ضيف جديد معاه أسئلة كثيرة

شمالي موت @user_22127 · 09-09-2005

السلام عليكم ورحمة الله وبركاته

يا اخوان معروضة علي هوندا 2000 ذهبي 4 سلندر قزاز كهرب ماشية 130000 كيلومتر هل تستاهل 30000 ريال؟

كم سعر السوناتا 2004 قير اوتوماتيك او عادي قزاز كهرب؟

تنصحون بالالنترا للبلد والسفر؟

أبـو سـطـام @user_12609 · 10-09-2005

انا اذكر قبل سنة تقريبا حصلت وحدة موديل 2002 نص فل 4 سلندر بحدود الـ35 الف ..
يعني بصراحه احسها غالية المعروضة عليك

بالنسبة للسوناتا 2004 تكون قيمتها في حوالي الـ32 - 38 الف ريال حسب النظافة والممشى ..

الالنترا حلوة وجيده داخل البلد .. لكن في السفر مو مرة لان مكينتها 4 سلندر وصغيره ..
وانا اعرف واحد مسك بها خطوط وماشية معاه ... يعني الدعوه قناعة شخصية

تحياتي للجميع ..

EVO MR @user_20104 · 10-09-2005

البيجو أبعد عنه أخوي إلا إذا إنك مهتم بالمواصفات والشكل والمادة

أما من ناحية القوة والوكيل وهو أهم شي وقطع الغيار فما أنصحك أبد أبعد عنها :.

وأعرف واحد مات الله يرحمه وكان معاه بيجو 206 2005 فل كامل وانقلبت عليه لأنه سحب بريك
وواحد انقلبت عليه بيجو 206 موديل 2002 بس ما مات الحمد للله برضو نفس اللسبب
وواحد بس إنه سواق لعائلة واحد أعرفه معاه 307 العائلية وتقلبت عليه لنفس السبب وجاته كسور

فنصييييحة أبعد عنهاااا .....

مع ت ح يا ت ي

أكورد وبس @user_7944 · 10-09-2005

أسعار الأكورد 2002 إذا كانت نظيفة وقير أوتو توصل 40 ألف أحيانا

يعني موديل 2000 ماشي 130 ألف كثيرة عليه 30 ألف

لو تقدر تشتريها بـ 28 كحد أعلى يكون السعر نوعا ما مناسب

مع إني ما أظن يوافق راعيها ، لأنها تمسك سعرها ، خصوصا إذا كانت نظيفة مرة ولا جاها سمكرة وقيرها أوتو وفيها فتحة

الله يعينك

الكامري 2002 يوصل سعرها 47 ألف إذا كانت نظيفة مرة ، والله شي عجيب هالتويوتا والهوندا

والأكورد 2003 يوصل سعرها 53 ألف بالشروط السابقة ، والله هذا اللي حاصل ، واحد أعرفه شاريها قبل كم يوم ، بس نظيفة من جد ما شاء الله

LAMBADA @user_13601 · 09-09-2005

مراحب اخوي شمالي ,,

اولا انحششششششش عن البيجو ..

وبالنسبة لسعر الهوندا مبالغ فيه مررررررررررة

والهيونداي ال 2004 ... تلقاه بحدود 28 الف بالمعارض

وانا لقيت قبل فترة سوناتا 2005 ذهبية سياحي قير عادي مسيومة ب ب 37 الف

لو تقدر تزيدها وتاخذها هذا أفضل شي ,,

وبالنسبة للالنترا ممتازة لكن ما انصح فيها للخطوط ,, انصح فيها كاستخدام مدينة

تحياتي

شمالي موت @user_22127 صاحب الموضوع · 09-09-2005

الله يجزاك خير أخوي EVO

الله يجزاك خير أخوي S A

طيب - ولو اني ثقلت عليكم بكثر الأسئلة - لقيت بيجو 406 اللون رصاصي موديل 2003 ماشية 70000 كم يقول يبي فيها 28000 الف

BLACK R/T @user_12164 · 09-09-2005

اخوي شمالي موت ..

بالنسبه للهوندا اتوقع ان سعرها مبالغ فيه شوي .. حرام 30 الف في موديل 2000 ؟؟

اما السوناتا ما عندي خلفيه عن سعرها والسياره حسب نظافتها وكم مشت اخوي ..

اما الالنترا اشوف انها سياره مثاليه في المدينه من عده نواحي اهما صرفيتها للبنزين اقتصاديه من الدرجة الاولى ..<<< هذا اسلوب مبالغه

وشكلها حلو .. بالاضافه الى انها صغيره وفي اي مكان تقدر تصفط فيه ..

اما للسفر ما عندي فكره عنا وما سبق اني جربتها ..

اخوك s.a.3

EVO MR @user_20104 · 09-09-2005

حياك الله بيننا والمنتدى لك وللجميع ..........

وإجابات أسئلتك هي التالي :.

1.بالنسبة للأكورد سعرها مبالغ فيه بحبتين يعني لو ينقص 3 آلاف ممكن يكون السعر معقول
بحكم إنها قديمة شوي وشكلها الجديد أفضل فلازم يطيح القديم شوي.

2. السوناتا 2004 أرخص من 2005 وسعر السونات 2005 فل كامل 4 سلندر
بجلد وفتحة وخرابيط وقير عادي وتوماتيك مع بعض ( شفت ترونيك ) 64 ألف ريال

3. النترا حقت مدن وتجي للسفر إذا إنت مدربها وما أنصحك بالسيارات الصغيرة للسفر وبالذات الكوري

وأكرر تحياتي وترحيبي بك عضو بيينا ونشوف مشاركاتك إن شاء الله ...

ت ح يا ت ي