و الافلون شيل الشعار التيوتا و حط شعار اي سياره ثانيه اذا ما قل بيعها بنسبه 60% انا اغير اسمي
و خاصتاً فضيحه الياباني كامري تطلع دايتسون :eek:
لوووووووووووووووووول .... والله انك صدقت .... لو تتبدل علامة الافلون من تويوتا إلى أي شركة ثانيه بالراحه مبيعاتها تقل بشكل كبير ..........
لكن خلونا نكوون واقعيين , تويوتا شركة فنانه بكل المقاييس سواء بالتحمل او الكرف او الاعتماديه وهذا شيء كلنا نعرفه ولو انه فيه بعض الشباب يحاولون تغيير هالواقع بشكل متعصب !!
تويوتا بنت لنفسها سمعه قويه جدا مش عن طريق إعلانات وخرابيط وانما لقوة صناعتهم وعمليتها ....
تويوتا وش كان ترتيبها في صناعة السيارات في السبعينات والثمانينات ؟؟ صفر
تويوتا وش ترتيبها في صناعة السيارات الان ؟؟ المرتبه الثانيه عالميا وفيه احتمال كبير انها تصير رقم 1 في 2007
يعني ترتيبها في تصاعد في اخر 20 سنه مضت ......... هل هذا لانه زبون او زبونيين احبوها وعرفوا قيمتها ؟؟ كم مليون شخص في هالفتره استخدموا تويوتا ؟؟ ولو انه اداء تويوتا تعبان كان مالقيتهم يشترون تويوتا مره اخر ؟؟
:D وبالنسبه للكامري .......... الكامري في الاصل تويوتا أبا عن جد , والدايهاتسو شركه ملك لتويوتا لكن هالشركه تصنع سيارات صغيره الحجم للسوق اليابانيه وتويوتا ادخلت الكامري على دايهتسو في اليابان فقط بس علشان تكون خيار اخر للي يبغى دايهتسو بحجم كبير ...
وعلى فكره .... الكامري في اليابان تصنع باسم دايهتسو من سنة 2001 ,,,,,, ليش الشباب اللحين صاروا يعيبون على الكامري بالشيء هذا اللحين وماتكلموا عن هالشيء في 2001 ؟؟
و ابي اقولك اخر شي الي يميز الامريكي علي الياباني بشكل عام ...
الــــــــــــــــــــــدفع الــــــــــــــــــــخلفي ..
لو تجي السياره 200 حصان و مواصافات ردئه بس علي الاقل دفع خلفي ...
:D ياخي السوبارو تصير دفع خلفي ....
هههههههه المهم .... كلامك صحيح بالنسبه للدفع الخلفي , لكن يمكن هالشيء مهم بالنسبه لك ( أو لي أنا في حال لو بغيير السوبارو <<<< يبغي IS300 ))
لكن صدقني 99% من الشباب هنا يهمه المواصفات والشكل وحجم السياره وليس منظومة الدفع ............ وبعدين الدفع الامامي اسهل في السواقه من كثير سيارات دفع خلفي وفيه سيارات دفع امامي اثبت من سيارات دفع خلفي ...
و علي فكره قوه تحمل الماني افضل من الياباني بي 10 مرات في الكويت سيارات مرسديس مديل 64 للحين تمشي
:confused: غريبه يابوشهاب ...... أكثر ماكثر الله عندكم من السيارات القديمه هي الدداسن موديلات السبعينات واللي الشباب ماشالله تفحيط ورجه واستعراض بدون حتى لا يتكرم عليها بعلبة زيت ؟؟ ومع ذلك لاتزال قويه ....! وأنا متأكد انك تعرف واحد ولا أكثر عندهم زدات وسكايلاينات بوطابوقه وتعرف كيف يستخدمونها
بالنسبه للمرسيدس موديل 64 .........
أولا الالماني والامريكي لقى من يهتم فيهم ويجدد فيهم كل برغي على اساس انهم سيارات كلاسيك .... لكن الياباني بالله عليك فيه أحد فكر على انه يجدد فيه ويرجع روحه على انه كلاسيك ؟؟؟ صدقني لو فيه احد يهتم بالسيارات اليابانيه القديمه على انها سيارات كلاسيك , كان شفت منها موديلات قديمه تمشي بالشوارع مثلها مثل الالماني والامريكي الكلاسيك ؟؟؟
بالنسبه لصور الحوادث ......
أنا ما أقول انه الياباني أقوى من غيره ........ لكن الصراحه ايش تتوقع من حوادث تصير على سرعة 160 ولا 180 على أمريكي ولا ياباني ولا ألماني ؟؟
ونقطه أعيدها للمره المليون ..... كثير من الشباب يفكر انه كل مازاد وزن السياره وزاد الحديد فيها = أمان أكثر ..... وش الاحسن أحد يضربك بقضيب حديد (( الامريكي )) أو عصى من خشب (( الياباني ))؟؟ من اللي يتكسر أسرع قضيب الحديد أو عصى من خشب ؟
