هيونداي تتفوق على تويوتا وتواصل تألقها ...

دائما في المنتدى يبالغوا بمدح تويوتا ويقولوا خذها وتعيش معاك 10 سنين تغيير قطع غيار بس .... ومرة شفت رد يقول خذ كوريلا وتعيش 15 سنة ما تطلب شي ههههه

والكامري اللي عند اخوي موديل 98 يعني صار له 6 سنين وماشي 200الف كيلو بس وآخر مرة دخلناه الورشة كلفنا 3000 ريال بعد ما اضطروا يشيلوا المكينة وغيروا قطع وشغلات كثييييرة .... هذا شلون اذا كملت 10 سنين !!!

والسوناتا2006 في الدول المتغدمة عليها ضمان 10 سنين على الPowertrain والضمان الأساسي 5 سنين أو 100.000 كيلو
اما عند وكلائنا ما اعرف كم الضمان !
وهذا يدل على جودة الهونداي الحالية

انت وش فيك ؟؟

يعني الحين ما قلت ان الموضوع لازم ينحذف!!

ما علينا ..
انا ما قلت انها احسن لكن تدري دامها الدعوه تبلي ايييييه قلتها انت لك رأيك وانا لي رأيي وش عليك فيني

ان كنت تشوف اني ماني عاقل باعتقادي هذا بكيفك مب انت الي بتحدد مدى صحة عقلي الله يجزاك خير ..

بعدين انا اشوف انك مزودها حبتين ياخي منت اول ولا اخر من عنده سياره من تويوتا والي قادر ياخذ من هيونداي لا تظنه مو قادر ياخذ من تويوتا .. وكل واحد فينا قد امتلك سياره من تويوتا بحياته لانها حالها حال غيرها سيارة شعب

بعدين يا ليتك تفهم الموضوع الي انا طارحه بعدين تجي تقلب راسي .. لان الدعوه مو مستاهله وجع راس خبر وقلناه زيه زي باقي الاخبار

عندك شي غير كذا ؟!


اخووووووووووووووك مرزوووووووووووووووق

في البدايه حبيبي

انا ما طالبت بحذف الموضوع ولا عمري طالبت بحذف اي موضوع

انا طالبت بتعديل عنوان الموضوع

لانه يخالف محتواه

هذا اللي قصدته ...........


بالنسبه لباقي كلامك

حبيبي ليش زعلان ؟؟؟؟؟؟؟

انت في موضوعك قلت ان هيونداي احسن من تويوتا


وما فيه اي انسان عاقل على الكره الارضيه بيقول ان هيونداي احسن من تويوتا

هذا اللي حبيت اوضحه


..

اخوي الزاحف انت ما رديت على كلامي كله اخذت اللي يعجبك واللي انت تتوقع انو يكون في صالحك


زبعدين منو قالك اني ماجربت تويوتا انا جربت كرسيدا

وهايلوكس

وكامري جراندي 2003

انا اقولك اللي حصل

الكرسيدا ما تغير فيها اي شيء من طالعناها وموديلها 95 اوكي

الهايلوكس موديل 2002 طلع لنا مشكلة الجير وصلحوه الوكالة على الضمان

الكامري تنسيم قوي من عند الراكب والمراوح والفحمات من مشت 3الاف وهي ما تنفع ووو وكل شيء طبعا على الضمان

وانا بقولك على شغله :

انا قصدي الهايلوكس 2006 اسألك بالله تقارنها بـ2005 تقارن الصدام اللي امام

وكذالك الكامري اللي عندنا كل المواصفات مثال عندك المسجل والاشارات والمراوح وووالخ كلها غيرناها

اما كامري كوديل 95 ولد خالي ما غير فيها اي شيء

وبعدين تعال انا اقولك ليش (((((((((((( صارت من أسوء لأسوء ))))))))))))))

[[[[[[ بالله اسألك اول هل كانت سيارات تويوتا اذا طلعتها من الوكالة لازم تعتمد على الضمان ]]]]]]]]]

الحين حتى الهايلوكس اذا طلعتها لازم تعتمد على الضمان من كثر العيوب اللي تصير

يعني الكامري والكرسيدا اللي عندنا الى الحين ما عرفت شيء اسمه ضمان ،،،،،،،، اما الكامري موديل 2003 والهلي موديل 2002 كلها مرت على الضمان


////////
وانا ابي اقولك شيء ترى البيت كله من اخون وعمان وو كله يملكون تويوتا يعني لا تظن اني اتكلم من كلمة عابره على قولك
/////////


،،،،،،،،،،،،،،،،،،،،،،،،،،،،،،،،،،،،،،،،،

اخوي :
Admiral

صحيح معك حق لاكن انا اتكلم عن سيارات تويوتا المشهوره وهذا الشيء يعترف به الكثير

وبعدين الافلون واللند كروزر هذي ما عليها غبار

لاكن عندك الكامري والهايلوكس انا مجربهم ويفرقون وكلها طلع لنا فيها مشاكل و غيرنا على الضمان
وانا قصدي

من كلامي عن الهايلوكس اذكر طلعنا موديل 92 والله ما اذكر غيرنا فيها اي شيء غير اللازم

والحين الهايلوكس اللي موديل 2002 الجير ابتلشنا فيه

وكذالك الحال مع الكامري 2003 اللي ابتلشنا مع المراوح والنسيم ووو
والكامري 95 اللي ما عرف اي مشاكل


تويوتا ليش بعد ما كان الواحد يطلع سيارته ويثق فيها ،،،،،، الحين صار حاط في باله انو بتصير مشاكل ؟؟؟؟؟؟

مشكورين شباب على ردودكم ومشاركاتكم


اخوي الزاحف :
ينحذف الموضوع !! بكيفك هي !؟ اكتب عن تويوتا اليييييييين تشبع احد بيحذف موضوعك ؟ والا لان الكوريه الي تضحك عليها مو عاجبتك ؟

الله يوفقك انت وتويوتا .. لكن ما عليك مني ومن اختياري للكوريه الفاااااشله الي تضحك

طيب انا مسوي زحمه وش عليك فيني ياخوي ان كنت انا سفيه اسفهني وريح عمرك

لكن ليه اتعب عمري معك .. شفت ردودك كلها منت مقصر مع احد لاهيونداي ولا غيرها تويوتا فوق الكل .. الله يوفقك مع تويوتا

ومثل ما قالوا (( لولا اختلاف الاذواق لبارت السلع ))

خلني انا بكوريتي البايخه الفاشله الي لا دعست فيها طلعت ريحة الكلتش وانت خلك بتويوتا الي ما تخرب ابد ابد ابد ابد !! لكن لا تجي تتهجم على غير سنع اوكي حبيبي !


ومشكورين مره ثانيه على الردود


اخووووووووووووووووكم مرزوووووووووووووووووووووق

من قدها الهيونداي

شكرا اخوي على الموضوع

صراحة هونداي بدت تتطور لأفضل وأفضل ..

وم موديل لموديل تحلى أكثر ..

لكن اخوي أتمنى يكون عنوان الموضوع يشمل الموضوع نفسه ..

ولا يخالف الواقع الحين كاتب هونداي تفوقت على تويوتا !!!! ..

خبر قوي ولا يدخل العقل المجرد لكن لو كتبت في روسياااااا ..

كان ما أحد رد عليك بهذي الردود السلبية .. ( وهذي وجهة نظر ) ..



ومهما تطورت هونداي صدقني ما راح توصل لجودة وفخامة ومستوى تويوتا ..

ليه تويوتا من سنوات وهي تصنع وطرحت أقوى الشركات العملاقة ..

وتبغى أقولك ليه تفوقت عليها في روسيا !!! ..

روسيا وأنا أخوك الشعب على قد حاله والأغنياء قلل وهم ناس ما تفكر بالجودة ..

فيتجهون للسيارات الرخيصة الثمن وتلقى أكثرهم أكسنت والنترا ..








ت ح يا ت ي وإلى الامام ===>

تستاهل هيونداي :)

لكن أهم شي تواصل مستوى صعودها ..

وابي اي شكل جديد من سياراتهم يكون متغير بشكل جذري

خصوصا ميكانيكيا .. ما ابي الشكل الجديد من السوناتا 2009 يحمل نفس محرك ال 2005 :D

وان شاء الله هيونداي ما تخيب الظن ,,

تعقيب:
كتبت بواسطة M .N. N
مشكور اخوي مرزوق على الموضوع

لاكن اخوي انا ابغاك تتحمل بعض الردود

وانت عارف انو هونداي تتطور عام بعد عام وتتفوق على شركات يابانيه وايضا اوربيه !!!!


وشباب ترى تويوتا مو شرط تظل دووم في المقدمه>====


والا تبغاني اكون أهبل وادفع 44 الـــــــف على ايكو علشان يكون لونها بحري ؟؟؟؟؟؟؟؟

السلام عليكم و رحمة الله وبركاته


اسمح لي اعلق على كلامك اخوي M .N. N :)

مبين ان اعصابك كانت متوترة وانت تكتب الرد.......ما عليه....

كيف حكمت ان جودة تويوتا نزلت...؟؟؟ :)

انت حكمت فقط على الكامري واهملت باقي السيارات......

لا تنظر لسيارة وحدة و تخلي الباقي......عندك اللاند كروزر....عندك الافالون.....

ترتكت كل سيارات تويوتا.....و حكمت على وحدة منهم و قلت جودة نازلة.....مع المعلوم ان الكامري جودتها كبيرة جدا و انها تحتمل كرف الحمير

احنا ما ننكر ان هيونداي تطورت للأفضل.....و صارت منافسة قوية جدا.......

و بدأت تنافس الياباني بقوة و جودتها تطورت كثير.....

لاكن صعب انك تقول ان هيونداي صارت احسن من تيويوتا.....

مو علشان قدرت تتفوق سيارة من هيونداي على سيارة من تيوتا صارت افضل....:)

اتمنى ان تكون حيادي اكثر في ردودك و انشاء الله نشوف الافضل من الشركتين |3|


----------------------------------------------------------------

نرجع للموضوع الاصلي......


مشجور اخوي مرزوق على الموضوع.......:)


و هيونداي حققت نجاح جبار في وقت قصير .....اتنمى يجي يوم ينسو الناس هيونداي القديمة....و يشوفو التطور الي وصلته ذي الشركة التي لا تعرف اللطموح حدود

كنت اكره ذي الشركة....لاكنها كبرت في عيني كثير بعد نزول موديلاتها الجديدة و التطور الملحوظ الذي شهدناه منها


اتمنى انها تواصل تطورها هي و الشركات اليابانية الاخرى.....و شكرا مرة ثانية على الموضوع |3| >>>>>>متانس على ذي الابتسامة

اخر شي

لا احد يتكلم عن تويوتا وهو ما جربها


انا من اهل التويوتا القديم والجديد

كل شي جربته وعرفته

ويجيني حقين السوناتا ويعلموني بسياراتي


-------------------------------------

خلوكم على كوريتكم

وخلونا على حبيبتنا تويوتا :)

ولا تتهجمون عليها تراكم تفضحون نفسكم |3| بالهجوم هذا



يا حليلكم شف جودة تويوتا 98 وشفها 2002 ههههههههههههههههههههههههههههههههه
هههههههههههههههههههههههههههههههههههه

المشكله ان كانت معي كامري 99 والسياره حلوه وقويه بس مشكله الاسطب الخلفي نوره يطفي

والـ 2002 هذي من احسن السيارات مرة علي في حياتي وتحمل تحمل ماهو طبيعي

في النهايه

تويوتا وبسسسسسسسسس
الكامري تحت اوامري


مع السلامه حبايبي وعيب عليكم

مشكور اخوي مرزوق على الموضوع

لاكن اخوي انا ابغاك تتحمل بعض الردود

وانت عارف انو هونداي تتطور عام بعد عام وتتفوق على شركات يابانيه وايضا اوربيه !!!!


وشباب ترى تويوتا مو شرط تظل دووم في المقدمه :

عندكم مثال الكامري هل تقارن جودة 95 بـ 98 وهل تقرن جودة 2002 بـ 2006؟؟؟؟؟؟؟؟؟؟

شباب تويوتا من اسوء لاسوء والناس تقولي افضل ولازالت تصر عليها
خاصة عندنا بالسعوديه الكامري حقت سعر فقط ،، يعني مو معقوله انا اكون افكر وافهم واشتري سياره جوتها تكون اسوء عام بعد عام وكمان قطعها تجاريه وكمان ما فيها اي امان ومواصفات غير جيده لايمكن ابد ابد تكون بحجم السياره نوافذ هندل ،، وانتل طالع ،، وانا دافع فيها 60الــــــــــــــــــــف >>>>>انا اتكلم عن اللي قيمتها 60الف ؟؟؟؟
ووووووووو

او
سوناتا سياره كلها امان بأمان ومواصفات قووويه وقطعها من الصدام الى الصدام شد بلد وووووو وادفع فيها 60الــــف وسياره حاصله على افضل سياره بالامان من فئتها والسياره من سنه لسنه تتحسن



شباب منو اللي فينا لازم يفهم ويتوعا ويفهم


واخوي اللي يقولي علشان رخيصه .

ياخي هذي اسعارها

والا تبغاني اكون احمق وادفع 44 الـــــــف على ايكو علشان يكون لونها بحري ؟؟؟؟؟؟؟؟


عالم عجيب غريب ؟؟
0
0
0

يا شباب لا اتظنوا ان تويوتا شي منزل من السماء وله قداسة ومدري ايش و لا يمكن لأحد الوصول له

كل شي جائز وما نقدر نستبعد اي شي لأن كلتا الشركيتين يديرونها بشر "بني آدم" مو ملائكة

يمكن المبيعات

بس الجوده وغيره .. احس بدري عليها شوي

شكراً لك أخي / مرزوق على هذا الموضوع .

والله يعينك على الإنتقادات التي ستواجهها في موضوعك هذا .. أظنك ستعمل كورس باللغة العربية :) .

الله يعينك اخوي مرزووق ...

ناس تغلط وما حد يكلمهم وناس يتحاسبون على الحرف

وشكرا على الموضوع

وش ذا الموضوع ؟؟؟؟؟؟؟؟؟؟؟؟؟؟؟؟

هيونداي تتفوق على تويوتا ومسوي زحمه واخرتها زادت مبيعاتها بروسيا !!!!!!!!!

وين المشرفين عن هالموضوع

يا حبيبي اذا زادت مبيعات الهيونداي فهو بسبب سعرها الرخيص مقارنة بالتويوتا والنااس تدور الرخيص ولو تجيب لهم اسوأ السيارات جوده

يا حبيبي اتمنى انك تركز على كل كلمه تكتبها

حبيبي

يا ليت تختار اسم مناسب للموضوع

وتكتب فيه زياده مبيعات هيونداي على تويوتا في روسيا .....

اوكي علشان نفهم وش السالفه

اما تقول هيونداي تفوقت على تويوتا وندخل الموضوع ونجد شي ثاااني

فاسمحلي هالموضوع لازم يحررر ويعدل عنوان الموضوع ليدل على محتواااه


اتمنى انك ما تزعل اخوي مرزوووق

لان هذا الحق اذا بغيت تكتب موضوع اختار العنوان المناسب لان مثل هالعنواين تسبب بلبله

اما الكوريه تتفوق على تويوتا ههههههههه والله زمن

ما خلاها تنتشر الا سعرها وتصدق قبل الاجانب كانوا يركبون سيارات قديمه الحين تلقااه راااز على سياره 2006 ههههه اكسنت ههههههههههههههههههه


مره ثانيه ارجو تحرير عنوان الموضوع

حبيبي افهم كلامي ومقصدي

تحياتي لك

ولا تنسى شي

تويوتا وبسسسسسسسسسسس حبيبي

...................................................

سراب الود و صحراء الجليد :
مشكورين على مروركم ومشاركتكم

اخوي CAM 717 :
الله يعافيك وطبعا هذا رأيك الشخصي ولا لي دخل فيه .. بس صار الحين نيسان وهوندا ما وصلت لتويوتا !!! الله يستر من الجاي :D
ومشكور على مرورك ومشاركتك

اخوي ابوفيصل966 :
الله يهدينا وياك عزيزي .. ولو اني بدور العالم كله علشان اشوف مقارنات كان لقيت كلها تفرح ما عدا المقارنات هنا لانها مبنيه على فكر قديم .. ومشكور على مشاركتك

اخوي energy :
يا ليتك تتوعى انت اول وتقرا الموضوع زييييين .. انا قلت مبيعاتها زادت في روسيا ومبيعات تويوتا قلت هناك .. ما قلت ان تويوتا شركه في تراجع ومدري ايش ومن هالكلام ولا جبت هالموضوع على اساس شوفوا جودة هيونداي احسن من تويوتا .. ليتك قريت زين بس
بعدين اخوي ليه يحذف ؟؟ علشانه عن هيونداي الي انت ما تحبها ؟! ما احد اجبرك اخوي العزيز .. وان كان ودك يحذف الموضوع احذفه واحذف معه اي موضوع يتكلم عن مبيعات تويوتا وغيرها من السيارات .. والا ما ودك مبيعات الشركات الثانيه ترتفع .. سبحان الله !!

اخوي اكورد فضي :
تعجبني ردودك يالغلا ولكن للتذكيييير انا ما قلت هيونداي الاولى بالعالم .. ومشكور على مشاركتك ومرورك الكريم

اخوي علي الزاملي :
موفقين اخوي وان شا الله تكد سبعين سنه قدام .. انا قلللللللللت مبيعااااااااااااات هيونداي السنه هااااذي ركز على هاذي (( سبعينات !! )) تعدت مبيعات تويوتا في روسيا .. ومشكور على ردك اخوي



شكلي لازم اكتب مواضيعي كلها تويوتا وبس علشان الاقي ردود واقبال عليها !! مدري ليه اسمه الاسيوي اجل !!


اخووووووووووووووووووكم مرزووووووووووووووق