ليجاسي ـ كامري ـ أكورد ـ ألتيما ـ سوناتا ـ كورولا تعال واعطينا رأيك بسررررررعة .

--------------------------
اخوي سنتافيه المشكله مو ان التصوير من داخل ولا من برا المشكله انك تعرف راعي السوبارو
وبإمكانك انك تقوله خلني اروح عليك

مثل ماقلتلك ليش ماتجرب مع راعي السوبارو الي قلتلك عليه ممكن انت تروح وممكن هو يروح وانا الي ابصور واجيب المقطع في المنتدى

وهذي ثالث مره اسألك وش نوع سيارتك وماجاوبت علي
-----------------------------------
السلام عليكم ورحمة الله وبركاته ..

حياك الله عزيزي ..
لا أنا أقصد أني أصورها من الداخل .. يعني أصور عداد الضغط (( الإمبير )) وهو داعسه كامل .. إلى 6 أو 7 أو ....
يعني مستحيل يكون في إتفاق .. لأن العداد بيكون واضح .. لأني راح أخليه يوجه الكاميرا على الإمبير وعلى السيارة ..


سوري.. ما أنتبهت لسؤالك .. :)
هيونداي سنتافيه 2003 ، 2.4 لتر ..
طبعاً هي من فئة الدفع الرباعي .. لكن مو دفع رباعي .. دفع أمامي .. لأن الفل أوبشن تجي دفع رباعي فقط ..

بالنسبة للموعد .. أخاف أني أصير مشغول ولا أقدر أوفي .. لأن الآن إختبارات وبعد الإختبارات بداوم في محل الوالد ...
ويمكن صعب أجي .. لأني مشغول واجد ..

هذا اللي بطلع معاه قومة .. واحد من الحارة .. ويمكن يصير عندي وقت ظهرية.. فراح يكون في مجال شوي ..

لكن أنت شكلك من الرياض .. وأنا من الدمام .. ؟؟؟

تحياتي
موفقين

هلاااااااااااااا شباااااااااااااااااب


انا متابع للموضوع " لحظة بلحظة " وحبيت انتظر لين اشوف انواع التعصب بعدين ادخل واعاقبكم كلكم <====== صدق نفسه مدير :D .
المهم يوم شفت الزعل بين الأخوان قلت لازم اسوي وأحاول أهدي من النرفزة .


يا شباب أنا أول ما كتبت الموضوع حطيت رأئي في هذه المطارحة وقلت الترتيب بيكون بالشكل ذا :
التيما ـ ليجاسي ـ أكورد ـ كامري ـ سوناتا ـ كورولا
يعني بديت الألتيما على الليجاسي رغم إن سيارتي ليجاسي <====== قمت الإخلاص :)

يعني تذكروا ابعدوا عن العصبية وخلوا الموضوع ياخذ مجراه الطبيعي .



بالنسبة لإختياري للسيارات السابقة وتركي للمنديو هو ان تكون جميع السيارات (يابانية أو كورية ) أما المنديو امريكية .
على الرغم من أن المنديو سيارة لا يستهان بقوة وجبارتها وجمالها .


تحياتي
LEGACY GX

اخوي سنتافيه المشكله مو ان التصوير من داخل ولا من برا المشكله انك تعرف راعي السوبارو
وبإمكانك انك تقوله خلني اروح عليك

مثل ماقلتلك ليش ماتجرب مع راعي السوبارو الي قلتلك عليه ممكن انت تروح وممكن هو يروح وانا الي ابصور واجيب المقطع في المنتدى

وهذي ثالث مره اسألك وش نوع سيارتك وماجاوبت علي :)

السلام عليكم ورحمة الله وبركاته ..

كيف حالكم شباب ؟ :)



مو مشكلة .. راح أخلي التصوير داخل السوبارو .. وراح أخليه يصور العداد .. شرايك ؟؟

تحياتي
موفقين

اخوي سنتافيه انت اول واحد في العالم اسمع منه ان الكوري افضل من الياباني ولاكن مهي مشكله الكوري افضل عشان ماتزعل




اخوي سنتافيه خل نتكلم بالعقل شوي انا ابجيب راعي صني شد بلد يتقاوم مع راعي سكايلاين تون تيربو
وابقول لراعي السكايلاين خل الصني تقوم عليك وابصور المقطع (( هل بتصدق !! ))

اخوي سنتافيه تبي ننهي الموضوع بكلام واقعي
انت فض نفسك الربوع او الخميس ونتقابل انا وياك في شارع الملك عبدالعزيز
فيه راعي سوبارو بيضا تلقاه كل يوم يتقاوم هناك
نوقفه وتجرب معاه ولو تبي انا الي ابصور القومه ونعرضها هنا في المنتدى
ها وش فيه احسن من كذا


بس اخوي مارديت علي وش نوع سيارتك



سؤال: انت تعرف كم وزن الاند كروزر وكم وزن سيارتك
معلومه: الكورلا 1.8 تروح على الاند كروزر

بس مثل ماقلتلك اخوي سنتافيه يليت تقولي وش نوع سيارتك
واذا ودك تجرب مع راعي السوبارو ماعليك انا فاضي الربوع والخميس
نروح للشارع وتجرب معاه علما ان سيارته شد بلد (( مهو معدل ))

ولاتزعل من كلامي ولاشي بس حبيت اسوي اثاره للموضوع



اخوي Octavia 2002 المازدا يابانيه

أخوي مكسيما وبس

ياريت لو ترد مرة ثانية تجيب لنا برهان ... أو أنت شفت مطارحة بينهم و بعدين ترد ... علشان الناس لاتقول متعصب لنيسان ..... <<<< إتقبلها بروح رياضية

تحياتي

التيمااااااااااااااااااااااااااااااااا هي الاول قومة وخط وهي الاقوى بينهم
وغير النيسان لاتدرو
تحياتي لك

و الله انا اتوقع ....

سوبارو - ألتيما - أكورد - سوناتا و كامري .. و بعدهم بمراحل كورولا ... هذا قومة

أما الخط .. سوبارو - أكورد و كامري و ألتيما - سوناتا ... و بمرااااااااااااااحل كورولا

طبعاً بتقولوا ليه تقول سوبارو ...

قدامي صارت في الإشارة بسيارتي " طبعاً سيارتي هي سكودا أوكتافيا ديزل تيربو 1.9 " المهم ... كان جنبي ألتيما 2.5 سياحي ...فتحت الإشارة دعسنا... قامت الألتيما عليي .. كنت في المسار الأيسر و الألتيما الوسط ... جا سوبارو على اليسار اليمين كان ورانا في الإشارة ووصل لين الألتيما و تعدانا و راح بعيــــد يعني مايقارب الـ 4 سيارات أو حاجة زي كده.... مع العلم إن كان الفرق بيني و بين الألتيما لمبتين " سيارة تقريبا " فقــط


فهذا الموقف خلاني أقطع الشك باليقين إن السوبارو تقوم على الألتيما ... لكن أتوقع إن هاذي السوبارو قير عادي .. أما الألتيما فاتوماتيك .,.. و هم انا توماتيك بعد ... ولو كانت الألتيما عادي و السوبارو عادي ... هم راح تطلع السوبارو بس بسيارتين أو سيارتين و نص ...

يا جماعة لا تنسوا السوبارو ويــــ ~ فووووووور ~ ـــــل

و اللي حاب يجرب .. معانا سوبارو 2001 قير عادي 2.5 - و سوبارو 99 قير توماتيك 202 أو 2.0 مادري


أخوي مرزوق لا تعصب ولا شي ... الكوري يقوم على الياباني و أكبر دليل ... المازدا 3 تقوم على الكورولا ... و المازدا 6 " 175 حصان " تقوم على الكامري ... هذا و المازدا 6 ما تنزل عندنا بـ V6 بقوة 220 حصان ... بإنتظار نزول المازدا V6 و نشوف


و آسف على الإطالة
تحياتي

برائيي التيما - ليجاسي - كورولا 1.8 - سوناتا وكامري سوى


طبعا وجهة نظر


والحبيب الي قال كوري ما يطلع على ياباني !! انت شكلك ما شفت مقاومات قبل كذا


مالي خلق هواش والرجال قال بلا شغل تعصبات



اخوووووووووووووووووووكم مرزووووووووووووووق

السلام عليكم ورحمة الله وبركاته ..

أنا أشهد أن المونديو يجب أنها تكون في المنافسة ..
فهي بحق قوية .. طلعت قومه مع واحد عنده مونديو ، طلع علي بعد الــ150 تقريباً ..
أما قبل فكنت متقدم عليه بفارق بسييييييييييييييط


عزيزي سراب ..
أنا مو راعي نقاشات حاده ولاني راعي تعصب .. والكوري فوق اليباني رضيت ولا ما رضيت ..
ثانياً أنا إن شاء الله مالي رجعة في الموضوع إلا بالدليل .. يعني ما راح تشوف لي رد بعد الآن ..
لأني بروح للرجال وبطلع معاه القومة .. وبعرضها في المنتدى ..
وراح أوريك شنو الكوري اللي تتكلم عنه ..

لا وأزيدك من الشعر بيت .. يالمستانس باليباني <<< والله أني أحب اليباني بس من تعصبك البايخ أني كرهته
طلعت على لاندكروزر 8 سلندر .. قومه وخط .. والدليييييل في الطريق ..
لا تستعجل على رزقك ..

وأعلم أن عمري ما تكلمت في المنتدى بهالطريقة .. لكن ما أدري .. أسلوبك أستفزني شوي ..
شنو يباني شنو كوري .. تبغى ترجعنا على الكلام الفاضي اللي يصير في كل المواضيع ..


وأنتظر الدليييييييييل .. جاي في الطريق ..

تحياتي
موفقين

بالنسبه للفورد مونديو هي السياره الرسمه من الفئه المتوسطه لفورد وفورد شركه
عريقه ما لأحد كلام عليها يعني افضل انها تضاف للسيارات اللي مطروحه في الموضوع
من الفئه المتوسطه وتشيلون الكورلا لانها من الفئه الصغيره حتى تصبح مقارنه عادله وواضحه
ومايصير سيارتين من شركه واحده كامري وكرولا اثنينهم ممتازات لكن الكامري تكفي
ونضع موضوع للفئه الصغيره واسف اذا اطلت عليكم بس فضلت اني اوضح واسهل الامور تحياتي

ههههههههههههههههههههه ويييييييييييييييييييييييييييييييين

تتكلم من جدك

اول شي وشي السنتافيه حقتك ذي
انا اتوقع من طبلونها في توقيعك انها كوريه

ياحبيبي الليجاسي تروح على اكورد وكامري ومره شفتها تمشي مع مكسيما في الاربع مية متر
تجي تقولي السنتافيه تروح على الليجاسي

ماودي اطول في الكلام لأن والله حرام اتناقش بشي زي هذا

ياشيخ من رهن اذا كان راعي الليجاسي الي تقاومت معاه فيها بلا او قيرها توماتيك 4 غيارات


هههههههههههه اما كوري يروح على السوبارو

اجل شكلك تنتف الكوامري والاكوردات لا وقل بعد انك بتروح على الزوم عشان خلاص ماعاد اعرف شي اسمه سيارات

---------------------

على العموم نرجع لموضوعنا

انا ابقيس القومه والخط في الاربع مية متر اتوقع

الاول الالتيما او السوبارو واتوقع انها السوبارو
ويجي بعدهم الاكورد
ويجي بعدهم الكامري او السوناتا

بس المفروض ماتدخل الكورلا معاهم في المقارنه (( ترى ماأقصد ان الكورلا ماتمشي )) لا بالعكس
بس الي اقصده ان الكورلا ماهي من فئة السيارات المذكوره
يعني المفروض تقارن الكورلا مع الصني والانسر والامبريزا والالنترا ووو .......
لأنها تعتبر سياره صغير

التيما ـ ليجاسي ـ أكورد ـ سوناتاـ كامري ـ كورولا ::: من واقع المراقبه ورؤيتها ::: :)
ولكن نسيت سياره 4 سلندر وقوية وهي فورد مونديو واذا تمت اضافتها وهي 2 لتر بصير الترتيب كذا
ألتيما - مونديو - ليجاسي - اكورد - سوناتا - كامري - كورلا ;)
وارجوا اني ماسببت ازعاج لكم لكن هذه كلها شفتها بعيني وعده مرات
تحياتي للجميع وللأخ LEGACY GX بالاخص لانه فتح موضوع مميز مثل كذا :cool:
ملاحظه : السيارات كلها دفع امامي ماعدا الليجاسي وهي دفع رباعي و2,5 لتر اعتقد
انها بتبوز بالقومه لكن بتشفط تقريبا بعامود ونص خلف الالتيما والمونديو وشفتها التحدي بين
مونديو 2 لتر و ليجاسي 2,5 لتر القومه الحق يقال السوبارو لين 110 تقربيا والمونديو تفك في الخط
والشباب ماكانوا مصدقين فغيروا السواقين لثلاث مرات وقومه من 30 كيلومتر لحد تقفيل الطبلون بخط القاعده
المونديو 240 وتنزل بشوي تحتها لكن السوباروا تشفط بعد التصفيه بعامود ونص او عامودين لكن المونديو
تشفط خلف الالتيما بعامود ونص عماودين ايضا واعتقد السوناتا اقوى لانه حصل واستأجرت واحده ومعروف
ان سيارات الايجار مضروبه لكن جربت مع كذا كامري افرق في القومه بسيارتين والخط يشفط الكامري يعني
حق سياره او نص بيني وبينه بس تدرون ليه السوناتا اسرع لانها اخف البودي حقها تنكه تمر :( بالنسبه
للكامري هي اثقل وعلى فكره المحركين 2 لتر و 4 سلندر والمنيوم بس واحد كوري والثاني ياباني |1|
وفي نوع من الكورلا فل كامل سعه المحرك 1,8 لتر اعتقد هذه مره قويه بالنسبه لهيكل او بوديها الخفيف
اذا كان هي المقصود بها في هذا الموضوع فهي تطلع على الكامري والسوناتا والاكورد حد جربها هذه من واقع وخبره سلام

على مااظن


التيما ـ ليجاسي ـ أكورد ـ كامري ـ سوناتا ـ كورولا

ياحبيبي اللي يتكلم على السوبارو ليجاسي صدقوني ماعنده سالفه.......لأن السيارة هذي مايحتاج أحد يتكلم عنها لأنها فارضه نفسها....مع إحترامي لكل شخص تكلم على هذي السيارة.

وبالنسبه من يروح بين السيارات اللي طرحتها أعتقد إنك ما قصرت وكتبت الجواب...

التيما ـ ليجاسي ـ أكورد ـ كامري ـ سوناتا ـ كورولا>>>>>>> مع إني أعتقد إن السوناتا تروح على الكامري.

*** ملاحظه***

في الفزه>>>> أكيد السوبارو وبلا منافس بعدين يطلع الألتيما.

وجهة نظر............والكل له وجهة نظر لكن بالمنطق والعقل.......

وشكراً على موضوعك..

الليجاسي 2.5واعتقد بعضهم بتيربو

انا صراحة خاااااااش مزاجي الدفع الرباعي من جد .. يعني له طريقة قومة خااصة وجداً سهلة ..

الليجاسي ارفع الضغط للأخير وشيل الكلتش .. ولا تفحيط ولا بطيخ ..

ونفس الشيء مع الأودي TT (الدفع الرباعي) إرفع الضغط إلى 5 وشيل الكلتش .. وقومة رهييييبة وتجيب وقتها بالراحة ..

اما الدفع الأمامي والخلفي ترفع 1.5 و 2 و 3 وتقعد تفحط لبكرا ولا وزن كلتش وشغلة ..

اتوقع ماعرف يقومها راعي السوبارو ..

تحياتي ..

يا حبيبي ..

أنا بالسنتافيه .. كسرت راس راعي لجنسي ..
وراعياللجنسي فنان ما كان يحفر أبد ... وأنا حرقت الأرض تحفير .. وعلى كذا طلعت عليه ..

تراكم مغترين فيها والله ..

لا وأزيدك من الشعر بيت .. في شخص عنده سيفيك وطلع علي .. معناها أن حتى السيفيك تطلع عليها ..

جربت مع كامري .. كنت متساوي معاه قومه لكن خط طلع علي ..

جربت مع التيما .. 2.5 طلعت علي إلى 160 .. بعدين بدأ يتقدم بقوة ..

طبعاً أنا أقول تجاربي لأن ما عندي خبرة في قومات السيارات ..

تحياتي
موفقين