هل السيارات الأمريكية سيئة بالفعل؟ نظرة على تقارير جي دي باور

|1| |1| |1| |1| |1|

ماعندي شي اقوله الا ...................

مشكورين على الموضوع ذا واخص بذلك الاخ نايت هوك اللي عطانا المجال للمناقشة الرائعة

المهم انا افضل السيارات الامريكة وخصوصا سيارة المستقبل (دودج تشارجرV8 )

السيارات اليابانية لو ان محركاتهم قوية زي الامريكي كان تصير OK

اخواني :
اقرأو اخر سطور ستجدون في التقرير
ستجدون ان تقييم شركة فورد يشمل الشركات الاوروبية التابعة لها وهي فولفو ولاندروفر وجاغوار واستون مارتن ..
كما هو الحال ينطبق على جي ام ..
ولاحظوا ان التقرير ناقص فهو يختبر بعض الشركات ويترك اخرى ..
ونحن نطالب صاحب الموضوع بوضع اللنك من موقع جي دي باور للتأكد ماذا المقصود بهذا التقرير ..

ان كان فيه شئ يعاب عالامريكيات فهو الديكور الداخلي!!! لكن الآن نشاهد كرايسلر اللي فعلا تحسنت جودة ديكوراتها بسبب اتحادها مع مرسيدس بنز.أما الكاديلاك فديكوره ممتاز وما عنده اي مشكله, رجاء اللي يبي يسب الامريكيات لا يجيب طاري الخرفان الاستراليه,لأننا للمره الالف نقول هذي مش امريكيه.ولو نلاحظ مقالات كل الشباب اللي تسب الامريكي تلقاه لازم يجيب قصه عن سياره استراليه,يعني واضح ان الامريكيات ما عندها مشكله.
وبالاخير هل تعتقدوا انكم احسن من جي دي باور في تصنيفات الجوده؟؟؟؟؟
اللي استغربه من احصائيه جي دي باور عدم ورود اي اسم الماني!!!!
عالعموم ما زال عاليابانيين الكثير عشان يصنعو زي الامريكان...
تحياتي...

السلام عليكم
اشكر كل من اثرى النقاش
بالنسبة للديكور الامريكي فهو سئ وهذا اللي ذكرته الـCNN

يا جماعه الامريكي سياره ممتازه

الي يقول الديكور يتحرك عند اي مطبه ... مو كل السيارات في الفورد فقط .


و علي البدي يعني شوف الكرولا بدي صفر سوفتي صفر ...



يعني 80 % من السيارات اليابانيه لمن تمشي 140 تحس انك قاعد علي القار ( الشارع ) يعني ماكو فايده ...


و مثل ما قلت كافي انه دفع خلفي ....

شباب ...

انتو الحين قاعدين تقارنون بين الأمريكي والسيارات الأخرى

الأمريكي وين والباجي وين

أنا أقول شوفو الشارع وبعدين أحكمو ..

تقريبا ثلاثة أرباع الشارع كلها أمريكي

والباجي ياباني وألماني ...

االاخ بو زيـــــــــاد
انا موافق لك في ان هيكل الامريكي اقوى من الياباني بمراحل

لكن مرة سالوا مصمم سيارات ياباني لماذا تصنعون سيارات هياكلها خفيفة
فقال:
نحن لم نصنع السيارات خفيفة الهياكل لكي يتناطح بها الناس وانما للزيادة من اقتصادية السيارة لقطع الغيار والوقود

نفس السيناريو ابي افهم مين جاب طاري الافالون من زين شكلها لافي الخارج ولافي الداخل المسأله مسألة ذوق والقادم من الامريكي مذهل بس يبي له تحسين السمعه ولاهو ماعليه كلام اتمنى الواقعيه في طرح النظريات ياشباب والموضوع فيه استدلال مانبي هرج فاضي 00

تحياتي محمد الهاجري000

أنا أشــوف إن الــدراســة فعلاً صحيــحــة، ولا تحـتاج منـاقشــة.


فتجـد الناس متخوفين من الأمريكي بسبب ماضيـه


فالسيـارات الأمريـكيـة ذات جـودة تركز على السلامة بعكس السيـارات اليـابانية غير اللكزس

الخ نواف ترا الجمس اقل صرف من الاندكروزر

ورح جرب وحنا مجربين

اغلب السيارات اليابانيه 4 سلندر و 6 وهذا الي يخليها منتشره

وهذي ترا راس مالها حديد

وانا اشوف الامريكي بدا ينتشر بكثره

وبانسبه لبدي الياباني ديكور الامريكي اظن اقوى منه

اليباني بديه مره خفيف ورا ماتكلمون عنه ؟؟؟؟؟ :confused:

وقالبين الدنيا فوق تحت علشان الديكور

والله هذا اللي اقوله لي سنه ولكن التعصب اعمى كثير من الناس نسأل الله الهداية

بنظري الامريكي يعيبة فقط الديكورات الداخلية سيئة جداً جداً وإي مطب يطلع بالديكور صوت

اما صرفيه البنزين فهذا الكلام بالموديلات القديمة ويوجد البعض من الموديلات الحديثة المستهلكه بشكل كبير للبنزين

واتكلم عن تجربة شخصيه لعديد من السيارات الامريكية


يعطيك ألف عافيه اخوي ( كامري ) وضحت النقطه التي كنت اريد التحدث عنها


والشكر موصول لكاتب الموضوع

تحياتي لكم ,,,

السـلآمـ عليكمـ ..
يآشبـاب وش التعصبـ للآمريكي و اليابـاني و الاوروبي .؟؟
اللي يشوفكمـ يقول امريكـان ويآبانيين ..؟؟!
من نـاحيـه الجـودهـ فورد ماعليـه كلآمـ خل عنك اليـابآني ..
الكـامري << يكفي سمعتهـا .. هههههههه على طول تفتيش صفط يمين ههههههههههه ..
أمـا افالون كويسـه .. نيسـان << خآرج المنآفسـه هي و لومينـا و كـابرس ..
الامريكي الاصلي شوفو الفكتوريـات و الكوآبرس القديمـه و الطقـه اللي اعلنت صمودهـا وتحملهـأ ..
يـا أخواني يكفيكمـ ان دوريـاتنـا سيـارآتهمـ امريكـيه يعني انتم تفهمون اكثر من الحكـومـه .؟؟
بعكـس السكيرتي دآيم اشوف معهمـ ذاك الجيب الصغير اللي تدفـه بيدكـ وينقلب اظـاهر اسوزو ..
و نرجـع اي صح حتى الجـامعـه (( الملك سعود )) السكرتي معهم كوآمري << آحلىىى خخخخخخ ..
امـا من نـاحيـه مقـارنـه بين الامريكي و الياباني فهي فآشلـه بمعنى الكلـمه ..
0
0
اللي يحآفظ على سيـارتـه بتعيش معـه لو أنهـا اكسنت ..
و بعدين العيوب في كل سيارهـ سواءً امريكي ولآ ياباني ولآ اوروبي ..
اما الاوروبي صرآحـه سعر على الفآضي .. << ( فيآقرآ 500 2003 كنهـا اكسنت خخخخ كل يوم من ورشـه الى اخرى
حتى الجفـالي يلعب علينـا خخخخخخ .)< مدري وش دخلـهـا ..
المهمـ ..
حآفظـو على السياراتـ وتعيش بلأ جودهـ بلآ كلآم فاضي << هذا الكلآم الصدقـ ..

والله ياأخي العزيز ماأقول إلا بتسمع قصص

وفلان قالي وسمعت والناس بتقول

يعني من متى والعرب عمومأ يستعملون زي الأمريكان

الأمريكي إستخدامه يفرق عن إستخدامنا

وسبق إن ذكرت إن عشرت عمر مع الأمريكي والفوردات خصوصاً

والأمريكي من وجهة نظري أفضل من الياباني

لأني أكرة الدفع الأمامي

من ناحية الافضل والاجود

في سيارات امريكيه جودتها عاليه ومنها السيئه

وفي سيارات يابانيه جودتها عاليه ومنها السيئه

وفي سيارات اروبيه جودتها عاليه ومنها السيئه

يعني تفوات مابينها

من ناحية السيارات الامريكيه في الجوده العاليه

جي ام سي في المرتبه الاولى وخاصة موديلات 2007 نلاحظ تتطور ملحوظ وملموس في

الجوده

والتشطيبات من ناحية الديكورات

يليها كاديلاك الفخامه على اصولها والحاظ ان يوجد ناس تفكيرهم مغبر بالحيل عن

الكديلاك الجديد

لانهم يعتقدون ان الكديلاك الجديد مثل القديم ولما تسأله عن الكديلاك يقولك الكديلاك

خايس ويتفكك

بسرعه و و و و ......الخ

انا اعرف شخص معه كديلاك سي تي اس 2004 مدري 2003 سته سلندر والله دايم

اشوفه يفرفر في الشوارع

واذا سألت عنه يقولون انه يمدح الكديلاك وماعليه غبار

ثم شفرولية و الفورد

اما من ناحية الكابريس واللومينا فهم ليست امريكيه فقط المحركات هي صنع امريكي

من ناحية تجربه فاللومينا السته سلندر قويه في التحمل مشاكلها قليله بس الي يغثني ان

الهوبات

تخرب بسرعه اما الكابريس فهي تتفاوت بين ناس وناس انا اعرف شخص عند كابريس

ال تي زد 2006

وماشي 30 الف اسأله كل فتره عن الكابريس ويقول بالعكس الموتر مافيه مشاكل الى

القطع الاستهلاكيه

وهي على حسب استخدام الشخص للموتر وفي ناس موسوسه في الخرابات وفيه ناس

متعصبه

بس حنا نتظر الكابريس واللومينا الشكل الجديد لان صار فيها تعديلات كثيرها واهمها

السلامه والثبات والجوده

ويقولون انها سوف تعتمد دولياً اوتوقع ذلك

اما من ناحية الياباني

وخاصة التايوتا منها السيئ ومنها الجيد وانا اقصد بالسيئ في الجوده بل في اشياء اخرى

من ناحية الثبات فلكم عليها والسلامه رايحها فيها والراحه لكم عليها بعد

معاد الافالون حبيب ألبي :D وحنا نتظر الكامري الجديده ونتظر الاشكال الجديده من

تايوتا

هل تبي تتطور من ناحية السلامه والثبات والراحه واهم شئ الاسعار الي مطيرنها على

الفاضي

ياريت بلا تعصب ياشباب حنا نتكلم بشكل واقعي

اخوكم

عبدالعزيز

يكفي الامريكي عيب واحد يجعله من اخس السيارات بغض النظر عن العيوب اللي تكلموا عنها الشباب
وهذا العيب هو استهلاكه المرعب للبنزين

والله من يوم شرينا الجمس موديل 2000
وتشوفه يشرب البنزين شرب

الله يرحم ايام الاندكروزر اللي بعناه موديل2002
تنسى اليوم اللي عبيت فيه بنزين ولاقلق ولاهم يحزنون
وما تفتكره الا بعد اسبوع

الامريكي جودته ليست بهذا السوء

بل انا احط الامريكي بين الالماني و الياباني

بصراحه

هاذي وجهة نظر

و ما افرضها عالجميع

لكن بعد تجربه عمي

كانت عنده كراون فكتوريا موديل 85 تقريبا الي شكلها يسمونه(امريكي)تشبه كابرس 88

المهم باعها سنة 2000 و هي بحاله جيده ب1400 درهم تقريبا
خخخخخخخخخخخخخ

بس و الله اثبتت جدارتها

ابوي عنده لومينا ال اس 2003

كارفنها كرف الله لا يراويكم اياه

تقولون يسوق صني موديل 90

ما شا الله عليها ما اختربت و لا مره

تحياتي

انا كلامي كله الحين عن القطع الداخليه او الديكور الداخلي للسيارات الامريكيه

ياشباب انا اقول بكل صراحه ومن خلال تجربتي وركوب لاغلب السيارات الامريكيه ومنها الدودج تشارجر وغيرها طبعا
احس الديكور الداخلي بلاستيك ماادري كيف جاي وحتى الميركوري قراند ماركيز والكراون فيكتوريا تحس انه عند كل حفر يطق واذا رصيته بااصبعك تحس انه ماركب صح او انه فيه صوت زي الطقطقه

بس صراحتا الي تقدر تقول انها فعلا ديكور 100% الكاديلاك الي فعلا هذي صرحتا ماعليها كلام اما الباقي !!!!!!!!!!!

ترا حنا عندنا ذوق ونعرف الزين من الشين ونعرف وش الاجود بالقطع الداخليه صراحتا الامريكي مافيه شيء يخليك تقول انه ممتاز بالقطع الداخليه

تعال الحين للشكل الخارجي <<<وهذي مسألة ذووووووق

وتعال للمحرك

اغلب محركات الامريكي V8 اعتبرها الافضل اما L4 & V6 ماادري كيف جايا انا اعتبر الياباني متفوق عليها بمحركات V6 & L4

واما بالنسبه الي يقول المقارنه ليش دايم مع الامريكيه

اخوي شوف اللكزس الحين بدأت تقارن بالالماني (( المرسيدس و البي ام و الاودي و غيرها ))

وسلام