رابطة تختص بمشاكل الفكتوريا والماركيز وكيفية حلها

انا مثلك
كانت السيارة بدون بلف
والحرارة على النصف
وصارت مشكلة إن المكينة سحبت هواء
ورحت نسمتها وقلت لهم ركبوا البلف
وصارت كذا على طول
وأقلقتني قلت اوريها الشباب ونشوف ردودهم

وياخوك عندي لك سالفة / سيارتي كانت بدون بلف إذا سخنت السيارة اسمع صوت مثل السلسلة في المكينة , ناس قالوا لي من الجنزير وناس قالو المكينة فيها خراب وطلع الموضوع كله صوت الموية تدخل للمكينة وتطلع بسرعة
يوم ركبت البلف راح الصوت :a120(37):

وعرفت ان البلف مفيد للمكينة ما ركبوه عبث

مشكلتي الحين
إن السيارة تكون مثل الحلاوة أول ما ترتفع الحرارة عن علامتها الي في الصورة تصير المكينة ثقيلة ولها صوت حنه

هبلوا فيني كل واحد يقولي كلام
والكمبيوتر يقول حساس الجير وأسلاك البواجي ومنظم الهواء

وراعي الجيرات يقول ما عليك منهم السيارة زينة
والثاني يقول غير مروحة
والثالث يقول المروحة زينة
والرابع يقول ركب مروحة إضافية
والخامس يقول غير زيت وفلتر للجير

شكلي بفتح ورشة فورد :a120(24):

في انتظار فتواكم جزاكم الله خير :smilie532:

هلا فيك اخوي
والله انا عندي نفس مشكلتك ولكن انا عندي ماركيز والطبلون ديجاتل يعني الكتروني
وطبعا انا بالشرقية والحراة وصلت للخمسين الاسبوع اللي اح وارتفعت عندي الحرارة خطيرن فوق النص اذا كنت بزحمة اشارة وطولت الوقفة بس مع الممشى تنزل للنص واذا وقفت السيارة شوي لو عشر دقايق تطلع خط فوق النص او خطين للو كنت بزحمة سيارت واشارة المهم رحت وشلت بلف الحرارة
وتوقعت انها تنزل للربع بس برضه تفاجأت انها على النص وثابته على النص ومادري والله هل هو طبيعي ولا فيه مشكلة مع العلم ان ماشاء الله موية الرديتر عندي نظيفة جدا ومافيه اي تهريب عندي
فهل الوضع طبيعي مع العلم ان السيارة ماركيز2003 امريكي
ساعدونا يا اهل الخبرة

السلام عليكم
وش رايكم الحرارة كذا الساعة 9 الصباح
وبالظهر تكون فوق العلامة بشوي
مرتفعة أو عادية؟؟

ياطويل العمر دعاسه الفرامل تحتاج الى تشحيم من داخل الدعاسه
وماعليك الا تروح للوكاله وتقولهم يشحمونها
وراح يروح الصوت أكيد

والله الموفق





ويظل الفيكتوريا شامخ

مشاكل الماركيز ماتخلص:)

تكفون يالربع .........

صوت التصفير عند الضغط على الفرامل و يتطور إلى ان يصبح الصوت تصفير مزعج

ما هوالسبب ارجو المساعدة هالمشكلة دوختني

888

ما أتوقع إن ذا المشكلة منتشرة في سيارات 2008 , أول واحد أشوفه يشتكي منها أنت ,

ارجو منكم المساعدة و أسأل الله لكم الثواب

اشتريت جراند ماركيز 2008 ومجننتني بصوت الهواء إلي ماني عارف من وين ويطلع .

الصوت واضح و موجود ومزعج بس مره يطلع و مره يكون خفيف ومو قادر احدد من وين هو يطلع من القزاز اكثر شي و المثلث الخلفي و احيانا اقول من جلد الأبواب .

ارجوكم ساعدوني هل هذي مشكله في سيارات 2008
وماهو الحل
وبرأيكم من وين يكون الصوت

الله يرزق من يساعدني من واسع رزقه لأني تعبت :emot76:

وماهي الربلات ؟؟:smilie532:

مشكووور أخوي يسلموو على الموضوع

نعم لا تعشق في الرابع ... أخذت على هذا الحال تقريبا أسبوع ... وش المشكله ....

شبباب انا عندي مشكله الللمبات الي ورئ ماتشتغل الا اذا شغطت فرامل مدري اهي كذا ولا كيف

السلام عليكم ..
عندي مشكله في درجة حرارة المكيف دايما تكون على 15 وغيرتها مره الى 18 وبعدين رديتها على15
صرت اطفي السياره والدرجه على 15 ارجع اشغل المكيف القاه على 18
كيف اثبت الدرجه؟ او ايش المشكله؟ او الطريقه الصحيحه لتغيير الدرجه ؟
شكرا لكم
*السياره كراون فكتوريا 2002 امريكي

888
أفهم من كلامك إنها ما تعشق بالرابع ؟

أخواني الأعزاء

السلام عليكم ورحمة الله وبركاته ... وألف شكر على المنتدى الرائع

عندي فرد 99 استخدام

ظهر فيه مشكله شيبتني .. قبل أسبوع تقريبا ...

وهو أن الزر في القير المتحكم في السرعات يعلق ويجلس يشر ... وكأن مكتوب فيه ( دريافر أف )

إذا طفيت السيارة سار طبيعي بس بعد مشوار لا يتعدى 5 كم يعود ويثقل الموتر ...ولا يسير طبيعي .. استمرت المشكله أسبوع أيضا

وبعدها انتهت المشكله لي تقريبا 3 أيام بعد ما رحت لواحد قال فحص كمبيوتر ... ولم يعمل شي ... وبعدها زانت السياره

لكن متخوف تحصل في المستقبل ولا أجد لها حل ... والأخطر

تكون ماشي وتقوم تسويها ...


مريت عدة ورش لكن ما أعطوني حل ... والله إني أصبحت في حيرة من أمري



فأملي في الله ثم فيكم لمن عنده خبر أو يقدر يسأل أنه ما يبخل علينا ... وله دعوة في ظهر الغيب

يعطيك العافية اخوي الغالي وبجد انا فكرت بنفس اللي انت ذكرته وابنسخ مفتاحين واحد بالبيت وواحد بخبيه في مكان مخفي بخارج السيارة علشان لو قفلت بالغلط على المفتاح بالداخل يصير عندي مفتاح قريب اقدر اني استخدمه وافتح الباب
على العموم الف تحية لك والله ينتقم من اولاد الحرام ويكفينا شرهم

هلا فيك اخوي قناص
بالنسبة للوكالة طال عمرك حرامية ونصابين
الحاج حسين رحت له ويقول مايستقبل سيارات استخدام امريكي وحتى لو يستقبل يقول يبي يعير الرسيفر كامل مع الريموت الخ الخ الخ ويبي يفتح لي مشروح راح يكلف فوق 3الاف ريال ويمكن يزود كله بس علشان يسرقون كم مبلغ وانا عارف ان المشكلة راح تكون برضه موجودة لأن فيه رقم موحد يفتح كل الماركيز
اما توكيلات الجزيرة رحت لهم واكدو لي ان فيه اكثر من حالة لفتح سيارات لكراون فكتوريا وجاتهم شكوى من العملاء
وقالو لي ان عندهم جهاز جديد يركبونه بدال الجهاز الاصلي للسيارة بس للأسف الجهاز صناعة صينية ومن نفس نوعية اللي بمحلات الزينة نوع اسمه جاكور ونوع ثاني اسمه tst الخ الخ الخ وراح تظطر انك تتخلص من الجهاز الاصلي اللي من مصنع السيارة وتركب جهاز صيني ممكن يكون له اظرار كبيرة لا وفوق كل ذا تكلفته حسب ماقالو لي 1800ريال بينما في محلات الزينة ماكيلفك اكثر من 300ريال او اقل بكثير حسب نوع الجهاز
المهم بجد تعتب من الاستغلال الفاضي وفعلا شكلي بروح افصل ازرار الباب واريح مخي من كل الحوسة ذي وخل الحرامي يموت قهر بس بجد افكر اني اسوي له طعم عند البيت بس بعد اسبوعين علشان يتطمن وراح احط كاميرا مراقبة وهو وقته يكون بالفجر حسب كلام الغسال انه يشوف شباب سود يمرون بالليل ويقربون من السيارات ويناضرون داخل السيارت ويقول ان مرة مسكون بالقوة وقالو له هات فلوس
المهم شكلي بجد ابراقبه وبحط له طعم جوال خربان بمكان واضح علشان يقبل الطعم ويحاول يفتح السيارة اثناء ما انا اراقب بالكام
وللأسف المشكلة ان الدوريات مانشوفها الا بالناااااااااااااااااااااااااااااااااااااااااااااااااااادر
الله يعين:emot30:

شيك على ثلاجة المكينة يمكن فيها تهريب , وتلاحظة إذا موية الرديتر تنقص ,
ثانيا : شوف الرديتر وليات الخراطيش , إذا فيها تهريب ,
ثالثا :سو غسيل للرديتربـ 30 ريال , وعب موية رديتر أصلية بـ 45 ريال :emot114: + 4 علب مويه مقطر , لا تحط موية رديترتقليد أم 10 ريال , تراها موية عادية + صبغه لا أكثر ولا أقل ,,,
رابعا :إذا ما نفع غسيل الرديتر سو له تسييخ , وإذا هو منتهي غيره بالمرة ,
فيه ناس يفكون البلف , بس ما أدري هل له ضرر على السيارة ولا لا !

أبو نايف1 .......

أنا قد صارت لي نفس مشكلتك , كان فيه واحد يفتح سيارتي بالليل ويسرق له كم شريط , يومين ثلاثه ويرجعها << حرامي عنده ضمير,,

المشكة إني متأكد مثلك 100 % إني مقفل السيارة , وربي إني كنت أسكرها بالزر اللي في الباب وأنزل واسكر الباب ثم أقفلها بالريموت , من زود الوسوسة ..............جلست فتره ثم إنفتحت سيارتي بالليل وأنا متأكد 400% إنها كانت مقفله ونظارتي شمسية كنت شاريها بـ 580 ريال كنت متأكد إنها بالسيارة , اليوم الثاني إختفت وإلى يومك والله العظيم ما أدري وينها ............
قمت وفكيت الباب وفصلت الأرقام , ولله الحمد إلى الآن لم تحدث إية سرقات ولله الحمد والمنة ....قصيت مفتاح سبير مو مبرمج بـ 5 ريال وحطيته عندي بالبيت للإحتياط , والمفتح هذا ما يشغل السيارة بس يفتح البيبان , لأن الرقام السرية ما نيب أستخدمها أبد أبد ,,,,,