طيب ياخوي
نحنا نشوف بعينا محد يقول لنا وش تسوي هالسيارات في اصحابها
اول مره اشوف سيارات تخبط المكينه ويطيح القير والسيارة ماصار لها سنه مطلعه وكاله وماعدت 30 الف كيلو؟؟!!
واول مره في عمري اشوف سيارة مطلعه وكاله"كابريس"2006 مصفط عند الاشارة وطاق الخطر وفاتح الكبوت!!
هذا بالنسبه للجوده
اما بالنسبة للامان فاول مره في عمري اشوف شايب راكب كابريس 2005 او2004 مدري عن موديله بالضبط لكن الرجال كان ماشي وشكله مستعجل ويبي يلحق على الاشارة لف بعد الاشارة بدون مايمسك بريك ماشاف السيارة الا ماخذة به الطريق عرض حتى هو مو مستوعب وش يصير؟؟!!
اعذرني اخوي على اني اطعن في مصداقة هذا التقرير
لنه شي نشوفه محد يقول لنا فيه
اتوقع ان الامريكي ايام زمان قبل 2000 كان يستحق الواحد يشتريه بس الان لا..
هلا بك يالغالي
لا نعلم ماهي الاسباب, يعني مثلا بالنسبة للي تقول خبطت مكينته, اعرف واحد نفس الشي خبطت المكينة وقام يسب ويلعن في السيارة, لكن ماهو السبب؟
الرجال كان مغير زيت ومركب فلتر تجاري والزيت قام يهرب مع الوقت, اخرتها مابقي زيت في المكينة وشي طبيعي تخبط, لكن الناس دائما ما تخطئ في الصيانة والاستعمال لكنه يضع الخطأ على الصانع نفسه؟
بالنسبة لتخبيط القير ايضا لانعرف الاسباب, اعرف واحد مراهق انعدم القير حقه لأنه اوتو ويعامله كقير عادي ويقاوم وهو رداه نمرتين تحت واحيانا ينقله من r الى d بدون ماتتوقف السيارة, بعد كل هذا يضع خطأه على من صنع السيارة:confused: :confused:
دائما ما نسمع بالمشاكل لكن بدون الاسباب, يجي واحد يسئ استخدام السيارة او يوديها عند ميكانيكي مايعرف لها ويخرب فيها حاجة حساسة وتتوالى المشاكل ويأتي صاحبنا ويحط غلطته على السيارة وهو السبب
وبالنسبة للامان انا ماتكلمت عنه, وشي طبيعي اي سيارة تبي تلف بها تضرب فيها بريك ولا بتحوص عليك
وبالنسبة لكلامك حول جودة الامريكي قبل 2000 وبعده فهذا وجهة نظرك , بينما تقول جي دي باور العكس حيث استطلعت اراء الاف الملاك قبل نشر التقرير
