اشرايكم في جيب تويوتا فورتينر

خليك من السياره انا عجبتني لوحدة الاخ soso2004 والله ما قصرت وترى كنه حالنا جميعا وصراحه بحس العزاب ما حدا يطيقهم في الرياض حتى اهلك بس يستحون يتكلمون

صح لسانك |1|

والله لو تقعد سنه ما شريت ذاك يقول زين وذاك يقول شين...خذ قاعدة اي شيء الناس تذمه خذه واللي يمدحوه ابعد عنه..هههه

والنسبة للفورتشنر تراه خياره رووووووووعه... وسعره جدا مغري... (بس لازم 6 سلندر) ولا ما يعرف الصقر يقول هايلكس مصندق

اخي الخل الوفي انا اشتريتة قبل 3 اشهر وسعرة كان 95000 ريال طبعا VX 2 قير عادي

في رأيي الفورتشنر أفضل منهم الإثنين، لأنه يتميز عنهما بقفل الدفرنس الخلفي، مما يعطيه كفاءة غير عادية في البر. وهذا عن تجربة. الباجيرو يتميز بنظام تراكشن كنترول ممتاز جداً، لكنه في رأيي لا يرتقي إلى مستوى قفل الدفرنس، خصوصاً في الرمال.

الباث الجديد أداءه لابأس به في البر، لكن ليس بالمستوى المتوقع. القديم أفضل بكثييير.

الباث الجديد لا أتوقع يمسك سعره، ليس مثل القديم. صار مثله مثل السيارات الأمريكية. وأنت قاعد تتكلم عن القديم 3.5. و3.5 صحيح إنه أقوى من مكينة الفورتشنر في القوة الحصانية، لكنه أقل منها في عزم الدوران، ووحش في استهلاك الوقود. والقديم كان سعره حول الـ 88 ألف، وليس 104 ألف.

الجديد 4 لتر عزم الدوران فيه أعلى بقليل من عزم الدوران في الفورتشنر.

الظاهر هذا الـ VX2 بعد، وليس الـ VX1، والا كيف يا dc55؟ لأنه أول ما نزل قبل ما أشتري إللي معي وقبل ما ينزل سعره كان القير العايدي VX1 سعره 94000.

سعر الفورتشنر قير عادي 95000 ريال والاتوماتيك يفرق بـــ 4000 ريال تقريبا

السلام عليكم


أهلين أخواني


بصراحه ما عرف عن السياره شئ

لكن لو ودي أخذ الفُل كان وهو بـ 104 ألف ريال

طيب آخذ باثفايندر نيسان ( ومعروف عنه أنه يمسك سعره مثل التويوتا)

وقليل متطلباته وداخليه جميله جداً مقارنه في الفورتشنر

وعزم أقوى رغم أنه بـ 3.5 والطعوس التي تشهد بذلك


أنا لا أفرض رأي ولكن جميل أن نتحدث ونقارن حتى الكل يستفيد


وانا أيضاً أستفيد


تحياتي

اذا بغيتها حق المدن خذ الاربعه سلندر

لكن اذا بغيتها حق بر فلا تاخذ الا ام سته سلندر

لكن الباثفايندر والباجيرو افضل من الفورتشنر 6سلندر في الاماكن الغير معبده


والخيار الاول والاخير لك

تحياتي

السيارة رائعة وجبارة في جميع الطرقات هذا من واقع تجربتي فيها منذ 3 اشهر من شرائي لها (VX 2) ..لذلك السيارة اعتمادية بمعنى الكلمة ...الذي يفكر في شرائها لا يتردد ويتوكل على اللة

وأهم شي يكون اللون أزرق معدني

الله يرزقني واشتريه ان شاء الله

ويرزق الجميع كل واحد يشتري الموتر الي عاجبه

وبخصوص الي يقول ان السعر مبالغ فيه

شوف السوزوكي الجراند فيتارا 89000 ريال ---- مع انو عزمة 187 حصان فقط

الهوندا CRV --- اربع سلند 177 حصان كمان 89000

بصراحه يعتبر سعره منافس مقارنة باسعار السيارات المنافسة

هلا أخوي الجفن، وإطراء رائع لسيارة رائعة :)

ولا يوجد معلومات عن 2008، لكن أغلب الظن إنه لن يكون فيه أي تغييرات. يعني أنصحك تاخذ 2007، مواصفاته حلوة.

بصراحه انا من الناس الي قريت عن جيب الفورتشر وبصراحه كل يمدح الموتر وما ليه كلام بس لازم يكون ست سلندر والشباب ما قصروا بصراحه دخلوه في راسي الخل الوافي هو بذات الله يجزه الف خير ولا يهون باقي الشباب
انــــــــــــــا من الناس الي انتظر موديل 2008 على احر من الجمر لو يطلع بكره رحت وطلعت فل كامل ست سلندر بدون اي تردد بصراحه هذا موتر الي ادور عليه
موتر لا هو كبير ولا صغير ومكينته مكينة برادو القير خمس تغيرات ولا تنساء انه تويوتا ويصلح مع الزحمه خاصه عندنا حنى في الرياض والبر يا سلام على كيف كيفك فكس ار صغير
الله يوفقك ويوفقنى والي عنده ايت معلومه عن 2008 لا يبخل علينا صوره شي ما فيه مانع ومتى ينزل
مع خالص تحياتي لجميع الشباب
اخوكم الجــــــــــــــــــفـــــــــــــن

وين طماع! ست سلندر يبدأ من 94000، والحين نزل سعره أرخص بعد! ولو تشوف هيونداي تيراكان، كان يباع الأساسي منه بـ 85000، وهو 3.5 لتر وضعيف، تبغى تقارن تويوتا مع هيونداي، غير إن الفورتشنر 4 لتر وليس 3.5، وغير إنه إسمه تويوتا، ومع هذا كله سعره قريب منه!

شوف السانج يونج ركستون، سعره 99000 الحين، ومكينته 3.2 لتر ضعيفة جداً، أو مكينة الديزل 2.7 لتر. بعد هذا كله، تبغى تقول الفورتشنر غالي؟ معليش، ما قدرت أقاوم أرد، مع إن الموضوع قديم نوعاً ما.

شف اخوي كلامك تغير المكينة إلى 6سلندر حلو:)

بس انت الخسران في التغيرات والتركيب والترهيم
وأعرف ان الترهيم تقريبا بعد كل شهر ببي يطلعلك خراب جديد

((الله يوفقك أخوي ))

بس تبي النصيحة وبدون تفكير وجع راس لاتغير المكينة :confused:
بعها وخذ ثانية 6سلندر أحسن لك ولزمن وحتى للبيع

الله يسهل امرك ويوفقك بالدنيا والآخره:)

الموديلات الجديدة من الفورتشنر صار يجمع في أندنوسيا. بداية 2007 كان تايلندي ثم أصبح أندنوسي، لكن لا يوجد فرق في الجودة.


أما بالنسبة لتغيير المكينة، لا أظن أنها فكرة مناسبة، كما قال الأخ صالح. والهايلكس يجي منه ست سلندر في أستراليا وجنوب أفريقيا. أشتر لك واحد من هناك واشحنها.

أما قيمة 100،000 لها، فأنا أرى أنها تستاهل هذا السعر، مقارنة بالمنافسة سعره ممتاز جداً. خصوصاً بعد النظر إلى التقنيات المتوفرة فيها، والتي لا تتوفر في الكثير من المنافسات، مثل تقنية الدفع الرباعي المستمر المتطور (نفس النظام الموجود في سيارات أودي كواترو) وقفل الدفرنس الخلفي. ما فيه سيارة فيها قفل دفرنس خلفي وقيمتها تحت الـ 150،000 في العالم، إلا الفورتشنر.

لا انصحك وبشدة والمشروع مكلف ...

تسلم يدينك يخوي salehhd وعلشان أكون واضح وصادق
أنا معي هايلكس 2006 دفرنسين ومايجي الا 4 سلندر مثل مكينة الفورتشنر تماما علشان كذا قلت يمكن المكينة السته سلندر راح تركب على الهايلكس لأنه مثل الفورتشنر في كل شي .

لأنه وبصراحه الهايلكس الدفرنسين ثقيل على مكينة 4 سلندر واللي نفسها مركبينها على الدفرنس الواحد !!

إذا على المكينه بأبدأ في المشروع :rolleyes: بس اذا السالفة قير وخرابيط فالحل ألغي الفكرة .

السلام عليكم

اذا شرى اربعة وتورط ويبي 6 سرندل فالحل الوحيد هو بيع السيارة وشراء اخرى 6 سرندل

لان الشغلة راح تكلف كثير فلازم تغيير ضفيرة وقير وهذا غير قيمة المكينه
يعني بيسخسر اكثر من نص قيمة السيارة وشغل الترهيم مايضبط