السلام عليكم ورحمة الله وبركاته
تحية طيبة وبعد:-
قبل يومين مررت على وكالة العيسائي في طريق خريص- الرياض , لأني ابغى اشوف الباجيرو,
رحت له بعد ما اخذت وصفه من شايبنا الشمري الله يطول في عمره
يوم دخلت المعرض حصلته رااااايق من جدا (جديد), المهم على طول رحت اشوف الباجيرو فل اوبشن
بعد ما شاهدتها وعرفت مواصفاتها وخشت مزاجي,, رحت لمندوب المبيعات لكي اسأله عن الاسعار وباقي المواصفات, يوم اخذت المعلومات اللي ابغاها سألته عن الضمان, قال 3 سنوات او 60 الف كيلو, قلت حلو, قال:
بس الضمان على المكينة + القير+ الدفرنس فقط!!!
باقي القطع غير مشموله!!!!!!!!!!!!!!
خير ان شاء الله؟؟؟
باي حق؟؟
جميع الوكالات اللي تعاملت معهم غيرو لي قطع مالها دخل بالمكينة او الدفرنس او القير بدون اي اعتراض!!(الجميح على سمعته السيئة, العيسى, عبداللطيف جميل, ساماكو, عبدالله هاشم,)
فلماذا الابتزاز للعميل؟؟
وش ذنبي اذا شريت السيارة بـ121 الف وبعد شهر خرب المكيف او الزينون او اي قطعة الكترونية..؟؟؟؟؟؟؟
وبعدين معروف انه حتى في اسؤ السيارات صناعة ان المكينة والقير خراباتهم قليلة, اغلب الخرابات من اشياء ثانوية (الكترونيات- الفرامل-اصوات معينة-مثبت السرعة-الايرباج-نظام التعليق-غيرها)
بصراحة شي يرفع الضغط!!!
ما اقول الا:
الله يكون في عونكم يا اصحاب الميتسوبيشي على هذه الوكالة السيئة,
الان الغيت فكرة الباجيرو نهائيا من راسي (صحيح تقولون اصلا ما تحتاج الضمان لأن جودته عاليه واحتمال انه يخرب نادر جدا), لكن لن اعرض نفسي لذل وكالة سيئة وابتزازهم
والحمد لله البديل متوفر
والسلام عليكم ورحمة الله
