شاكر لك متابعة الموضوع .. اما بالنسبة للنقاط فأنا كاتبها في الموضوع وبنسخها مره ثانية عشانك
الرساوة على السرعات العالية ..
العزل الصوتي ..
متعة القيادة ..
النظام الصوتي ..
نظام الاتزان ومنع الانزلاق
الرؤية الليلية ..
الزنون ..
راحة المراتب ..
الشاشة ..
والهدف من الموضوع ان الكل يستفيد منه .. لما تكون في مقارنة من ناس مجربين .. ممكن اي احد يحتار بين هالسيارات يشوف تجارب الآخرين احسن من كلام المجلات
تحياتي لك
ياخالد كن واقعي..منت لاقي واحد مجرب بي ام جديد وهامور ولكزس وتلقاه جالس يقطع وقت بمنتدى سيارات :D كل كلامنا لك من مجلات ويمكن تلقا واحد او اثنين جربوا وحده من هالسيارات وتلقاها لابوه بعد :D
لكن خلني افيدك من واقع الصناعية ومعرفتي لبعض السيارات سواء من تجربة بسيطة او معلومات شخصية
الرساوة على السرعات العالية .. الرساوة تحتاج نظام توزيع العزم وهو افضل في البي ام لانه موجود من عام 95 تحت مسمى DSC و ASC والأنظمة الحالية إقتباس وتطوير من النظام الأساسي على البي ام (تجربة شخصية)
العزل الصوتي .. العزل الصوتي في كل الألماني متشابه . خصوصاً اذا كان 8 سلندر بتلقا عازل صوت بين المكينة والبودي وكل الأنواع فيها ربلات متشابهه على الأبواب....يعني من (وجهة نظري) متشابه.. لكن اللكزس عزلها الصوتي خراااااااافي |10| تحس انك جالس لحالك
متعة القيادة .. البي ام بلا منازع واتحدا احد يقول العكس (تجربة شخصية)
النظام الصوتي .. اللكزس نظامها الصوتي بايخ (بإستثناء LS460 للحين ماجربته) - نظام البي ام Logic 7 هو الأفضل ولكن ماظنه يجي ستاندرد على 750 يعني لازم تطلبه
نظام الاتزان ومنع الانزلاق - نفس الكلام المذكور فوق عن الرساوة
الرؤية الليلية .. اصدقك القول والله مدري..مع العلم اني متأكد ان البي ام والمرسدس فيهم كاميرا للرؤية الليلية بس مدري ايهم افضل..واللكزس مدري فيها والا مافيها من أساسه
الزنون .. اللكزس بلا منازع
راحة المراتب .. البي ام مراتبه طبيه..تصميم جراح عالمي...عشان كذا قاسية....اللكزس هي اريح مركب بين السيارات الثلاثة
الشاشة .. هذي موجوده على البي ام من عام 95 يعني وش تتوقع الأفضل الحين |11| وتصميم شاشة المرسدس 2007 مطابق تماماً لشاشة البي ام 2002 وانت الحكم
واتمنى اكون افدتك |3|
