ارغب بشراء جراند شروكي ولكن؟؟؟؟ساعدوني الله يخليكم

الحمد لله انى اعرف الصقر


واعرف الشروكى اكثر فلا والله انصح به لصديق حتى لوكان ملياردير لان الموتر من سابق خبره ذكرتها سابقا
ومن واقع من استخدمه فالاخوان اللى حذرو منه اكثرهم مجربينه ونا لست معادي للشركة جيب شروكى ولا محب للجميح لكن اليوكن الكل يمدحه بدون استثناء
توكل على الله واشتر اليوكن وادع لنا معك

الي مايعرف الصقر يشويية الشروكي افضل جيوب الدفع الرباعي بالعالم من واقع تجربة واليوكن حلو ايضا كانك راعي بر خذ شروكي كانك راعي سفر ومشاوير خذ يوكن او فورد اكسبلور....

وشكرا لك اخوي

اما شروكيي عن تجربتي استخدام امريكي شد بلد ماشاكله عجيبه واهما شجرة الدبل تسمع صوت طقطقه مع الدزه التسارع القوي وانواع الاصوات من السياره خاصه مع شوارعنا الحلوهه كل هاذي المشاكل وهو امريكي الوكاله اهم شي عندها الفلوس صيانه وقطع غياره غاليه بس مي لدرجة الالماني.....

اممم كلام الاخوان صحيح بانه السياره جميله وقويه وافضل سيارات الدفع الرباعي وتتبع ديلمر كرايسلر لاكن الوكيل هو سبب ابتعاد الناس عنها من ناحية اسعاره الغاليه للسياره وخدمة مابعد البيع الصيانه والتشييك وغيره .

مقارنه مع هذي السياره انا افضل جيب فولكس واجن طوراق مناسب في الحجم وفي الاداء واقل صرفية للبنزين ومقارب للشيروكي في القوه مع انه 6 سلندر 270 حصان وفخامه اعتقد الكل يعرف فخامة الطوراق وبلنسبه لليوكون سيارة عائليه ثلاث جلسات ما اقول انه مو فخم ولا اقول نه مب قويه بلعكس قوه وفخامه بس كبير نسبيا ومافي وجه مقارنه مع الجراند شيروكي ابدا ... وموفقين ان شاء الله

كان عندنا شيروكي قديم موديل 92 ..
السيارة زبالة بمعنى الكلمة ..
انصحك تشتري الباترول سوبر سفاري عليه عروض حلوة ..

اخواني
جزاكم الله خير الجزاء

والله كنت مستعد اشتري الجراند ولكن الحين من جد بغير رايي

توكل على الله وخذ لك يوكن

عيوب السياره ( الشروكي ) كثيره ونسمع عنها خصوصاً نظام الكمبيوتر عيب مصنعي فيها

والوكيل ماهو راضي يسحب الكميات

السلام عليكم ورحمة الله وبركاته


عزيزى من واقع تجربه لاحد الاصدقاء فقد اشترى جيب شروكى من الوكاله جديد ولكن ظهر فيه عيوب من اهم عيب ظهر فيه ولم تعرف الوكاله اصلاحه فهو انه يشتغل على كيفه فقد مر بمواقف محرجه كثير فاحدى المرات كان فى البر مع عياله وعندما اراد الرجوع السياره لاتشتغل تدق سلف ولا تشتغل واتصل ببعض اقاربه وعندما وصل احد اقاربه حاول ان يشغل السياره من باب المحاوله اشتغلت وكثر ذهابه للوكاله وطالبهم بتغيير السياره لكن رفضو وقالو احنا نصلحها ولكن للاسف لم يستطيعو اصلاحها واصبحت السياره بالوكاله اكثر من عنده ولكن فرج الله عليه حيث من كثر تردده على الوكاله احد الموظفين رثى لحاله وقال له مندوب الشركه الام هنا من غير ماتقول انى قلتلك ادخل واشتك واخبره انك سوف تقوم برفع قضيه وتشهير بالشركه وعندما ذهب قابله المدير وعرف انه سيدخل على المندوب وقد كان المندوب الشركه الام مسئول كبير بالشركه مما اضطر مدير شركة جيب ان يبدى لصديقى التعاون حيث خيره بين تغيير السياره وقال له طيب ادخل الصاله وشوف الجيب اللى يعجبك وخذه ولا تبى فلوسك ماعندنا مانع فاخذ صديقى فلوسه على داير مليم .
فلولا الله ثم ان المندوب حضر ماحصل شي بالرغم من المعامله السيئه حيث كان ينتظر الساعات الطوال بالشركه ولا احد يعبره وكانه شحات فى الشركه ولكن الله فرجها من عنده سبحانه.
اشتر اليوكن وتوكل على الله الجيب بلاويه كثيره اولا غير مريح والحراره حدث ولا حرج ومايعرف صيفنا غيرنا

اتمنى من الله ان يوفقك واليوكن حتى العادى افضل واوسع واكشخ
والسلام عليكم

تضاربت الاقوال ... ياليت واحد من الاخوان ينورنا بخصوص السياره والوكاله |3|

اخوي ممكن توضح كيف هي فاشلة؟؟
احيانا تكون السيارة روعة بس الوكيل يخليك تغض الطرف عنها زي اللي صاير عندنا بالسعودية
هل نفس الحالة في الامارات؟

الفرق كبير في السعر بين الدينالي والجراند شيروكي

اليوكون دينالي في اعتقادي سعره حوالي 170000 ألف درهم
والجراند شيروكي 105000 ألف درهم

لا أنصح أحد بشراء الجراند شيروكي فهي سياره فاشله .

الف شكر لطرح مثل هذا الموضوع لتعم الفائده للجميع
kako ماهي المشاكل التي واجهتك بالموديل القديم وكيف حليتها

السلام عليكم

كل عام وانتم بخير

بالنسبة لللاضافات للجراند شروكي فهي غالباً اضافة نظام الملاحة وبعد التعديلات على الديكور الداخلي

والسيارة تعتبر من اقوى السيارات ذات الدفع الرباعي خاصة بمحرك الهيمي ولاكن في نظري السعر مبالغ به قليلاً

بالنسبة للصيانة وقطع الغيار فهي مكلفة نوعاً ما

من اجمل الالوان هي الغامقة بشكل عام على الجيوب وهي تظهر هيبته

في الختام انصحك بالاستخارة فما خاب من استخار وبالتوفيق

اخوك
صالح

اخوي صعبة تقارن بين جراند ويوكون
الحجم مختلف بشكل كبير
من ناحية الألوان اشوف الابيض حلو مرة على الشيروكي
تحياتي