لاندكروزر او يوكن

لا تقارن القرقاشة بالشيك لو اربع سلندر

:confused:

اجل مع إحترامي لك بحياتك كلها ماجربت الاند ..... تحياتي ;)

يوكو ن وانت مغمض

يكفيك ان اليوكون الاستندر فيه مثبت سرعة ( وعلى فكرة الجمس من زمن جدي وفيه مثبت سرعة مو مثل اللاند ماحطوه فيه الامن قبل كم سنه)
بينما اللاند مايجي الا في الفل
اليوكون نظام اي بي اس والايرباق متوفر حتى في الاستندر
بينما اللاند مايجي اللا في فئات معينة
وعلى فكره اليوكون يصرف بنزين لاكن الله يرضى عليه ويحلله ويبيحه قدام شي اسمه لاندكروزر ماعمري استعملت سيارة تصرف بنزين مثل اللند كروزر يسف البنزين سف

مثل ماقال أخوي الغالي ولد وايل وكلامه 100% صحيح وعين العقل , المفروض نقارن الـ VX-R باليوكن مو الـ GX-R

إذا بنتكلم عن الـ VX-R حدث ولا حرج بالنسبه للمواصفات القيمه والعديده .... واهم شي انه 8 سلندر مثل اليوكن .

الـ GX-R مايجي 8 سلندر , الـ VX-R بس اللي 8 سلندر ;)

وأسعار الاند كروزر جبتها من معرض اليحيى بمعارض النسيم ..

الـ GX-R فل كامل يعني اعلى درجه عندهم والقير أوتوماتيك ( ماعندهم رقم 2 و 3 ومن هالخرابيط ) بـ 150 الف وفيه ونش قدام عند بن جميل مافيه ونش :)

والـ GX الهدد يعني دفرنس وفل كامل برضو من فتحه ودفلك وووو بـ 134 الف

الـ VX-R جلد وقير اوتوماتيك وفتحه وخلفية لكزس وشاشة نافقيشن وهيدروليك وووووو بـ 190 الف خالص مخلص واستلم من بكرا :)

شوف لو نزل اليوكن بشاشة ( وقابلني لو نزل ) بكم سعره :D

وأكرر وأقول ماقاله أخوي ولد وايل :

الاندكروزر سيارة زينه بس سعره مبالغ فيه لانه مافي مثبت سرعه ولا فيه ABS

اليوكن اخف من الاند واسرع منه واقل صرفيه.

اللاند يتفوق على اليوكن في البر يعني الدبل اقوى من اليوكن.


اذا انت تروح للبر واجد اتوقع اللاند يناسبك اكثر واذا لا فاليوكن يناسبك اكثر والله اعلم والله الموفق.

سؤال : هل GX.R فيه مثبت سرعه ؟؟؟

وبرضوا هل يتوفر 8 سلندر ..

وممكن لو فيه تعرف أسعار GXR تعطيني لمحة بسيطة وأكون شاكر لك ,, |3|

حلوه اليوكن امتن من اللاند والله لو تجتمع كل الشركات عشان تنتج موتر مثل اللاند وصبره
وتحمله ماقدرت
اتحداك واراهنك على اللاند
لا راحه سواءا بالخطوط او بالبر مثل اللاند
ولا صرفيه اقل من اللاند الثمانيه سلندر
وحتى المكيف اسمحلي اذا الامريكي قدر يجيب مثله
وخلهم يزينون مشاكل صفاية البنزين والحراره والسيور بعدين يصير خير
وعلى فكره اللاند وزنه اثقل من اليوكن
مع كامل الاحترام لك اخوي العزيز
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولكن في مقارنتك اخوي كاتب الموضوع
اولا مافيه مقارنه بين 6 سلندر وثمانيه
لو قلت فكس ار بقول خذه وانت مغمض لكن الجي اكس ماتقارنه باليوكن وفوق هذا موديله جديد
وشكله ماهو بطال
عموما انا مانصحك بالثنتين لانه اليوكن موديله جديد واصبر على فضايح الاخطاء التصنيعيه
اصبر لك سنه ياتاخذ اليوكن او تاخذ لك لاند الشكل الجديد واللي راح ينزل في منتصف 2007
الله يكتب لك اللي فيه خير

ياخي مشكلتنا هنا , نسمع الكلام ونردده بدون سابق تجربه او خبره !!!

يااخي من قال لك الـ GX-R لاقوه ولا مواصفات وسعر غالي على الفاضي ؟؟؟

مع إحترامي لك بس انت غلطااااان , اولاً بالنسبه للقوة مالها داعي اتكلم وماشاء الله الاند كروزر مايحتاج مدح وكلام فاضي مني , قوة ولا أروع وكافيه وزياده سواءً للقياده بالمدينه او بالبر ......

مواصفات , ودي اعرف بس وش هالمواصفات اللي ازعجتونا عليها , تبي تكييف مراتب ولا تبي المرايات تتسدح على تحت ولا ماادري ايش ماصار جيب هذا , وتخيلوا كل هالمواصفات بهالسعر المعقول , الظاهر تويوتا توزع سيارات بلاش!!!!

المواصفات اللي فيه اتوقع انها روعه وأكثر من روعه بالنسبه لسعره وقوته وسمعته بين الناس واهم شي انه يمسك سعره لو حبيت تبيعه بعد فتره ..


وانا قلت كلامي هذا مو تعصب للاند كروزر ولا شي بس مجرد كلام عن سابق خبره ....

اليوكن اقل استهلاكا للوقود

يالغالي خذلك يوكن أريح وأمتن وأقوى وأرخص من الفيكسار .. أعرف واحد عنده لاندكرورزر جديدة كل ما عبر ولا أكل مطب إذا كان المسجل عنده شغال يطفي ومرات يعلق والله مشكلة .. على العموم ريح بالك وخذلك اليوكن

والله اصوت لليوكون ............

اليوكون اريح وامتن بكثير لاكن في الرمال يتفوق اللاند كروزر بسبب خفته وهذا اللي حبب اهل منطقتنا فيه
عموما يوكون اجود بكثير وامتن واريح بكثير بكثير بكثيييير
وصرفيه اليوكون منخفضه ترى مايصرف وكويس انا ارشح اليوكون لانه مصمم للراحه واالاعتماديه اكثر من اللاند بكثير
تحياتي الله يكتب لك الخير والصالح |3|

اليووووووووكن وبس

الاندكروزر له تقريبا 9 سنوات ما تغير

وخذ يوكن توه جديد الموتر

ومبروك مقدما ,,,,

أما تحط لي في المقارنة 6 سلندر مع سيارة 8 سلندر؟؟؟

أعتبر مضحوك علي لو أخذ GXR لا قوة ولا مواصفات ومغير سعر غالي على الفاضي على الأقل لو مثبت سرعة مافي

لو تقول VXR أقولك أيه هنا الكلام
بس GXR مع يوكون!!!!!!!!!
لا تعليق

لا تفكر ولا تحتار غير الاندكروزر لا تختار

شوف اخوي...

ابيك تفكر ما بعد السيارة

يعني مثلا تشوف اسعار قطع الغيار حق السيارتين يعني ايمها ارخص؟؟

وأي سيارة تقدر تتحمل مصارفيها؟

يعني فكر من كل النواحي

اذا انت شخص تسافر وايد انصحك بالجمس...
واذا لا على طول وانت مغمض عليك جي اكس ار

والسموحة على القصور