين الغلط في كلامي ؟


هل فيه أحد يعترض علي إني أبين وجهة نظري من تجربتي الشخصية ؟

حنا في منتدى حواري ناخذ فيه راحتنا ، مب في جريدة الرياض وإلا الجزيرة ، لازم نقول اللي هم يبغون


ما يميز الأمريكي عن غيره ، ويكاد ينفرد بالميزة هذي ، راحة المراتب ، فعلا مريحة جدا جدا جدا

الموضوع بيطول ، وما احسن من إن الواحد يكتب تجربته الشخصية :)

أستغرب من الأخ اللي يقول ان فحمات الماليبو بـ 300 ريال
انا معي لومينا وفحماتها الأمامية من وكالة العيسى بالرياض بـ 140 ريال فقط
وفلتر الهواء بـ 35
وفلتر البنزين بـ 30 ريال
والبواجي 6 بـ 36 ريال فقط
عموما يمكن الماليبو تختلف

مرااااااااااااااااااااااحب اصدقائي

والأمريكي اللي عليه الكلام هو :


الكوابرس من 79 إلى 90

جموس الصحن أو العبر او الصقعاوي بالعربي( ونيت ) من 77 إلى 86


وغيره أغسل يدك

اشكركم على ا لمشاركة وعلى الطرح

اتمنى عدم التعصب للياباني
او التعصب للأمريكي

اتمنى من الأخوان الرد خاصة لمن لديه الخبرة في الموضوع

بالنسبة للي سأل عن القطع في التايوتا

أقوله أفتحه ...
والمعلومة موثقة من كبار موظفي الجمارك السعودية

الاحظ ان الكل مجمع في راحة الأمريكي..

وكذلك قلة أعطال الياباني..


أخوكم صاحب الموضوع

الـــــــــــمسبار

8
8

وهذا الي انا اقوله

الامريكي راسي وسيع وفخم كذلك

والياباني يتحمل واقتصادي

والالماني مايحتاج تعريف


*

اخوي اكورد وبس الله يعطيك العافيه على الرد مجمل الكلام اننا نقارن سيارتين لا مجال للمقارنه بينهم فهذي في فئه وهذي في فئه

تحياتي للجميع

انا برأيي ان مافي شي اسمه الامريكي احسن والياباني احسن .. اسلوب التعميم مو للناس الفاهمة .. فيه سيارات امريكية مميزة وفيه سيارات يابانية مميزة .. والتفضيل يكون بين سيارة وسيارة مو بين بلد وبلد

وانا برأيي ان كل بلد تتميز بأشياء

فلو اخذنا الامريكي فيتميز بالراحة والأتساع

الياباني بالقوة والتحمل والاقتصادية

الألماني يتميز بالفخامة والمواصفات العالية

هذا وجهة نظري

الميزة الوحيدة فقط في الأمريكي هي الراحة والرساوة .

يعني أنا جربت كروان فيكتوريا صحيح إنها متخلفه وما فيها أي مميزات إلا الحق ينقال السيارة مريحة جداً يعني ما تحس بالمطبات الخفيفة وعيون القطط وشوي ويجيك النوم وأنا تمشي فيها .

لكن على كل حال زمن الأمريكي أول وهالحين زمن الياباني والله العالم الزمن القادم لمن ؟؟؟ هل يكون للكوري ؟؟؟

أخوي المشرف الغالي

أنا ما أتكلم إلا عن سيارة جربتها

الماليبو هي سيارتي السابقة قبل الأكورد ، وتجربتي معها مرييييرة ، والكابرس موديل 91 صابونة ، هذي عندنا من زمان وتخلصنا منها ولله الحمد

كلامك هذا يلزمك بأحد أمرين

أما إن تقول إني كذاب

أو تقول إني مجنون وأقول كلام ما أدري وش معناه

اختر أحد الاثنين



أما من ناحية القطع ، فالكابرس ما أدري عنها بصراحة لأنها استرالية وليست أمريكية ، أما الأمريكي فأنا أعطيك بعض الأسعار

شمعة ماليبو أمامية بـ 1300 ريال

طاسة ( لاحظ طاسة مب جنط ) بـ 300 ريال

اسطب خلفي قطعة واحدة جانبية ( اللي على الرفرف ) بما لا يقل عن 650 ريال

فحمات أمامية بـ 300 ريال

فريون مكيف ، عند الورش بـ 80 ريال

لمبة فرامل بـ 10 ريال ، ويا سرع ما تخرب

صامولة جنط عادي بـ 35 ريال


مراية كابرس صابونة جانبية بـ 850 ريال

مراية سوبربان جانبية مزيلة للبخار بـ 3500 ريال تقريبا

شمعة سوبربان أمامية ، بـ 900 ريال تقريبا


نجي للياباني

شمعة أكورد أمامية بـ 667ريال

فحمات أمامية وخلفية ( 4 قطع ) بـ 477ريال

لمبات فرامل بريالين ، ولله الحمد ما احتجت إني أغيرها من يوم شريت السيارة ما شاء الله

ربلة صدام أمامي ، 890 ريال

هذي نماذج من الأسعار ن وما أخفيك إن فيه قطع في الأكورد غالية ، لكن الأسعار بشكل عام أرخص من الامريكي

مرحبا شباب:
انا لست متحيز لا للأمريكي ولا للياباني بدليل اني ذكرت مزايا وعيوب الصناعتين (من وجهة نظري الشخصية)
وللأخ اللي يقول ان الأمريكي ما هو رزه :
اقول اني اعني الامريكي للترسيم:
يعني لو تجيب دكتور في الجامعة مثلا ..صعبه تحصل معاه التيما او اكورد او ماكسيما او ماجنا او مازدا او كامري
غالبا ما ستجده ياخذ يا كابرس يا فكتوريا مع ان الثنتين اسعارهم ارخص (احيانا) من الاكورد والالتيما
وانا ما اقول كل الامريكي ترسيم.. انا اقول بعضه مثل السيارتين اللي فوق بالاضافة الى الجيوب و الكرايزلر الجديدة
ولا ننسى الكاديلاك واللنكولن
وكل انسان له رأيه
وليس العيب ان يكون رأيك مخالفا للأغلبية
العيب ان تحاول ان تتسلط و تفرض رأيك


وللناس فيما يعشقون مذاهب

اخوي كورد وبس انا والله ماني راد عليك

لانك دايم تجيب لي انواع السيارات مابقى سياره الى وركبتها الله يسلمك

ولو نتكلم يالغالي بالمنطق بعيد عن التعصب افضل

ومن ناحية قطع الغيار اتمنى ان تذهب مره اخرى وتقارن بين اكورد وكابرس 2005 وتشوف الاغلى والارخص