الافضل من ناحية المكاين ....

افالون2005 @user_20941 · 17-09-2006

بالامس واحنا ندور لواحد من الشباب مكينة هونداي سوناتا لانه قامت عليه وخبطت وفي نفس الوقت تعجنت ولا عاد تتصلح وتتوضب والسبب غبي جدا :::

لانه على كلام المهندس انطلق سير داخل المكينه له تسميه لكن ناسيه .. المهم انه انهى المكينه بالكامل والمشكله مو مسرع على كلامه بحدود 140 كان يمشي خوينا ...

واكتشفت انها تصير كثير بالهونداي بالذات سالفة الجنزير او السير هذي من جد قهر وحرام ....

المهم في السالفه قعدت اسولف مع المهندس عن المكاين وتوضيبها وعن افضل المكاين الــــخ ..

قالي بصراحه من ناحية افضل واقوى المكاين واقل مكاين تمر علينا توضيب هي مكاين :::

النيسان .... وبالذات المكسيما .....

قالي ان مكاين النيسان من زمان السدرك الى اليوم يعني مكاين المكسيما والالتيما وكذلك الباث وغيرها من النيسان هي اكثر مكاين تكد وتطول بالعمر .. وكذلك مدح مكاين اللكزس يقول توب ومن الافضل بعد ....

ومن ضمن الكلام الي قاله ...

الهوندا ... اكثر مكينه تتحمل الحراره العاليه يعني حتى لو وصلت الاتش كذا مره من الممكن ماتخبط ... ماعرفت السبب

التويوتا .... مكاين قويه ومعقوله لكن هي افضل مكاين ياتيها تبريد وهالشي الي يميز التويوتا هو تبريد مكاينها يعني قوة المراوح والراديتر وصلابته .. وفعلا هالكلام صحيح ماعمري شفت احد معاه تويوتا يشتكي الحراره ..

الهونداي بصراحه ذمها يقول اسباب بسيطه بس وتروح المكينه عليك وفعلا هالشي صاير معانا ....

الومينا .. يقول انحش ترى احيان ماتتوضب وحساسه حيل بعد وهالشي هو الي بهذل الدوريات ...

المهم اني قلت عطني التوب اي شركة افضل في نظرك مكاين بالاخير :

: قال نيسان بدون تردد ...

وبصراحه هالمهندس شكله والد في بستم ماشالله عليه يعرف كل صغيره وكبيره عن انواع السياارت ومكاينها

.....

وخلاص :D

Black Arrow @user_21601 · 11-10-2006

زين وش اسم الورشة....؟؟؟..>>> لازم تفيدنا شوي يمكن نسير عليه..>>> الله لا يقولها...:)...

بلا حدود @user_24628 · 10-10-2006

س

سراب الود

انا اوافقك الرأي اخوي .
مشكلة مكاين الهيونداي سير التايمنق.
اذا ما غيرته دوريا والا قل على المكينه السلام وهذا اكبر عيوب مكاين الهيونداي سابقا.
لكن حاليا انتهت المشكله بتغير سير التايمنق بسير حديد يعني يتحمل .
ليتك ذكرت موديل السوناتا .
وكم ماشيه.
للفائده.
على العموم الله يعينك
اخوك سراب الود

سوناتا 2002 ماشيه حالياً 210 الف كيلو

غيرت سير التايمينق 3 مرات ( مره انقطع ومرتين غيرته قبل لا ينقطع ) <<< طبعاً ظروف قيادتي قاسيه جداً .. خطوط من استلمت السياره وقومات ودعس وبالخط ممشاي فوق الـ 170

اما بالنسبه لحالة المكينه حالياً فهي بصراحه ليست ممتازه فقط بل ممتازه جداً والحمدلله

تحياتي

افالون2005 @user_20941 صاحب الموضوع · 19-09-2006

مشكوورين حبايبي على تواجدكم وردودكم

وشي جميل ان الهونداي اوقفت السير واسبدلت بجنزير حديد هذا الشي التمااام بصراحه ..

ا
خوي M.A.D about u

بالنسبه للالتيما الي تقول والله حالتها غربيه لان اخبر الالتيما من ايام الالتيما القديم المكينه كانت توب ولا احد اشتكى منها يجوز هذا عنده عله في المكينه مادامها خبطت مرتين بصراحه شي غريب ولا قد سمعت فيه عن الالتيما ..

سراب الود @user_22125 Banned · 18-09-2006

انا اوافقك الرأي اخوي .
مشكلة مكاين الهيونداي سير التايمنق.
اذا ما غيرته دوريا والا قل على المكينه السلام وهذا اكبر عيوب مكاين الهيونداي سابقا.
لكن حاليا انتهت المشكله بتغير سير التايمنق بسير حديد يعني يتحمل .
ليتك ذكرت موديل السوناتا .
وكم ماشيه.
للفائده.
على العموم الله يعينك
اخوك سراب الود

RedStar @user_2201 · 18-09-2006

بالنسبه لسير التايم يتغير كل 100 - 120 الف على حسب مشيك وشدك بالسياره

يعني إذا كنت من الناس الهاديه وتدي النمر بدري ماتشد بالسياره فإنشاءالله ماتواجه مشاكل معاه

وعلى فكره سير التايم كان في السيارات إلى موديل 2002 وبعدها غالبية الشركات رجعت للنظام القديم الي هوه الجنزير لأنه عملي اكثر ويتحمل

ومن عيوب سير التايم انه يقطع فجئه بدون سابق إنذار

ومن باب العلم بالشئ الهوندا اكورد والماكسيما والكامري اخر عهدهم بالسير هو موديل 2002 ومن 2003 صارت جنزير

بلا حدود @user_24628 · 18-09-2006

عيب مكاين هيونداي الوحيد هو الجنزير وانا مجرب سوناتا وماشيه فوق الـ 200 الف

يعني اهتم بالجنزير المكينه بتكون عسل والعكس

المهم الموديلات الحديثه من سيارات هيونداي صار الجنزير حديد وانحلت المشكله

ومن ناحية مكاين النيسان فهي جباره لأبعد الحدود

M.A.D about u @user_4452 · 18-09-2006

انا ما قلت كامري ولا صني قلت التيما :D

والالتيما 2005 والقير اوتو استخدام حشمه <<<<<<<< اعلان هذا ههههه

ويا زين الهيونداي بس بمشاكل والا بدون :D كانها كانت مريحتني عكس غيري :rolleyes:

واي استفسار عن المشكله انا حاضر .. احس انها هامتكم واجد |4|

اخوكم مرزوق |3|

ST220 @user_31251 · 18-09-2006

كم موديل السيارة؟؟؟؟؟؟؟

الزاااااحف @user_20961 Banned · 18-09-2006

M

M.A.D about u

السلام عليكم ..

وين هذا خلنا نروح نوهقه :D

خويي توه مطلع الالتيما حقته من الورشه توضيب بسبب الجنزير وماشيه 75 الف وللعلم هاذي المره الثانيه !!

المره الاولى كانت على 61 الف !! بعد الضمان بالف شوف القهر وبرضو بسبب الجنزير وتهريب بالمكينه !!

عموما هي على الحظ تلاقي واحد هالك موتره هلاك وما جاه شي والثاني محافظ ومهتم وكل يوم بالورشه .. ارزاق :rolleyes:

ومشكور على الموضوع

اخوك مرزوق|3|

والله ياخوي انا الكامري اللي عندنا ماشيه حوالي الـ 250 الف ولا نعرف لا جنزير ولا خرابيط
بس زيت وسيفون :D وبعناها وهي سليمه

والنيسان كذلك مع واحد صني ما باعها الا وهي ماشيه 200 الف نفس الحكايه بس سيارته صارت تصرف وعزمها طااح

هيونداي كلها مشاكل :p

M.A.D about u @user_4452 · 18-09-2006

السلام عليكم ..

وين هذا خلنا نروح نوهقه :D

خويي توه مطلع الالتيما حقته من الورشه توضيب بسبب الجنزير وماشيه 75 الف وللعلم هاذي المره الثانيه !!

المره الاولى كانت على 61 الف !! بعد الضمان بالف شوف القهر وبرضو بسبب الجنزير وتهريب بالمكينه !!

عموما هي على الحظ تلاقي واحد هالك موتره هلاك وما جاه شي والثاني محافظ ومهتم وكل يوم بالورشه .. ارزاق :rolleyes:

ومشكور على الموضوع

اخوك مرزوق|3|

صحراء الجليد @user_19137 · 18-09-2006

شباب دا مو عيب فني او شي

لكن السير دا في المكاين القديمة بلاستيك زي سير المكيف والدينمو وغيره

وعارفين السيور دي لازم تتغير

والمفروض اي واحد يشتري سيارة يقرا الكتلوج ويشوف الأشياء إلي لازم تتغير بعد فترة ويسجلها

لكن في السوناتا الجديدة السير حديد

واتوقع انه هيونداي راح تعتمد السير الحديد في كافة سياراتها الجديدة

AL RAIG @user_25909 · 17-09-2006

يعطييك العافيه اخوي على الموضووع ...

والنيساان معرووف بمكائنه الجباره .. والقويه ..

مع التحيه ..

EVO MR @user_20104 · 17-09-2006

معروف عن النيسان المكاين بشكل عاااام ..

وأكبر دليل واحد من الشباب معه مكسيما 96 وزي الحلاوة من ناحية المكينة ..

بس الرجال مهتم يها بشكل .. لكن من جوه بلاوي الدنيا ... <<< مو موضوعنا ..

لكن الهونداي أعتبرها عيب لإن أكثر الناس ما يدرون بالمعلومة هذي .. وش ذنبهم ..

وأتوقع باقي على هونداي فترة لتصلح عيوبها الميكانيكية لتنافس اليابانية من هذه الناحية ...

ت ح يا ت ي

ابـوعـزوز @user_28512 · 17-09-2006

مشكور اخوي افالون ... :D

والله النيسان توب |1|

ويعطيك العافيه على مجهودك |6|

اخوك ابو عزوز |3|

افالون2005 @user_20941 صاحب الموضوع · 17-09-2006

ص

صحراء الجليد

اخوي بالنسبة للسير إلي تتكلم عليه

اسمه سير التايمن على ما اعتقد

وله مده محدده يتغير فيها

حوالي 90 الف كيلو للسيارة الجديدة

و 60 الف كيلو للمرات إلي بعدها

شي طبيعي المكينة تنعدم لو صار خلل في السير دا بعد انتها زمنة الإفتراضي

لأنه السير دا هو إلي يحرك البلوف

فلو صار فيه شي والمحرك شغال

راح تكون البلوف واقفة

والبساتم تخبط فيها

فراح تروح البلوف وتتعدم البساتم وتصير بلاوي في المكينة

هلا اخوي صحرا الجليد اي نعم هذا اسمه هذا الي مسوي زحمه وقلق كبير في مكينة الهونداي بالذات ولا السوناتا بشكل عام والله روعه ... لكن انا اعتقد في رايي ان فيه كثير من السيارات مايغيرونه وطبيعي معاهم لكن في الهونداي شكله ينضرب ولا يعرفه يمكن الا الاشخاص الي يعرفون الهونداي وكيف يتعاملون معها ..

ومشكور على الرد وحياك

افالون2005 @user_20941 صاحب الموضوع · 17-09-2006

ي

يوسف الحربي

شف وانا اخوك من ناحية كلامه عن مكاين النيسان سواء الماكسيما او غيرها

فأنا معه وكلامه صحيح 100%

النيسان بشكل عام يمكن تتعطل جميع محركاته لاكن تبقى مكاين النيسان شامخه

تقدر تعيب على النيسان في كل شي الا الماكينه

يكفيك وانا اخوك الجيب الباترول 6 سلندر وقوته 4800 بعكس التايوتا الفي اكس ار 4700

انا وعمي قبل 10 سنوات شرينا جميع هو اخذ التيما 93 وانا كرسيدا 92

انا تبهذلت في المكينه وضبتها مرتين ووالله ثم والله بدون سبب لاحراره جتها ولا نقص زيت

اعطال داخليه واغلبيها بلف مقفل والا عمود الكرنك

وهو كد ابوها اللي جابها صارت ترقص اذا ضرت مطب وباقي مكينتها زي الحلاوه

اما بالنسبه لكلامه عن اللومينا ومكاينه انا جربت اللومينا لمدة 3 سنوات

كامكينه لايعلى عليها ولاتعرف الحراره ابد ثابته حرارتها

وسالفة الدوريات هذي لها كلام ثاني حنا شعب اذا جانا الشي في بلاش نحب نحلل ابوه اللي جابه

انا وقفت على جيوب شاص 2004 معدوم قيره وواحد كلتشه

مرحبا اخوي يوسف صحيح اغلب كلامك اخوي ولا ازيد الا من ناحية الومينا هي بصراحه حليوه لكن من ناحية المكينه والله اني وضبتها خلال سنه وحده مرتين مره وانا مسافر لدبي ومره هنا في السعوديه ..

واستغربت لمن رحت للورشه الي توضب حصلت لومينات موديلات حديثه مره وقتها عرفت ان السبب مو موتري بس ..

ويعطيك العافيه على الحضور ..

صحراء الجليد @user_19137 · 17-09-2006

اخوي بالنسبة للسير إلي تتكلم عليه

اسمه سير التايمن على ما اعتقد

وله مده محدده يتغير فيها

حوالي 90 الف كيلو للسيارة الجديدة

و 60 الف كيلو للمرات إلي بعدها

شي طبيعي المكينة تنعدم لو صار خلل في السير دا بعد انتها زمنة الإفتراضي

لأنه السير دا هو إلي يحرك البلوف

فلو صار فيه شي والمحرك شغال

راح تكون البلوف واقفة

والبساتم تخبط فيها

فراح تروح البلوف وتتعدم البساتم وتصير بلاوي في المكينة

ابـوشــافي @user_18667 · 17-09-2006

شف وانا اخوك من ناحية كلامه عن مكاين النيسان سواء الماكسيما او غيرها

فأنا معه وكلامه صحيح 100%

النيسان بشكل عام يمكن تتعطل جميع محركاته لاكن تبقى مكاين النيسان شامخه

تقدر تعيب على النيسان في كل شي الا الماكينه

يكفيك وانا اخوك الجيب الباترول 6 سلندر وقوته 4800 بعكس التايوتا الفي اكس ار 4700

انا وعمي قبل 10 سنوات شرينا جميع هو اخذ التيما 93 وانا كرسيدا 92

انا تبهذلت في المكينه وضبتها مرتين ووالله ثم والله بدون سبب لاحراره جتها ولا نقص زيت

اعطال داخليه واغلبيها بلف مقفل والا عمود الكرنك

وهو كد ابوها اللي جابها صارت ترقص اذا ضرت مطب وباقي مكينتها زي الحلاوه

اما بالنسبه لكلامه عن اللومينا ومكاينه انا جربت اللومينا لمدة 3 سنوات

كامكينه لايعلى عليها ولاتعرف الحراره ابد ثابته حرارتها

وسالفة الدوريات هذي لها كلام ثاني حنا شعب اذا جانا الشي في بلاش نحب نحلل ابوه اللي جابه

انا وقفت على جيوب شاص 2004 معدوم قيره وواحد كلتشه