شباب نصيحتكم ابي اشتري فكتوريا

مشكووور على مرورك

والله يعطيك العافيه على المعلومات المفيده

وشكرا ,,,

بالنسبة للقير العلاقي والأرضي فحسب ما فهمته من شباب المنتدى انه ما فيه فرق أبدا لأنه الجير واحد لكن هذي قطعة للتعشيق فقط لا غير وماهي الجير ... الاختلاف فقط حسب رغبتك انت ، تحب علاقي عشان يعطيك مساحة أو أرضي تحس انه رياضي ، وأنا أفضل الأرضي رغم ان سيارتي علاقي ...


من رايي خذ لك فكتوريا عادي ، وركب جنوط وجناح ويصير رياضي ، من ناحية الشكل فقط ...


ومثل ما قال فيصل ، اللون الأسود حلو على الرياضي ، وأنا أضيف الأخضر الزيتي الغامق أروع وأحلى من الأسود ..

تسلم يالغالي وانتضرك

الله الله بالردود يا شباب

اعذرني الحين على الرد لاني دخت والله وبكره انشاء الله ارد عليك رد وافي كافي

ماشاء الله عليك ردك سريع مررررررررررررررررررررررره تحياتي لك

هلا فيصل مشكور على ردك السريع

ايه من الرياض بس حبيت اسئلك المواصفات اكيد اعلى بس المكينه نفسها ولا ضايفين عليها شي

والقير الارضي هل افضل من العلاقي يعني يعطي عزم اكثر

وبغيت اسئلك اخوي فيصل سبورت

انا متعقد ومستاء جدا على انوار الفكتوريا

صراحه احس انها منعميا ههههههههه بعد التجربه

عاد اذا اشتريت على طول زينون لاني متعقد منها

وش الزينون المفضل لها وابي يجي شمعه وحده عالي واطي بنفس الشمعه وبكم

وايش افضل نوع وبأي محل بالرياض ينباع

وشكرا الضاهر كثرت عليك اسئله اخوي فيصل

وشكرا ,,,,

فيه فرق بالمواصفات كثير وابحث عن مواضيع تخص الفكتوريا تجد المواصفات وغير كذا السبورت اقوى من العادي او اللي تقصد اس بس ترى الفرق بسيط بفضل البرمجة وعمود الكردان اخف وزن واقوى

سؤال : انت من الرياض


الفئة اس اللي ذكرتها هذي من الوكالة يحطون علامة اس ويقولون رياضي عشان كثير يطلبون رياضي لكن سعره بمئة والفين يعني غالي وقليل مبيعاته عشان كذا يحطون جناح وجنوط 17 والمواصفات الداخلية عادية عشان ينخفض السعر

الموضوع خطط تسويقية لبيع اكبر عدد من السيارات واعطاء الزبون اكثر من خيار للسيارة



وافصل لك اكثر :: يعني الان الفئات الموجودة هي استندر ونص فل وفل كامل واسبورت فل كامل

الطلب على الاسبورت كثير لكن سعرها اغلى شي بالفكتوريا يعني ليس بمتناول الجميع فهذه الحالة يتم وضع فئة عادية بشكل رياضي بسعر مناسب للي يبحثون عن الشكل الرياضي

ارجو ان الفكرة وصلت

واسفين على الاطالة وتحياتي

هلا وغلا اخوي فيصل سبورت

مشكور على ردك وما تقصر يالغالي

بس زي ما تفضلت مكتوب في الدبه كراون فكتوريا S يعني ايش

عاد مدري وش الي يختلف عن السبور الي قلت عنه انا اتكلم عن المكينه والقير

هل الي قلت عنه الارضي اقوى من العلاقي والمكينه نفسها ولا تزويدات

وشكرا ,,

اهلين اخوي العاشق الحزين


لنفرض ان راح يتغير في موديل 2008 يعني راح تجلس سنتين تنتظر سيارة مااعتقد اي سيارة تستاهل اني انتظر سنتين عشان شكلها يتغير ....اشتريها الان وبعد سنتين يحلها الف حلال وماتدري الشكل الجديد حلو ولا لا فيه مشاكل ولالا يعني الكلام في هذا الموضوع سابق لاوانه

بالنسبة للفكتوريا سيارة عملية وجودة وقوة وتحمل وشكل كلاسيكي جميل وحجم كبير واقتصاد في البنزين مع رخص البنزين الله يديمه علينا وسيارة طلباتها لقطع الغيار قليل وسيارة معتمدة عالميا كسيارة بوليس وش تبي غير كذا ومنتشرة انتشار كبير بالسعودية والخليج واميركا يعني السيارة ماعليها كلام ابدا


وبالنسبة للي تقول عليها سبورت وقير علاق هذي مو سبورت السبورت هو القير الارضي الفل كامل وسعره بمئة والفين ريال

عموما اذا بتاخذ اللي عليها جناح وجنوط 17 فالافضل تاخذ اسود الا اذا تقول غسيل وحرارة فخذ فضي والشكل الرياضي مايصلح الا اسود وهذي وجهة نظري الخاصة وشوف الاسود اللي بالتوقيع سبورت فل كامل قير ارضي


وانا انصحك تاخذ فكتوريا وانت مغمض والله يعطيك خيرها ويكفيك شرها مقدما واذا انت من الرياض خلنا نشوفك اذا شريتها

هلا وغلا اخوي فهد ,,

مشكوور وما تقصر على ردك السريع

الله يعطيك العافيه بس غريبه الموضف قال كذا

الله يستر اخاف اشتري الموتر وبعدها بسنتين بيتغير ههههههههه

المهم مشكوور ,,