لاصحاب الاوبل أوميغا بخصوص المبرد

السلام عليكم شباب اناكنكم نستوني محد جاوب علي ابو الدواهي مشكور واخوك الصغير الي هو انا بطبع من الرياض بس تكفون مشكلة التلفون حلوها لي يعطي بليز اوت ويعلق مره ماشتغل حتى لو مافيه شريحه يعطي بليز اوت ويعلق عليها

هلا والله اخوي modi_sa الكديلك تقصد كاتيرا الظاهر تراه كربون من الاوميغا عموما رجة الماكينة نعم موجودة لكن تراها خفيفة وتزيد اذا كنت واقف مدة طويلة وتختفي اذا شغلت المكيف .

بالنسبة للبواجي سعرها 160 طبعا 6 قطع وهذي للمحرك 3.0 اما 3.2 اعتقد تختلف .

وبالنسبة للفحمات انا اتوقع فحمات اي سي ديلكو تركب بالراحة ويوم اباخذ الفحمات على قولتك واروح لمحلات باقادر بالصناعية اعرفهم خبرة قطع من يوم ما يشوفها بيقولي فيه وإلا لا.

المشكلة تدري وشي بقطعة ABS رحت للتشليح وحصلتها 500 ريال لكن يقول الرقم يختلف قلتله مهيب مشكلة قال لا لازم نفس الرقم |5| ورجعت فاقد الأمل مرة ثانية بعودة الفرامل كما بالسابق |5|

تحياتي

مسا الورد اخوي احمد

والله شف على حسب اللى سمعت ان الفحمات هي نفس فحمات كاديلك النوع الصغير وماعرف اسمه واللله
و وسعرها 230 زي مايقولوا وتصدق نفس الفحمات يبيعوها للاوبل بمبلغ 407 بعد الخصم:)

عندي اقتراح : فك الفحمات او خذ القديمه اللى عندك ورح لاي محل جي ام سي قطع غيار مو الوكاله واسالهم عندكم زي هذي واذا قالوا لك وش السياره قل مدري اخوي موصيني اشتريها اذا كان في زيها عطني والظاهر انها شفروليه او كاديلك
بيطلعها لك انشا الله .
انا غيرت سيفون بمبلغ 20 ريال والوكاله تغيرها للاوبل ب 40 على ماظن

المهم انت رح التشليح و دور وحده جديده انا والله شريتها نظيفه مره مره اقول لك ب 150 و خارط الهوبات ب 30 ريال
ومركبها في البيت سهله جدا جدا واذا كنت تحب الفك والتركيب باعطيك الطريقة.

انا عندي سوال يا احمد كان عندك خلفية
انا عندي مكينة السيارة مهيب راسية يعني ترج فيها نفظة بس ما تطفى
والحراره ما تتعدى 90 من 85 الى 90 في عز القايله ولله الحمد بس النفظة هذي محريتني مدري لو غيرت البواجي يظبط الوضع والا لا .
وبكم تشريت البواجي ؟

والله ما قصرت على هالمعلومات اخي modi_sa وقريبا ابروح للتشليح اركب القطعة إن شاء الله ولك دعوة بظهر الغيب .
وسؤالي : بالنسبة للفحمات وش الحل يعني اروح للتشليح وادور شي نظيف او فيه فحمات رخيصة بالسوق مثل فحمات سيارة ثانية مثل اللومينا والكابرس .

تصدق انا خرطت الهوبات ثلاث مرات في كل مرة اغير الفحمات.:mad:

السلام وعليكم ورحمه الله
الاخوه الاعزاء اعتذر عن التاخر في الرررد وذلك لظروف السفر ولكن كنت ادخل واتابع الموضوع بس ما كان يحضرني الرد لاني ما بعد دورت
المهم:

الاخ احمد بالنسبة ل abs ترا القطعه اللى ذكرتها نفسها ولكن ما يهمك الرقم الموجود لان الرقم هو رقم القطعه وانت اصلا تلاحظ لو شريت قطعه حتى لو فحمات بتكون نفس القطعه مع اختلاف الرقم

فحمات الاوبل قيمتها في الوكاله 407 ريال وانا شريتها من التشليح نظيفه جدا جدا ب 150 ريال بس بأقول لكم المفاجاه اللى اكتشفتها واللى تثبت نصب شركه الجميح
الفحمات حقت الوكاله من يوم شريت السيارة ما غيرتها السيارة موديل 2002 ومكتوب عليها كلمو انجليزيه ترمز لاسم المصنع وهي نفسها الشركه اللى صنعت الكليبر ( الكليبر) هو اللى يظغط الفحمات على الهوب
المهم الفحمات اللى شريتهاو اللى موجوده في الوكاله للاسف مكتوب عليها جي ام اس ومصنوعه في مصنعهم في جده لان لهم مصنع يصنع الفحمات والحاجات التافهه.
ويوم قلت للرجال في الوكاله ليه غاليه كذا وهي جي ام اس امريكيه قال لالالالا احنا نجيب الخامه من المانيا ونصنعها في امريكا ؟؟؟؟ بالله وش رايكم

الامر الاخر : اي شخص تنكسر عليه دقمة المفتاح اللى في طارة السيارة طبعا بيروح الوكالة وبيسال عنها وبيجد ان قيمتها 700 ريال ويقولون طلبية بعد ويبي لها برمجة ؟
لو حل معك كذااا ما عليك الا ان تروح الوكالة و تطلب منهم دقمة مفتاح لومينا 2002 بقيمة 124 ريال وبينصدم لما يشوف انها نفس القطعه اللى راكبه فالسيارة وبيركبها عند كهربائي سيارة ب 50 ريال وبيصلح المفتاح على الدقمة الجديده بدون برمجه بمبلغ 20 ريال عن راعي المفاتيح

معلومة اخرى : حساس الفحمات يوجد في جهه واحد هي جهه اليسار وقيمتها في الوكاله 30 ريال ولو تروح التشليح ولقيت واحد نظيف بتلقااااه ب 10 ريال

بالنسبة للمكيف قيمته تشليح 500 ريال بالظبط وفي ناس يعرضونه ب 600 الى 700 وترا سعره في الوكالة 3000 ريال
وللمعلومية ترا في مكيف يركب عليها دلني عليه اللى فالوكاله وعطاني رقمه وقال رح دوره براااااا وقيمته حوالي 800 حسب ما ذكر وبحاول ادور للورقة الصغيره اللى كتب عليها الرقم

انا ودي والله اصور بعض الاجزاء الموجوده والمهمه في السيارة ولكن عندي مشكلتين :
1 مابعد شريت كميرا :(
2 ما اعرف انزل صور فالمنتدى

ولكن اودعكم ان احنا بنكون يدا واحده ضد الجميح والحراميه اللى ينصبوا على الناس
اكرر السيارة والله روعة بس لعب فيها الجميح

تحياتي للجميع
وفي انتظاركم

اخوي احمد اشكرك واسف على تاخر الرد
اخوي العارض مشكلة التلفون ماقد مرت على لان قليل استخدمة لانه انجليزي بس مومشكلة المشكلة مايقرا الرسايل العربي ويطيرها عليك
امابالنسبة للسؤال الثاني انت وين ساكن ؟

تقبل تحياتي

السلام عليكم ياشباب انا عندي مشكله وهي في تلفون الاوبل خرب علي صار يعطيني بليز ويت ويعلق عليها وش الحل وين اصلحه ولا كيف بعدين ياشباب عطون المحلات الي تصلح الورش الي تصلح اوكى الموضوع حلو بس مانستفيد لين تعطونا اسامي الورشه وين محله صح ولا انا غلطان بالله المبرد كيف الغيه وين هذا السعودي الي تقول عنه يلغيه بـ 500 ريال ياخوي اسعودي عطنا اسم ورشته خل ندعهم احسن من الاجانب النصابين

هلا والله اخوي ابو الدواهي ومشكور على هذه المعلومات وما نستغني عن رايك بالمشاكل الأخرى بالسيارة.

السلام عليكم ورحمة الله وبركاته

اخواني احب اشكركم على طرح الموضوع للنقاش وتبادل الافكار والخواطر

طبعا انا من الناس اللذين عانوا من الاوبل معاناة وبالخصوص من الوكيل السيء جدا

واحب ان افيدكم انه يوجد لدينا في العائلة الكريمة سيارتين اوبل وكلاهما طبعا ست سلندر فل كامل

من المشاكل اللتي واجهتا طبعا كان واحد منها المبرد وعملية خلط الزيت مع موية الاديتر لنخرج بمشروب جيد ينافس

افضل المقاهي وهو الكابتشينو ههههههههههههههههههه

حل المشكلة كما ذكر الاخوان وهي الالغاء والعملية كلفت مع كلش 500 ريال فقط وفي الوكالة 3500 ريال
وعليكم المقارنة وللاخوان اللي يسمعون بالمحافظ ومايدرون وينهي هابه

المشكلة مصلحها لي سنتين وما شفنا الا العافية

ولزيادة اقناع منهم صعبين الاقتناع

طبعا انا مااطب في الشي الاوانا واثق من النتائج باذن الله

طبعا انا سالت المكانيكي وهو سعودي الجنسية ويراعي ذمته في خلق الله فله مني الشكر ولولا اني اشك انه لايرضى بنشر اسمه لذكرت اسمه
طبعا قال ان المبرد وظيفته هي طبعا تبريد الزيت وقال هذه الجملة مغلوطة وانماهي بالاساس تسخيين الزيت لان السيارة مصنوعة للاجواء الباردة
فاذا اخذنا بعين الاعتبار مسمى المبرد وصدقنا الوكالة في هذه التسمية فاسألكم بالله كيف يبرد الزيت وحرارة ماء الاديتر تقارب 90 مئويية وتزيد في الصيف الى 95 بل 97 وهذا طبيعي على كلام الوكالة يعني قاربت درجة الغليان

وللمعلومية المكانيكيين قلليلين الذمة يقولون بوجوب تنزيل المكينة وهذا غير صحيح لان مكانه تحت الثلاجة ولايحتاج فك المكينة اي تنزيلها

المشكلة الثانية وهي
كان في السيارة تقطيع واذكر اني طرحت تساؤلي هنا قبل سنة تقريبا واستخدمنا جميع الحلول اللي ذكرها الاخوان ولم يفد حتى اني اضطررت الى ادخالها الى الوكالة وقرابة الاسبوع في الوكالة ولم يفد

وفي الاخير رزقني الله بكهربائي في القصيم تركي معه اوبل ست سلندر وضبطلي جميع الامور واختفى التقطيع ولله الحمد ولكي لا اطيل على الاخوان ولا اشعرهم بالملل استغنيت عن ذكر كثير من المشاكل وحلولها واي سؤال

انا حاضر

تقبلوا تحياتي

حياك اخوي modi_sa بالنسبة للفحمات الامامية بـ 400 ريال ويمكن اقل ب 20 ريال والحساس 30 ريال اما البواجي فهي حسب المحرك فيه نوع يجي 3 رؤوس بـ 160 ريال 6 حبات وفيه 4 رؤوس 220 ريال تقريبا وتجلس معك اكثر من 60الف كيلو.

تحياتي |3|

هلا وغلا اخ احمد
ما عليك اليوم بسأل عن الرقم اللى عطيتني اياااه

ودي اعرف اخوي كم سعر الفحمات الاماميه لاني من يوم خذينا السيارة وكاله ما غيرناها من 2002
مشالله والله تصدق الفورد اغيرها كل 6 الى 7 شهور وبالاضافه الى سلك الحساس

وكذلك البواجي كم سعرها فالوكاله ودي اتاكد من السعر لانه يوجد نفس البواجي بوش برا وبسعر حلو

والله ما قصرت أخي modi_sa وللعلم مشكلة المثبت والعداد من المنظم ليش لأنه في عز البرد احيانا تطفي لمبة ABS ويشتغل العداد والمثبت والعكس اذا ولعة . . المهم انا لازم اصلح ال ABS اليوم مسكت فرامل قوي بالقوة بالله وقفت السيارة بعكس أول كانت افضل بكثير والحافظ الله اولا وأخيرا.

المشكلة بارك الله فيك أخوي modi_sa ان القطعة موجودة بالتشليح لكن يقولون لازم نفس الرقم واذا كانت القطعة إلي حصلتها بـ 500 ريال نفس الرقم إلي عندي تكون سويت فيني خير والرقم عندي




تحياتي لك واعذرني بكثرت الأسئلة|3|

حياك اخوي احمد
بالنشبة للقطعه اللى ذكرتها قيمتها 500 ريال في التشليح سألت عنها قبل شوي وهي اذا كان فيها مشكله فعلا تسبب ان اللمبة تشتغل حقت abs
لكن المشكله انك تقول ان مثبت السرعة ما يشتغل وهذا على ماعتقد ماله علاقة بالايبي اس لان الدعسة حقت السيارة اصلا كهربائي و لذلك التثبيت يكوت اكتروني ما في بالون زي الفورد ينفخ هوا ويصير دعسة واظنك عارف قصدي

لكن ولا يهمك ما زال البحث جار عن حل للمثبت
تحياتي

اخي modi_sa بالنسبة لموقع المنظم موجود تحت علبة زيت الفرامل وراكب فيه اربع انابيب حديد ومكتوب عليه بوش بس بخط صغير .

ومشكور على الاهتمام|3|

مسا الورد للجميع
يااخوان انا كتبت رد البارح و ما طلع مدري ليه
عموما في البداية اشكركم على ردودكم وباذن الله نقدم اللى فيه فايده للجميع

الاخ احمد انا قاعد ادور لك حل لمشكلتك وانشاء الله تنحل لانه اول مره اسمع بزي كذا
وبعدين بسالك وين قالوا لك الوكالة موقع المنظم بالظبط
اصلالا كل شي واضح قدامك عدا اشياء تكون خلف المسجل
وترا الوكاله مو على اي حال عندهم سالفة

راعي الصابونه العزيز بالنسبة للمراوح تراها تجي فالاوبل اوميغا انا عندي 2002 وجايه فيها وكاله
مدري عن الموديلات القديمه
ولكن ترا المروحه الرئيسية قويه وتودي الغرض بس المروحتين هذي اللى في الامام تدعم عملية التبريد
ولها سرعتين : سرعة متوسطه وسرعة قصوى وتعتمد على ارتفاع الحرارة او انخفاضها
وللمعلومية ترا الاوبل حرارتها 90 الى 93
بالنسبة لى انا عندي 90 في عز الحرررر وفي عزز الزحمه واذا كان الخط ماشي ومافي حرر تكون تحت 90 بوواجد
انا واجهتني مشكله في الحرارة ولكن الحمد للله طلعت المشكله بسبب السلك الارضي والدينمو ما يولد كهرب كافي للمراوح
خذ السيارة من الوكالة ورح للتشليح والله اني لقيت المراوح منطله في كل مكان لانها نادرة الخراب في السيارات

تحياتي وترقبوا الجديد

موضوع اوبل يتكلم مشكله كبيرة و السبب هو انقطاع سلك السالب عن الماكينة

http://www.assayyarat.com/forums/showthread.php?t=84991


وجود زيت في قربه الماء



http://www.assayyarat.com/forums/showthread.php?t=84032&highlight=%C7%E6%C8%E1

صوت في السيارة في موضوع قديم عن الاوبل


http://www.assayyarat.com/forums/showthread.php?t=39807&highlight=%C7%E6%C8%E1

وعليكم السلام و رحمة الله و بركاته

خلاص ولايهمك حط الي عندك من معلومات و من تجارب علشان الجميع يستفيد منها

واحنا بنوقف معاك بالي نعرفة ويسرنا ان نرى مشاكل الاعضاء لها حل في هذا المنتدى وخاصة مثل هذه السيارات الي تخصصها قليل ولكن من واقع تجربة بيكون هذا الشي احسن

بشرط ان لاتطرح عنوان واضح لكهرباءي او ميكانيكي الا ان يكون بتفاق مع موقعنا
واي ارقام هواتف ستكون مخالفة بطبع

لك كل الشكر على التعاون و التواصل بين الاعضاء وفي انتظار مشاركاتك

هل صدق ان الاوميغا ماتتوفر مروحه حقت التبريد الي قدام الراديتر؟؟؟؟؟؟؟ واحد متورط مخلي سيارته فوق الشهر عند الوكاله وش قالوا قالوا مافيه مروحه متوفره لازم طلبيه ؟؟؟؟ سبق وطرحت هالتساؤل ولم اجد اجابه
للمعلوميه ترا الاوميغا مااااااااااااااااليه بريطانيا ولكن بأسم شركة فوكسهل وتصليحها في بريطانيا مثل تصليح الكامري عندنا

بصراحة عجبني الموضوع,,
وياليت كل اصحاب سيارة معينة يتعاونون مع بعض,,