اكتب الحوادث اللي مرت بكم،وكيف حصلت،ووش السبب>حتى تفيد وتستفيد

السلام عليكم ..

هذي قصة صارت معي أنا والعائلة ...
كنا في خط الهدا الدائري ماشين زي الحلاوة دعس وطلوع ومافي أي مشاكل ..
والمكيف تونا صلحناه وكان آخر كلام ..
بس سكيناه قبل الطلعات ..
طيب فين المشكلة ..
أخوي كان يدعس في الطلعات ويقوم السيارة شوي والوالد ما عجبته الحركات ..
وقام يصارخ في أخوي وعصب وصار يدعي علي السيارة ...
وفجأة قريب الهدا قبل الحلقة بـ 20 م ..
والسيارة تنطفي ..
^

^
^

يالد شغل اليارة ايش اللي صار حاول مرة ثانية ..
في مرة اشتغلت ويعشك ما تعشق .. حاول مرة ثانية ..
ياهوووووووووو .. كنا حلوين وماكو شيء ..

والناس زحمة طلوع وحنا في وسط الطريق وعلى اليسار ..
والسيارة واقفة ومهي راضية تشتغل ..
أشر يا ولد للناس ..
قولوا الله يستر .. تشهدوا يا شباب .. ما تدروا وايش يصير ..
بين ثانية وثانية يجيك أي واحد مسرع مو شايف يشيلنا معاه ..
يا ربي ايش نسوي .. وأبوي معصب وقاعد ..
^
^
^
^

وشوي والسيارات تخف ويفكر أخوي .. ( لأنه هو اللي يسوق ) ..
ويقلك مافي حل غير إني أدحدر السيارة على وراء وأجنبها على اليمين ..
ودحدرها .. وشوي وسيارة جاية من ورا ..
يا ولد ألحق بسرعة دحدر السيارة وأمسك يمين ..
ولله الحمد جينا على الجنب الأيمن قبل لا يجي المطير بشوي ..
وفك الكبوت وشوف يا ولد يمكن صار شيء كدة وله كدة ..
وشفنا مافي ولا شيء .. غير إنه احتياط الموية حق الراديتر ..
كان في النص وصار فل .. كيف ما أحد داري ..
لكن ما في مويات مبعثرة ولا شيء مخروق ..
^
^
^
^
^
و لله الحمد بعد نصف ساعة وقوف شغلناها وأشتغلت ..
تدرون وايش اللي صار ؟؟
هذا ابتلاء من الله بسبب أخوي اللي ما سمع كلام أبوي يوم قاله هدي ولا تسرع ..
بس المشكلة إن السيارة فورد يعني أوتوماتيك وهي تلقم وتقوم من لحالها ..
فهمنا الوالد ما فهم لأنه متوعد على القير العادي ..
وبسبب دعاء الوالد ابتلينا بهالمصيبة ..

نصــيحــــة :
لكل شخص أبوه يقوله لا تسرع وهو يسرع ..
بأن يحاول أن يهدي السيارة أو يحاول يفهم أبوه بطريقة يفهمها ..
عشان لا يصير معاه مثل ما صار معنا ..
وإلى كل شخص لا يطيع والديه فالحذر الحذر ..
وخصوصاً الأب فإن دعوته مستجابة ..
وخصوصاً الأم لأن الجنة تحت أقدام الأمهات ..

وشكراً