والله بالنسبه لي اولهم الفورد ابد لا تفكر فيه ياعمي ما صارت هذي 2007 نفس الشئ
من جهتي لو يجيني ويقولي تعال نعطيك هيا بـ ( 50000 ) ألف ريال كاش ما اجيه شكل السياره صار جداً ممل من
98 إلى 2007
وصارت اكثر من الهيلوكسات يارجل اشتري لي هايلكس اصرف لي على الاقل اعرف انه 2007 وشكل جديد
وترى شكل السياره مهم جداً جداً يعني لاحد يقولي قطع غيارها وتتحمل وتكرف و و و و و
على كذا خذ لك هايلوكس احسن لك يتحمل ويمديك كمان تحمل فيه حطب وخيام وبراميل واللي تبي ومن شركه
ممتازه وعودتنا على سياراتها القويه والطويله العمر
علماً انه سعر الفكتوريا 2007 سياحي 78 ألف ريال ( توكيلات الجزيره ) ( بالمدينة )
نجي للكابرس الشكل الجديد 2007 دمااار خربوه من جد خربوه 2006 احلى بكثير شتان بينهما ولو تلاقي موديل
2006 أس أس ابيض كان سمعت كلام ثاني
التشارجر مالي علم فيه لكن شكله ما عجبني تحسها قديمه وهي 2006 وغير كذا ما اعتقد انه عملي وحق كرف ؟؟
والله السيارات اللي قلتها من جهتي ولا وحده زينه ولو تأخذ لك ابيكا اصرف لك
وبقولك نصيحه والله تتعب تتعب تتعب جداً بمشاوره الناس بالسيارات واحد تعجبه والثاني يطلع الف عيب وعيب
واحد متحيز لشركه معينه ويقولك اوكيه ما عليها كلام اشترها وواحد ما يدنى هل الشركه ويقولك لا يابوي شوفلك
غيرها
أسأل مجرب يا حبيبي تعبت لمن حددت السياره اللي ببالي وانا عارفها وعارف جودتها وسألت ناس عنها يقولك لا يابوي
هذي ما تتحمل هذي شكلها قبيح هذي قطع غيارها غاليه السياره الفلانيه احسن منها بكثير هذي وهذي وما راح تخلص
بس بالاخير شوف انت وش المناسب لك واللي تميل له أكثر حتى بعدين لا تقول يا ليتني ما شريتها وتتحسف
وإن شاء الله كلامي وصل لك واضح
وموفق خير ,,,,
