محتار بين خمس شركات ( بخصوص الجيب )

مشكورين يا أخوان والله يجزاكم خير

موفقين انشاء الله

تبغى النصيحه
انتظر النيسان اكس تيرا
شكل جميل وقوة محرك ومتانه واسم وسعر مناسب

السلام عليكم

مبروك والله يعطيك خيرة ويكفيك شرة

والباث موتر ممتاز وان شاء الله ترتاح منه

ياخوان اشكركم على الردود

بعد التفكير العميق اجلت شراء جيب جديد وشريت جيب مستعمل وهو

باثفايندر 2000 قير اوتو + المكيف الكتروني + مسجل مع سيدي + فحص القير والدبل والمكينة كلهن سليمات

لاكن البدي احليل مصدوم مع البابيين الايمن مايهم الموتر احليل

هونداي توسان وعن تجربه

السلام عليكم

الباث الجديد افضل من القديم واقوى

موديل 2000 الى 2002 محرك 3.3 يولد 180 حصان

موديل 2003 الى 2005 محرك QV35 الشهير من نيسان والحاصل على تصنيف افضل محرك ل13 سنة متتالية
يولد 250 حصان للعادي و240 للتماتيك
بالنسبة لل2003 فهناك مشكلة في حساس الهوى
2004 و2005 تغير في الداخلية والطبلون زينون
السيارة بشكل عام روعة وقوية جداً خاصة الجديد (عندي واحد 2004 )
لاكن تصرف بنزين وقطع الغيار مرتفعة قليل لاكن تعمر وما تحتاج تغيير دايم

في الختام لاتنسى الاستخارة فما خاب من استخار واي ستفسار عن الباث حاضر

اخوك
صالح

انا مع رأي اخوك الجديد افضل والميزانية اللي انت راصدها للسيارة ماهي سهلة
وزيادة 5 الاف او اقل راح توفر عليك مشاكل كثيرة ومقالب انت في غنى عنها في المستعمل.

واذا كان لابد فخذ لك سيارة موديل السنة وتكون ماشية قليل يعني حول 10000 كيلو تكون مثل الجديدة وسعرها راح يكون ارخص من الجديد بمراحل.

موفق خير اخوي - ولاتنس الاستخارة

اولاً : يا أخوان اشكركم على الردود

ثانياً : امس رحت يم المعارض ولقيت ثلاث جيوب باثفايندر مستعملات جرب اثنين الاول قير عادي 2002 م العزم ماعندك احد قلت يمكن الموديل 2003 الى 2005 اقوى المهم رحت ادور بمعرض ثاني ولقيت 2001 قير عادي قلت اجرب يمكن الاول فيه مشكله المهم قلت صاحب المعرض ابي اجرب الجيب قال لازم اشتراك وراح جاب الاشتراك ماأشتغل قال مر بعد ساعة تلاقاه جاهز المهم شطفته رحت يم معرض اعرفه والقى موديل 2000 قير اوتو وهذا المطلوب بس البدي مرشوش المهم طلعت بالموتر العزم اقوى من الاول ورهيب عزم الموتر المهم واجي اعشق الدبل ويقر الدبل بعدين يعشق المهم وارجع يم راعي المعرض قلتله ابي افحص الجيب قال رح يم الورش و اروح يم ورشه قال وشتبي بالنيسان هج عن النيسان قلتله ابيك تفحص الفير والدبل قال ماعندى ميكانيكي مضبوط رح يم ورشه ثانيه ورحت يم ورشه ثانيه ورحت يم ورشه زينه اول ماوقفت نزلت ادور الميكانيكي اعرفه المهم واسلم عليه قال وشتبي في النيسان قلت ليه قال قطع غيار غالي
انصحك بالتويوتا قلت التويوتا غالي وقلتله مافيه بديل غير التويوتا والنيسان قال عندك ثلاث شركات التويوتا والمستوبيشي و ايسوزو قلت الايسوزو هل القطع متوفره قال متوفر وارخص من النيسان طلعت من الورشه ورحت يم شركة نيسان وفحص المكيانيكي الجيب قال الدبل والقير مافيهن مشكله قلت ليش يقر الدبل قال لانه القير الاوتو هو السبب لاكن ترا مافيه مشكله طبيعي يقر بالقير الاوتو
الجيب 2000 قير الاوتو 35000 ريال
ياخوان ابي نصيحتكم بعد السالفه

اخوي يقول الجديد افضل وانا حدي 65000

لقيت الايسوزو جيب روديو جديد 65000 موديل 2005 وش رايكم ياشباب بالجيب وفيه نقطه مهمه بالجيب التانكي نازل اشوي وتحت السواق هل التانكي اذا طلعت بالبر هل يحك

السلام عليكم

السيارات حسب الجودة
1- متسوبيشي وجودتها افضل من كثير من السيارات المشهورة لاكن الوكيل وقطع الغيار
2- سوزوكي سيارات عملية واقتصادية
3- الايسوزو ايضاً ممتازة وقوية وعملية لاكن اسعار قطع الغيار

اذا تحب السيارات الصغيرة فخد ديهاتسو سعرها ممتاز ومواصفات جيدة ووكيل معروف

ولا تنسى الاستخارة فما خاب من استخار

بالتوفيق

ارشح الفيتارا لانه بصراحه قوي وفخم ومتطور وشكله اجمل من الميتسوبيشي جراااند فيتاااارا وشكرا

إذا كان مايهمك سعر السيارة عند البيع بعد الإستخدام فعليك بالسوزوكي فيتارا اللي جربوه يمدحونه

عزيزي الشركات اللي ذكرتها ليست في جوووده النيسان والتايوتا

ولا كن عندك الميتسوبيشي هي الافضل في القائمه

والله يوفقك