محتار جدا : يوكون دينالي , أو لاندكروزر 2007 ؟؟؟؟؟؟؟

والله أشكركم كثيييييييييرا ياشباب |3|
وشكلي راح أقنع الوالد ياليوكون |2|

أخوي أنا انصحك باليوكون دينالي

لان مافي وجه مقارنه بينه وبين الجي اكس ار

وهو يتقارن بالفي اكس ار ... ومع كذااليوكون دينالي يتفوق على اغلب مواصفاته

واذا انت ناوي على الجي اكس ار

فأنصحك انك ماتشتريه

واحد من الجماعه متحسف ان حط فلوسه في جي اكس ار 2006

يقول العزم ميت مييت حيل .. ومع كذا فهو قير عادي

يقول اذا انت ناوي لاند كروزر غير الفي اكس ار لاتدور .. والسبب مكينته الثمان سلندر

مع انه مو بالقوه المطلوب لاكن شيء عن شيء يفرق واحسن

على العموم انا اميل لليوكون الدينالي

ومالك الا الاستخاره وانا اخوك

وبعدها توكل على الله

أنا مع أخوي KSA_Matrix
أذا كان الوالد راعي بر أنصحه باللاند كرزر
أما أذا كان أغلب وقته بالديرة اليوكون أكيد أفضل
والله يكتب اللي فيه الخير

نفس الملاحظه

اذا على المميزات فمافيه مقارنة ابدا بين الــGX-R واليوكون الــGX-R تدفع فيه 145 على مكينة وقير وكراسي تجلس عليها
بينما الدينالي سعره حلو مقارنة بالمميزات (المفروض المقارنة بين اليوكون والــVX-R )
من ناحية الاعطال اليوكون اكثر خصوصا المشاكل الكهربائية (الشبابيك - المرايا - الدبل وسوتشاته - الاصطبات وغيرها ) (المشاكل الكهربائية عقدة الامريكان وماظنها بتنحل ابد:D ) ولد خالي اشترى تاهوو 2007 بعد اسبوع تعطلت المرايا الكهربائية !!
صحيح تصلحت على الضمان بس اللي اوله كذا ينعاف تاليه
بينما اللاند ماشاء الله سلايل كحيلان اذا تبي سيارة بنزين وزيت وفلاتر ومساحات بس (على الاقل لمدة 5 سنوات) مالك الا اللاند

على كل حال انصحك تطلب قيادة تجريبية للسيارتين وراح ترتاح لوحدة اكثر من الثانية,, اذا صممت على اليوكون اطلب تمديد للضمان 5 سنوات مفتوح الكيلوات علشان ترتاح من وجع الراس

والله وانا اخوك اذا انت راعي بر ومقناص غير اللاند لا تدور ..

الجمس ما ينفع للبر بتاتة البتة:) <<<< (عن تجربة)


اللاند اعطاله اقل من الجمس بكثيييير .

اما اذا تبيه للديرة يعني بس للمدينة والثمامة ما تتعداها الدينالي الحقيقة فخم وممتاز ..


يعني باختصار يعتمد على ذوقك واستخدامك للسيارة ;)

تحيات أخوك

أخي الكريم
مافي مقارنةأبدا
مانبي نمدح سياره ونذم سيارة ولكن الافضل اكيد جي ام سي دينالي
افيه مزايا كثيره ما تنعد
انصحك فيها لان كل من ياخذها ما يفكر ياخذ غيرها

وعليكم السلام
اخوي الله يسامحك وش جاب الاندكروزر الى اليكون مافي مقارنة اليكون افضل في المواصفات اللي هي الراحة في الطرقات الطويلة ويضاً فرق شاسع في قوة المكينة حيث اليكون يصل الى404 حصان بينما افضل و اقوى انواع الاندكروزر يصل الى 275 حصان بالاضافة الى نظام التعليق في الطرقات الغير معبدة
الله يسامحك فا ارجوا انك ما تقارن اليكون بسيارة مثل الاند كروزر