أخوي كابـــSSـــرس
أنا كان معي ماليبو ، من زفاتتها وخياستها إني إذا وقفت لازم أطفي السيارة وإلا أشغل المكيف عشان ما ترتفع الحرارة ، يعني غباء من جد :D
السيارة ما كملت 150.000 كلم إلا وبدت الخرابات تطلع ، حتى صارت المكينة مخبطة تخبيط مب صاحي ، هذا غير خرابات الحساسات اللي داخل السيارة ، وخرابات الكهرباء ، والخراطيش والمكيف والانوار الخارجة ووووو ، أتعب وأنا أعدد العيوب
وكان معنا كابرس صابونة ، والله لا رزة ولا شي ، أحيانا أستحي أطلع بها ، وخرابات كثر التراب ، ما تنتهي
ومعروف عن السيارات الأمريكية إنها ما توقف والمكيف يشتغل فترة طويلة لأنها ممكن تسبب لك مشاكل ، وأنا عشت بعض الأحداث هذي بنفسي
أما الياباني ، حطه على الجرح يبرا ، والله أحيانا أنام في سيارتي 4 إلى 6 ساعات في وقت أكون فيه مضطر للنوم ، وأنا مشغل المكيف ، وتمشي السيارة زي الحلاوة ولا عمري اشتكيت من مشاكل زي مشاكل الأمريكي
وقطع غيار الأمريكي غالي جدا ، خصوصا الشفر والجي إم سي ، الشمعة الواحدة بـ 1300 ريال للماليبو ، بينما في الأكورد تحلصها في الوكالة بـ 650 ريال
