@ دعـــوة للنقاش @ في سيارات لكزس.... أرجوا التفاعل .....

عند المقارنة مع الألماني :

1- GS و M سيارتان منافستان للألماني وبقوووووووووووووة .....ليش ماتنافس ؟؟؟ ممكن تعطينا أسباب ؟؟ .

2- ES لا يوجد لها منافس ..فهي معلقة بين IS و GS .

3- منافس الـ C و BMW الفئة الثالثة هي IS اللي ماتنزل عندنا والإنفينيتي G ........والأفضل IS لا مرسيدس ولا بي إم ولا A4 .


تحياتي

صراحة موضوع رائع ويستاهل النقاش ..

ولكن ننتظر أهل الخبرة في اللكزس والإنفينتي .. والسيارات الألمانية كذلك ..

ولكن لا باس لو أبديت وجهة نظري ..


أنا بقولك السيارات اليابانبة .. تتميز بحاجات ما تلقاها بالألماني .. أهمها :.

1. الصيانة .. وهذي أهم شي ..
2. قطع الغيار سعرها أقل من الألماني .. أستثني الإنفينتي .. ( وفي بعض القطع مو كلها ) ..
3. التكييف .. ويتميز الياباني وبابذات اللكزس والإنفينتي .. بمكيفات جبارة وحقت كد بالعربي ..
4. الجودة .. وهذي وأنا أخوك حسب الإستعمال .. وفي الأأرجح إنه الألماني ما يتحمل ..
5. السعر والمواصفات .. وهذي تقدر تقول أهم النقاط .. يعني الألماني غالي بس يستاهل .. لكن الياباني .. أرخص ويمشي وبقووة .. لكن ما يوصل للألماني ..

_________________________________________________

وأنا ودي أعلق على أخوي (( الطروقي )) .. في كلامه ..


++++++++++++
وعلى العموم أنا أتمنى أنكم تشيلون اللكزس ES300 من امنافسة لأنها وبكل تواضع لا تصنف معهم لأنها عبارة عن كامري مقنع ((كامري شيوخ))
++++++++++++


_______________________________________________-


ما أقوله .. إلى إنه (( اللي ما يعرف الصقر يشويه ))..

شكلك وأنا أخوك ما ركبت اللكزس 2006 ES300 ..

أتمنى إنك تركبها .. وترد لي خبر وأنا أخوك ..

ولو تشوف الجديدة إحتمال تنجن وأنا أخوك .. هههههههه و لهناك أمزح عاد ..



لا تزعل بس حبيت أصحح المعلومة ..






ت ح يا ت ي

قطع غير اللكزس ES
الصدام الأمامي بي 450 (ارخص من الكامري نفسها)
الفحمات الأمامية بي 300 ريال وتعيش 20 الف كيلو بالراحة
الإصطبات الخلفية بي 700 ريال

الصيانة مجانة فقط تدفع ثمن الزيت والفلتر بي 92 ريال

وليي يقول انها كامري شيوخ انا مستعد اعطيه سيارتي يجربها ويشوف ثباتها ومرونتها وسلاستها وهدوئها

وبعدها نحكم هل هي فعلا كامري مطورة ولا لكزس تختلف عنها وما يشتركون الا في قاعدة العجلات وبعض قطع الغيار(الي انتو

عارفينها )


ايضا هذا رابط احكيكم قصتي مع لكزس ES 300

http://www.assayyarat.com/forums/showthread.php?t=71645

على فكرة موقع لكزس الأمريكي عامل مقارنة سيارة لكزس مع منافسيها فا اختار الي تحبه زي ما تبغا

http://www.lexus.com/models/comparison/gs.html

السلام عليكم.........
ماشاء الله موضوع ممتاز
بالنسبة للياباني الفخم فهو للأسف قريب جدا في أسعار قطع الغيار والفحوص من السيارات الألمانية ، وهو شيء غير مستغرب من سيارات تتميز بالجودة والأناقة .
ولاكن تبقى السيارات اليابانية تنظر للسيارات الألمانية بكل أحترام وتبجل وتواضع لأنه ومن واقع لم تصل لمستوى هذه الوحوش التي تمشي على الأرض ، لا من مميزات ولا من متعة وثبات بالقيادة
ياأخوان تبقى شغلتين تميز الياباني على الألماني وهو مايدع الناس تقتنيه :
1- مراكز الصيانة المنتشرة
2- التكييف
وغير كذا الياباني مايكل عيش معه
وعلى العموم أنا أتمنى أنكم تشيلون اللكزس ES300 من امنافسة لأنها وبكل تواضع لا تصنف معهم لأنها عبارة عن كامري مقنع ((كامري شيوخ))
والله الموفق وكل اللي قلته ماهو الا تعبير عن رأيي الشخصي
الطــــــــــــــــــــــــــروقي

شف ياخوي .
اللكزس بوقت قصير استطاعت انها تنافس الشركات اللي لها وقت طويل في السيارات ..
واللي يميز اللكـزس .. إنها تعيـش معك انا معي rx .. معاي ثلاث سنين والى الآن فحمات وزيت ولله الحمـد
وكذلك أحد الشباب معه 430 مااشتكى منها الى الآن .. واللكزس تتميز بقوة في صيانتهـا ..

ولو خيـروني بين GS 430 .. أو أودي A6 أو الفئة الخامسة أو الفئة E .. على طول أبختـار GS .. ,’.,

بشكل عااااااااااام

اللكزس تنافس الألمـاني .. ,., :)

حقيقي الليكزس سيارة رائعة وناعمة ومريحة اكثر من الالماني وممتازة وقطع الغيار والصيانة قريبة من الالماني لكن لاتزيد عنها ان لم تكن تقل قليلا لبعض القطع اما من حيث المتانة والقوة والمميزات والرضا الالماني افضل. لكن تبقى ميزة الليكزس انك تشتري مواصفات عالية بسعر اقل في حين نفس المواصفات تاخذها في الالماني بزيادة في السعر فرق طبعا بالزيادة.
وتحياتي لكم