ياجماعه أريد سوناتا والوالد يريد كورولا

ما شاء الله يالسوناتا اللي احسن من الكامري والاكورد والمكسيما


عالميه السوناتا

السوناتا فيها امان وووووووو

حتى ايرباق واحد ما فيها !!!!!! بينما الكورلا الفل ايرباقين

السياره غير مريحه تماما الكوكو مريحه اكثر عند المطبات فما بالك بالكامري


على العموم يالغالي

حاول تقنع الوالد وان ما رضى فيه حل وسط

مكسيما سياحي يكفيك انها 6 سلندر وافضل شكل من السوناتا

التيما سياحي 4 سلندر

كامري XLI EXCUTIVE

واخر شي وهذي لو معي 60 الف ماحطها بغيرها صدقني
لومينا LS يا شيخ خياليه هالسياره

ولا تحسب السوناتا عالميه
ابغاك تجي مع الجنب وطالع بس الرفر الامامي بتشوف الشكل غير متناسق وماهو راكب

ومن الخلف انتبه لشكلها

انصحك تقنعه باللومينا وتشتريها وتعيش في سياره قويه راسيه ثابته انظمه امان ايرباقين وABS اساسي وشكل قوووي واجمل من السوناتا

على العموم يمكن ماقدر ارد بسبب الانشغال
تحياتي

والله شوف اخوي كلام الوالد وجيه وسليم 100%

بالنسبي لي غير النيسان والتويوتا ما أخذ

ويقول المثل المشهور لو في الزين خير كان ماعافه الطير

وموفق اخووي
.

السلام عليكم

اخوي انت كل الوالد الله يطول عمره وقله انت ما تخاف علي ؟؟ راح يقول اخاف عليك

قوله بالله تبغى تاخذلي كورلا ؟

وسالفة قطع الغيار والله ثم الله ان القطع الهيونداي بكل مكان الحين

والعكوس انا صارلي حادث يوم السبت اللي راح وطلعت ادور قطع غيار

لقيت العكوس :
الاصلي : 460 ريال ( كوري )
التجاري : 130 ريال ( ياباني ) <<<<<<< بالله وش رايكم بالسعر وحط خطييين على ياباني

السيارة موديلها 2004

وكل على الله وصدقني السوناتا ماراح تخونك بإذن الله وترى محركها جدا مبتكر وقليل الصيانه
وترى الانسان له رأيه المستقل ..هو بس يشتريها ويوفر لها ميزانيه على جنب بحيث انه يضبطها بنفسه بدون مايقول لابوه اذا ابوه من النوع المتسيطر بدرجه كبيره ولاتنسى ضمان الوكيل اذا بتطلعها وكاله تراه كويس مره,,وماسمعت احد يشتكي منه قليل مره..
وتمنياتي لك بالتوفيق

إذا ما قدرت تقنعه فخذ إلي على مزاجه ... لأنه في النهاية أي عطل ممكن يصير في السيارة حتى لو كان بسبب سوء إستخدامك للسيارة ... فالوالد راح يقولك هذي السيارة إلي بغيتها (:

هلا بالأستاذ كيني
طيب الحين انت قلت كلمه (خل عنك) طيب وضح لنا في نقاط سلبيات السوناتا اللي تعوضها الكورلا؟
جبلنا عيوب السوناتا اللي تعوضها اليابانيه..
اقسم بالله ياكيني ان الكوري وبالذات السوناتا والملكه ازيرا برقبه هالياباني اللي انت تقول ماعليه كلام
صدقني من واقع تجربه يكفينا سخريه ان الكامري تقدّم ABS اختياري في الاستاندر لا واذا بغيت تركبه بخمسه الاف؟
وهالاختراعات العجيبه من تيوتا عل الكورلا اللي الناس فرحوا فيها ريموت المسجل والستاره المتحركه؟؟؟؟!!!!!!!!!!!!!!!!!!!!!!!!!!!!!!!
تعال ياحبيب قلبي ياكيني انت وعشاق التيوتا وجيبوا لي اختبارات التصادم حقت تيوتا وكورلتكم ذي وعلمونا كم حققت من نجمه اشك انها حققت نجمه وحده!! مالاحظتم ان الياباني مايتطرق للأمان حتى في سياراته من الفئه المتوسطه يالله يالله يتطرق لها في الفئات الفخمه!!!

بإختصار السوناتا ثقيله+راسيه+ماسكه ارضها+اقتصاديه+استجابتها معك سواء دعسه او مناوره او فرمله عاليه+خضوعها لك حتى في الرياح الشديده ومعوقات الطريق عاليه=السوناتا سيارة حقيقية الكورلا بكل صراحه للناس الاقتصاديين بزياده


المشكله الناس يقولون ياباني ماعليه كلام هذا الكوري لايهمك؟يعني عشان اسمه كوري خلاص شلته من راسك؟؟ اتحدى واحد يجيب لي لكزس من فئة الأزيرا فيها 8 وسائد هوا وفيها أنظمه الأزيرا ويكفي نظام نازل مع السوناتا نسيت اسمه ( اللي يخلي الكفرات الخلفيه تنحرف مع شدة المنحنى) ماخذه فيه شركه هيونداي برائة إختراع.. جربوا السوسو وجروا الكورلا وعطوني رأيكم ويصير خير!!!!!!!

..لحظه تساؤول بيني وبينكم وبين نفسي..من اللي بيدفع في كورلا او موتر ياباني فوق 15 الف ريال وش عاد باللي يفكون وكاله يفكون بستين الف الكورلا ومدري كم بعد!!!!!!!!! ولا جيب ربع عشان القزاز يدوي هندل مدري كم قيمته صاير اغلى !!!!!!!!!!!!!!!!!!! والله شايفه بنفسي عند القصمان ببريده؟؟؟؟؟؟

وفيه منحنى حول القصيم دايم تصير فيه حوادث وأغلبها هايلكس وكلها تلتوي مع الماصوره حتى على سرعات تافهه 50 و 80 بإختصار التيوتا اللي يجينا والنيسان كلها مضروبه أمنيا ومافيها اي سيفتي واتحداك السيفتي حقها يصير زي اللي في اليابان او في امريكا او اوروبايحذروهم لو مايطابقونها بنظام السلامة الدولي وفعلا تجينا شبه خاليه من السيفتي.......(سيفتي مين يابوي والله اني بعد ذكي) خل شعبنا يربط الحزام اول ونبدا نسولف عن السيفتي ولاحد يقولي (توكل وخلها على الله) ومالك هم! اللي مهب قد الشيء لايجيه ماتطب الخط السريع بسيكل وتقول يالله توكلت على الله!! ... كلشيء له سبب لازم سيارة تواجه الاسباب وماتوفيقنا الا بالله ..شوفوا قلة الحوادث في الدول المتقدمة واحنا ماطحنا طحن الا هالحروب القهرية من الحوادث..شوفوا وفياتنا والشعب الامريكي مثلا هم اقل بكثيييييييييييييييييييييييييييييير لان كل واحد له مقعده المخصص ويرتدي حزامه المخصص ويتبع الانظمه بحذافيرها واحنا لاحول ولاقوة الا بالله مع الاسلام نوّرنا ولكن ابينا,,,,

تحياتي واسف على الاطاله بس عمى الناس على هالياباني ‍! مدري ليه يمكن قوته التسويقيه او تاريخه القديم مع مملكتنا ايام الجيوب الربع الجيشيه !! ولأنه من السبّاقين لدولتنا الشديدة الإستهلاك .. مادري بس الله يعين والله يعين على العقول المتعصبه بدون اهداف
في أمان الله

أنا أقول .. تسمع كلام الوالد .. وتاخذ كورولا 1.8 .. وبصراحة السيارة ما عليها كلام

وخل عنك الكوري

تحياتي

Kenny

عاد يالزعيم الله يرضى عليك ماعاد يبقى الا نروح للوكالات ونطبع لك اوراق الاسعار ونجيبها
قم وتحرك وشف وترى قطع السوناتا معقول جدا ويعيش ماعليك لاكن اتمنى واحد من الشباب (من اللي يستخدمون السوناتا ويعلمك بالقطع الاستهلاكيه ) وترى السياره ماهي سياره فارهه عشان تخاف منها لاتخاف السياره مثلها مثل غيرها لاكن تتفوق بالجوده والسيطره ومتعه القياده وبالنسبه لي هي افضل من التيوتا كامري بأضعاف مضاعفه وافضل من المكسيما بأضعاف مضاعفه وأحسن من الاكورد برضه تراها بطله والله.. والمآخذ الوحيد ان مافيها فخامه شديده أو إخلاص جمالي بالمقصوره لاكن بشكل عام تبقى احسن من الكورلا من داخل ومن برى ومن اللي جابوها بعد ..سوسو وبس والله سوسو.... ويارب يوافق وتتهنى فيها وتمر وتاخذ بنا دوره|3| وتعزمنا للعشا P: |11|
تحياتي

مشكوريين ياشباب
لكن ماقلتلي عن اسعار القطع اللي سالتكم عنها

وتكفوووون ادعو ان الله يهدي الوالد ويسخره ويوافق على السوناتا

السوسو صراحه هاديه حتى على سرعه 200
هي خشنه شوي عشانها رياضيه وتعليقها رياضي لاكن نصيحتي اللي يبيها تصير ناعمه يغير كفرات الوكاله بكفرات مشلان ترى نتيجتها طيبه مره وطبعا السوناتا اريح من الكورولا نفسيا وجسديا وكلشيء ولافيه مقارنه
تحياتي لكم

والله السوسو شكلها مرعب الصراحة بس ما ادرى هل هي مريحة ولا ايش

الله يعينك


يا خي
ما يبيلها شي
رح انت وابوك
واستاجرو كورلا


ثم استاجرو سوناتا وخله يشوف الفرق


ما فيه غير السوسو

ياساتر احد يقارن سوناتا بكورلا؟؟؟
والله السوناتا مجرمه ونشيطه وبطله وفازت عام 2004 بافضل سياره في امريكا كتقييم امني واقتصادي وكلشي
ديناميكيه راسيه نشيييييييييطه مره مره وبطله وتحسها كتله وحده الكورلا كنها قرطاس بالنسبه لسوناتا
وترى قطعه عاديه مررررررررره ومتوفر كلشيء حتى اصغر صاموله تلقاها عن الوعلان وغيره واي مكان يوفرها
الله يسخر لك ابوك والله مايصير فرق الثرا عن الثريا السوناتا ثريا وربي واسألني عنها جربتها وسقتها وقريت عنها ولافيه اي مقارنه بينها وبين اليابان وترى بديها بطل والله وكلها بطله مره مره مره مره سوناتا وربي وبسسسسسسسسسسس وان كان حظك شقي راح تشتري كورلا وعسا حظك زين وتشتري سوسو تمنياتي لك بالتوفيق

السلام عليكم

من رايي انك تاخذ الوالد وتروح معاه بنفسك الى وكالة

وتحاول قبل لاتروح تنسق مع مندوبي المبيعات وتاخذون سواقة تجريبية للسيارتين

وانصحك انت بالاستخارة والله يوفقكم

السلام عليكم ورحمة الله وبركاته

اعتقد يجب ان تحاول ان تبين لوالدك ما هي ايجابيات وسلبيات السيارتان .....


وما السيارة المريحة ...........



وشكرا