لاصحاب الاوبل أوميغا بخصوص المبرد

هلا وغلا يا اااخوان

اليوم رحت الوكالة وشريت كراسي مكينة لسيارتي اوبل اوميغا 2002 ست سلندر وكذلك شريت وجه كرتير مكينة
المهم كانت الاسعار كالتالي

كرسي مكينة الحبة بقيمة = 366 و وجه الكرتير بقيمة = 150

المهم قال لي الموظف رح للمدير وتراه انشا الله بيعطيك خصم كويس قلنا وين مكتب المدير
المهم قلت له عندي اوبل والقطع اللى ابيها صراحه غاليه مره مره

قال لي انتم يااصحاب الاوبل دايما زعلانين منا واحنا عاذرينكم والله لكن والله ان الاسعار هذي من الشركة جنرال موتورز ولكن ابشر باعطيك خصم وكتب عالورقة ووقع ورحت للموظف وصارت الاسعار كالتالي :

كرسي مكينة الحبة بقيمة = 295 و وجه الكرتير بقيمة = 115

عشان كذا يااخوان اي واحد يروح يشتري قطعه اوبل وشافها مره غاليه يقول وين مكتب المدير ويكلمه وعلى طول بيظبط وضعه الله يجزاه خير رجل في قمة التواضع والاخلاق
انا رحت فرع الصناعية القديمه

للمعلومية كراسي المكينة تخرب مع الوقت في الاوبل ويصير عندك رجه خفيفه ولو تنزل تحت السيارة بتشوف ان جلده الكراسي متأكله او مظغوطه على بعض وانا بكرا انشا الله باصور القديم والجديد

ابشركم شريت كميرا ديجتل بس يا ريت لو تعطوني طريقه تحميل صور هنا الكود حق المنتدى والطريقه

تحياتي

والله ما قصرت يا نيد فور الله يعينا مع بعض الظاهر انا كلنا في الهواء سوا مع هالوكلاء التعبانين لكن ما نقول الا حسبنا الله ونعم الوكيل
والله يعطيك العافيه على النصيحة الطيبه ويصبرنا على هالسياره 0
والله فوضه واستهتار ماله حد وما حد يحفظ حقوقنا الله يخلف على المستهلك المسكين 0
قطعة مهمه في السيارة لا تجدها في الوكاله طيب وش يسوي الواحد اذا كانت السيارة متوقفه على هالقطعه
0000000000000000000000000000000000000000000000000000000000000000000000000000000
اخي modi_sa
انا لم ابدل اي حساس لا كن حسب كلام الميكانيكي السوداني اللي في ورشه السلام بشارع المعارض بالشفا
قال بنسوي لها تنظيف وانا شفته ينظف البخخات وكذلك فك غطاء المكينه النيكل اللي فيه علامة الاوبل وفيه حسب كلامه حساس لونه ايضا نيكل دائري كانه علبه بجانب المكينه من اليمين طبعا يمكن يختلف حسب موديل السياره لكن سيارتي موديلها 99 استرا سوى له تنظيف حسب كلامه واعتقد ان قال في حساس ثاني لكن والله ما ان متأكد من مكانه
على كل حال عندك عنوانه مع العلم انه في بداية الامر ما بغى يشتغل في السيارة يعني كان بيصرفني لأن اغلب شغلتهم هي فحص السيارات بحكم انه قريب من معارض السيارات لكن الله هداه وقال افتح الكبوت نشوف علما ان طلب مبلغ وقدره 165 مع قيمة شراء بخاخ التنظيف
عسى ان اكون قد افدتك وانا حاضر لأي خدمه 00

الاخ فهد
يا ريت لو تكتب لنا وش الحساس اللى كان سبب النفتفه و هل بدلته وكم سعره ووين مكانه بالظبط؟
عشان نستفيد

حياك الله اخ فهد الاوبل معروف انه عيبه الكبير هو الحراره والوكيل بكل المناطق عنده مشاكل حتى بالاردن ما سويت صيانه للسياره عند الوكيل لانه تلات او اربع زيارات للوكيل رح تكلفني ما قيمته 25 % من قيمه السياره فانا اكتيفت بورشه خارجيه صاحبها كان يشتغل عند الوكيل ومع ذلك الصيانه دوم مكلفه لكل السيارات يعني لما افوت اشيك على السياره اقل مبلغ 50 دينار وثمن علبه الزيت 7 دينار يعني 35 ريال الخ الخ كل الوكلاء عندهم مشاكلهم يعني الخلاصه ما حد مرتاح وبالرغم من هالشي انا مبسوط من سيارتي وما عندي رغبه ابدلها والحمدلله
اذا كانت مشكله حراره فهي مشكله الاوبل عموما
من رائي الخاص انه سوق السيارات دايما متوفر وكل السيارت موجوده بس هات فلوسك و خود سيارتك فاحسن شي الواحد يتمهل لانه البائع خسران

تحياتي

تحية طيبه للجميع
نيد فور سبيد
modi_sa
بقية الأخوة
بخصوص سيارتي الاوبل استرا مثل ما قلت سابقا سيارة رائعة وممتازه لكن الزين ما يكمل مشكلتها الحراره والوكيل تراودني فكرة بيع السيارة والتخلص من الهم والتعب وفي نفس الوقت اتذكر نظافة محرك السيارة والجير وقدرة تحمله وايضا اتذكر رحلة البحث عن سيارة بديله وما يصاحبها من مصاعب خصوصا للي ما يقدر الا المستعمل اخواني الاعضاء ثقتي في الله ثم فيكم كبيره والاستشاره مطلوبه هذا ما دفعني لطلب النصح في بيعها او ابقائها انا عارف ان السيارات مشاكلها كثيره وما فيه سياره الا وتجي لها مشكله بس بعض السيارات عله ما تلقى احد يصلحها واذا لقيت تلقاه ما يفهم
مع شكري وتقديري للجميع وأنا جاهز لأي استفسار وفقكم الله ,,,

الف شكر اخي modi_sa والله ما انتبهت للخاص إلا اليوم والوصف واضح جدا ومشكور مرة أخرى .

ودي أسألك عن حساس قراءة السرعة وين مكانه بالضبط

وما نستغني عن رأي الأخ need_for_speed بمشكلة ال ABS بالاوميغا وما دخلها بعداد السرعة لأني ملاحظ اذا اشتغل عداد السرعة تطفي لمبة ABS خاصة مع المشي الكثير بالسيارة.

|3|

مسا الورد للجميع

الاخ احمد ان ارسلت لك عنوان الورشة زي ما وصفها واحد من الشباب
وكذلك في ورشة عند العضيب لصيانه لكزس اللى في الصناعية الجديده عندهم كمبيوتر فحص اوبل يفحص لك ب 150 ريال .


الاخ فهد الحمد لله ان مشكلتك انحلت ونشكر نيد فور سبيد على جهوده مشا الله عليه
وللامااااام

=====
استفساري اليوم عند سعر كراسي المكينه للي غيرها قبل.؟
وكذلك وجه الكارتير

استفسار عن لمبة الضباب الخلفية بعض الاحيان تعمل وبعض الاحيان لا

الاسئلة للاخ نيد فور سبيد وللي عنده خبرة

تحياتي

العفو اخ فهد احنا في الخدمه واي شي بخصوص الاوبل انا باذن الله حاضر

بحمدالله انتهت المشكله
فعلا كما توقع اخي نيد فور سبيد
المشكله كانت الحساسات
حيث تم تنظيفها وعادت السياره كما كانت
اشكرك يا اخي على تفاعلك والشكر موصول لهذا المنتدى الرائع

حياك الله اخ فهد الفحص على الكمبيوتر بظهرلك حاله المحرك من الالف الى الياء وحسب شطاره الفني والمتخصص في قراءه الارقام وحساس الكرنك اله علاقه انه المكاينه بتطفي و كذلك حساس الكام شفت لانه مع تلف الحساسات بصير في تاخير في اعطاء الشعله في الوقت المناسب وبالتالي بصير في تكتيم و ثقل في الموتور و طفي كمان
طبعا مع فرض ان البواجي واسلاك البواجي وصفايه البنزين كله تمام

اخي نيد فور سبيد
مع الشكر الجزيل
قد تكون اسلاك البواجي
لكن حساس الكرنك هل له علاقة بالتفتفه وكتمه مع الدعس على البنزين كيف ؟؟؟؟
وهل من الممكن ان يكشف فحص الكمبيوتر عن الخلل
مع انني ارجح اسلاك البواجي لأني ما قد غيرتها اذا كانت هذه المشكله بسيطه
شكرا لك مرة اخرى على تواصلك

اخ فهد سوي فحص للسياره على الكمبيوتر حتى تعرف السبب

احتمال يكون حساس الكرنك انتهى عمره لو فرضنا طبعا بعد سلامه البواجي واسلاك البواجي

الاخ الفاضل modi_sa
اشكرك على حسن تعاونك ومجهوداتك الرائعة في هذا المنتدى وأسال الله ان يجعله في ميزان حسناتك يوم القيامه
بودي اخي الكريم ان اعرض عليك مشكلة واجهتني في سيارتي الأوبل استرا اللي ابي الفكه منها اليوم قبل بكره كرهنا فيها الجميح الله لا يوفقه 00
اليوم بعد ما غيرت الزيت والفلتر وحركت من المشحمة ووقفت عند الاشاره جت للسياره تفتفه واضحه ثم طفت عند الاشاره المهم اعدت التشغيل مرتين والحمدلله اشتغلت بس التفتفه لا زالت والغريب ان دعست الفرامل صارت ثقيله بعد
مع العلم اني منظف البخاخات ومغير البواجي من شهر ولا اوصل تانكي البنزين للنهايه 00
اتمنى اذا تعرف لي ورشه فاهمين لهذه السيارة تدلني عليها
وإن شاء الله اذا صلحتها الله لا يعوق بشر المعارض باللي تجيب والله يعين اللي بيشتريها
شاكرا ومقدرا لك 00

مشكور مشكور على المعلومات اخوي modi_sa فعلا معلومات مهمة جدا وتفكنا من الوكيل .. لكن ما علمتني عن الورشة تراني انتظر وصفك وعندي سؤال كم توقع تجيب الاوميغا موديل 2000 فل مع تيلفون :) بصراحة متردد ابيع وبعدها وش اشري السيارات الحين نار .

تحياتي

هلا وغلا اخوي عندما
انشا الله ان المشكله ما تكون في الدينمو ولو كان في الدينمو في ناس يصلحونها يسوو لها توضيب زي ما يقولوا.
المهم في اعتقادي انه قطعه بلاستيكيه انكسرت بسبب كثرة الاستخدام او الحراره
المهم ان خل المهندس يفكه اول وبعدين في شي اسمه تشليح يخوي لا تتهور وتروح الوكاله
انا اليوم رحت الوكاله وانهبلت صراحه اسعار قمة التخلف والله لو اني رراكب فياغرا او بي ام
اليوم والله جاني هاجس اغير الموتر يا زين التاون كار الجديد بس
المهم سألت عن القطع التاليه وللاسف كانت غاليه بالنسبه للسيارات الثانية
1. صوفة المكينة الخلفيه بقيمه 110 ريال والسيارات الثانية على ستين او خمسين
2. فلتر القير 26 ريال معقول جدا
3. حساس الزيت بقيمة 50 ريال جنون
4. فلتر الهواء : 49 ريال قمة التخلف.

والبحث جاري عن قطع بديله

=============

المهم بالنسبة للمكيف حق الاوبل يا شباب قيمته في الوكاله 3500 ريال
ولكن في مكيف يركب عليها بالظبط اخووووه وموجود فالسوق وبعطيكم رقم السيرل حقه للاشخاص اللى مكيفاتهم خربانه وقيمته تتراوح من 800 ريال وفوق .
السيرل نمبر حقه : 15-20221

تحياتي

الله يكتب لكم الأجر ياإخوان والله انكم تسدون خدمة لاتقدر بثمن فبارك الله لكم ..في وقتكم وفي مالكم ان شاء الله
أعود مجددا بمشكلة طرأت على في الأوبل أوميقا 2002 وهي قبل ثلاث أشهر ركب معي أحد الأخوان في الغمارة الخلفية في عز الظهر بعد الدوام المهم يوم جاء بينزل الزجاج طلع صوت كانه شي انكسر داخل الباب ووقف الزجاج لاينزل ولايرفع المهم ماني في حاجته الزجاج الخلفي قلت ماعليه مادام مرفوع للاخر مايهم ولكن أمس حصل نفس الشي في الباب الثاني لقيته نازل شوية جيت ابرفعه بالزرار عطالة بطعة وانكسر يعني الآن البابين كلها الزجاج واقف وخربان المصيبة ان سعر الماكينة حقت الباب اللي ترفع الزجاج ب1500 حسب ماافادني به احد الاخوان عند الجميح الله لايربحة

modi_sa هلا والله وياليتك تدلني على الورشة إلي تقول يمكن يعرف للمشكلة .
واما لمبة الضباب بصراحة الكذب خيبة ما اعرف عنها شي :D

تحياتي

حياكم الله جميعا
الاخ احمد كيف حالك
وبعدين مع مشكله الايبي اس هذي
شف انا بدلك على ورشة فيها ولد سعودي والله الناس تمدحه لي حقيقه
يقولون انه خبير في الاوبل
وش رايك اعطيك اسم الورشة وتروح تسير عليه وتجرب؟
وتراه ولد فزززعه زي ما ذكروا الاخوان

شف لي حل بس مع لمبه الضباب الخلفيه خخخخخخخخخخ
تحياتي

انا كل شي لقيت له حل مع سيارتي الاوميغا 2000 إلا مشكلة ال ABS اخر شي الاسبوع الماضي حاولت اصلحه ورحت للتشليح وبالحسرة لقيت القطعة ونفس إلي عندي بالضبط واخذتها ورحت لورشة وفكو القديمة بالتعب وركبوا قطعة التشليح واشغل السيارة ونفس المشكلة واعود ارد القطعة القديمة وارجع للتشليح فاقد الامل انها تتصلح والغريب إني بطول البحث عن حل المشكلة في النت والمنتديات الاوروبية ولكن ما قدرت احلها .. المشكلة لو كان عداد السرعة شغال ومثبت السرعة شغال ما فكرت اصلحها لكن الوكالة تقول لازم تصلح ال ABS.

الحمد لله السيارة كملت معي 6 سنوات ما شاء الله وشكلها قربت لحظة الفراق.وتوبة اشتري سيارة تمتلكها جنرال موتورز.

تحياتي