بسم الله الرحمن الرحيم
الحمد لله رب العالمين والصلاة والسلام على اشرف الانبياء والمرسلين
السلام عليكم ورحمة الله
اخواني خبراء اللومينا عندي مشكلة غريبة عجيبة قاهرتني
اشتريت لومينا 2004 ولاحظت ان فيها صوت طقطقة في الطبلون وكل يوم اقول بكرة بوديها للوكالة العيسى عشان الضمان عليهم
قدر الله سبحانه وصدمني انسان قاطع الاشارة حسبي الله عليها والتغى الضمان ورحت للعيسى قالو ماندري من وين الصوت لازم نفك الطبلون ويكلفك 700 ريال حقيقة المبلغ مرتفع جدا بس وش اسوي ماباليد حيلة اذا كان هذا هو الحل الوحيد بعدين انا اتخوف من فكة الطبلون لاني اخاف يطلع لي اصوات ماكانت تطلع لانكم عارفين ان فكة الطبلون صعبة وحساسة
هل عند احدكم رأي او يعرف ورشة في الرياض متخصصة بهالامور ؟
الامر الثاني مسألة طلب التشييك عند 5000 او 10000 الي تطلع بالشاشة الصغيرة عند الطبلون وشلون اقدر اشيلها لما تطلع ؟
هل فيه طريقة تعلموني اياها وجزاكم الله كل خير
