ارجوا من الخبراء والفنيين مساعدتي .عاجل جدا

السلام عليكم ورحمه الله وبركاته


اخواني احب اهنيكم على ها المنتدى الرائع ويعطيكم العافيه.


اخواني عندي سياره نيسان صني 99 قرفتني عيشتي :mad:
فيها مشاكل غامضه ما ادري وش السالفه ؟؟؟

راديتر المويه كان يختلط معاه زيت ورحت عند المهندسين قالوا لي ان وجه المكينه يبي له تغيير او خراطه وفعلا فكينا الماكينه ولقينا الوجه مهتري وتعبان وغيرناه مع العلم انه المكينه والله نظيفه وما انفكت قبل كذا وغيرت الوجه ومشى الحال اختفى الزيت ولكن فيه تهريب في المويه تبع الراديتر يعني لازم كل اسبوع او اثنين اعبي مويه ؟؟؟ وصارت المويه الحين تفيض في القربه مدري وش السبب ؟؟ قال المهندس يمكن البلف ولكن مافيه بلف ؟؟؟ وقال الثاني يمكن يوم فكيت المكينه المهندس ما ضبط الوجه وفيه تهريب للهواء من الماكينه على الراديتر ؟؟؟


وش الحل يا اخواني انا احترت وما عاد ادري وش اسوي وانا مالي الا الله ثم انتم تساعدوني ؟؟


والمشكله الثانيه انه لما يكون المحرك بارد واشغل السياره صوت المكينه عادي وبعد شويه ينخفض الصوت لدرجه ان المكينه تطفى بعض الاحيان وبعدين يرجع الصوت الى معدله الطبيعي ؟؟؟ واحس في صرف شوي زايد في البنزين ؟؟؟


وش الحل اخواني الكرام الله يخليكم اذا ممكن تقولون لي الاسباب ؟؟؟ ناس قالوا البخاخات وناس ثانيه قالوا الحساسات ؟؟ والفلبيني اللي في الوكاله قال منظم الهواء ؟؟؟


انا محتار في امري ومدري ويش اقول :)


ارجوا منكم المساعده يا اصحاب الخبره ولكم مني خالص الشكر والتقدير :cool:


تحياتي