كنت اكره هالسيارة جدا ..
لكن يوم شفتها مع احد اقاربي بالبر كانت بالفعل مثل البعير تمشي ولايوقفها شي ..
قوية جدا بمحرك الستة سلندر 4.0 250 حصان على وزن 1850 كيلو رائعة جدا ..
وماعليك من اللي يقول لك انها هايكلس مصندق ..
اذا سلمنا بهالشي اجل جيب اللكزس شاص مصندق والكادلاك اسكاليد ونيت جمس مصندق ..
الاشتراك بالقاعدة امر طبيعي بين سيارات البك اب والجيوب ..
والنعم أخوي عمر على هالرد المفحم، والله قعدت أضحك وأنا أقرأه.
الفورتشنر عندي واحد ستة سلندر قير أوتوماتيك، على قول أخينا، كأنه بعير. والعزم ما عليه كلام، إذا أخذت الستة سلندر (ربما كان الأخ يتكلم عن الأربع سلندر).
صحيح أنه مشترك مع الهايلكس في الشاصيه، لكن شتان ما بين الثرى والثريا. الهايلكس سست من الخلف، وهذه يايات. الهايلكس دفع خلفي ويجي منه دفع رباعي جزئي، هذا دفع رباعي مستمر. غير الفخامة والراحة والجمال (الأنوار الأمامية محسنة كثيراً عن أنوار الهايلكس، والصدام الأمامي مجمل كثيراً).
صحيح أن السيارة مصنوعة في تايلند، لكن الأجزاء الرئيسية فيها، الماكينة والقير، ياباني نفس المستخدم في البرادو تماماً، سواء كان الأربع سلندر أو الستة سلندر. هذا بالإضافة إلى أن القطع الثانوية التاليندية كلها تصميمها ياباني، ومصبوب في تايلند فقط. بل تجد نفس القطعة تماماً، مطابقة من جميع الجهات، لكن مصنوعة في اليابان في البرادو.
العيبين الوحيدين في السيارة، إن الطبلون تحسه مواده رخيصة شوي، وخزان الوقود صغير جداً بالنسبة لجيب، فقط 65 لتر، وكثير من سيارات السيدان فيها خزان أكبر منه، بما فيها الكامري.
