ليش هالجيب ماله شعبيه بالخليج مع انه جيب اوروبي وجميل جداً..تعالو نشوفه

اساسا سيارات فولفو كلها فاشلة غالية على قلة سنع

اكثر ما يعجبني فيها اهتمامهم بوسائل السلامة

ولكن سعرها الغالي ما راح ادفعه في فولفو اذا نويت اشتري سيارة اوربية راح اخذ مرسيدس او بي ام دبليو او اودي

تصحيح :

الدنماركيين سابقاً والآن السويديين قاموا بالتهجّم ع الرسول - صلى الله عليه وسلّم -



بالنسبة لسيارات الفولفو من أبدَع ما يكُون ..
لكن فيه مشاكل ف الفولفو كثيرة مثل ارتفاع الحرارة ولكن حسب كلام الوكيل من فترة قريبة إن المشكلة لم تعد موجودة ..
وأيضاً بالنسبة للصيانة والضمان فالوكيل من أسوء ما يكون !

والله لو عندي قيمتها عشر مرات ما شريت


مدمن تويوتا>>>>>>>ههههههه


لا بس زي ما قالوا الاخوان الشرطيه يرفعون من راسهم شف الطوارق موتر طلقه بس مستعمل ما احد يقربه

أخوي، تصحيح، موب السويديين إللي مسوين مشكلة، ذولاك هم الدينامركيين. ولا يوجد سيارة صناعة دماركية. ما يصنعون غير الأجبان والألبان.

مشكور أخوي على الموضوع
والناس مايرغبون إلى الصناعات اليابانيه و الامريكيه

اذا عرف السبب بطل العجب
هذا نشاط الوكيل

ماشاء الله عليك :D فضحت الفولفو فضيحة غير طبيعية خخخخخخخخخخخخخخخخخ

وعلى كلامك بصراحة من جد طاحت من عليني وبصراحة في الأوروبي كله ما عجبني في الجيوب غير جيبين وهو المرسيدس ML وبورش كايين |1|

الفولفو XC90 طاحت من عيني، لما شفت الفيديو مقارنة بينها وبين السوبارو. ثباتها تعيس جداً، ويسهل فقدان السيطرة عليها عند السرعات العالية.

وبعدين، تدفع 150 ألف ريال على سيارة خمس سلندر! عزم ضعيف، ونظام دفع رباعي رديء (من متى فولفو تعرف تصنع سيارات دفع رباعي؟!!)، وثبات سيء.

وأخيراً، طلعوا لها محرك ثمان سلندر، هو في الواقع محرك ياباني من شركة ياماها، وسعرها ... فوق الـ 210 ألف؟!!

إللي يفكر في هذه السيارة أحسن له يشتري له فولكس واجن طوارق أو مرسيدس ML، سيارات أفضل مليون مرة، وبسعر مقارب.

على فكره ياشباب الفلفو من افضل السيارات في العالم من ناحيه السيفتي بس الناس من قديم مااعتنعوا بالسياره لانه شكلها كان فاشل وسمعتها طاحيه والحين الوكيل خربها بعد يعني سلام الله عليها

يكفي إنها سويدية لذا مقاطعتها ومنتجاتها أفضل فرسولنا صلى الله عليه وسلم لانرضى بمن يتعرض له بالسوء محقهم الله ..

وتقبل تحياتي

السلام عليكممن زمان ماركت الله يحيي الاعضاءقبل فترة يو كانت وكالت فولفو على طريق التحلية بالرياض تذكرونالمهم كانت توها نازله هذي السيارة ركبتها وقام يشرحلي ذاك اللبناني انا انهبلتمن المواصفات الي فيها كل قطعه في السيارة كبيرة او صغير من صناعة فولفو حتى السماعاتوانت حاط يدك على القير تقدر تتحكم بالمكيف والمسجل بحيث ما تنشغل عن الطريق مخلين كل شي قريب منك كسواق ما يبون يشغلونك ممكن تغير جلستك عشان تشغل المسجل او المكيف في السيارات الثانية لكن هذي السيارة مخلين كل شي قريب بشكل ما تتخيل مررررريح جداًلكن انا اتوقع الاسباب التالية هي الي ما تخلي الناس يشترونهقطع الغيار مو في كل مكان يتصلحبعد كم سنه وش راح يصير عليه يعني من هل اسباب والسعر بعداسف على الاطالهوشكراً

والله الفولفو سيارة ولا اروع وسيارة عجيبة وقوية والله سيارة ما عليها كلام
لكن ....... ولكن ....... ولكن .......
الوكيل ونقولها 3 مرات الوكيل ((((( والله حرام الفولفو ما اخذت حقها في الخليج ))))))
سؤال(( للأخ عمر )) // (( كيف سعر القطع الاستهلاكية للفولفو مثل الفحمات والفلاتر والبواجي ..... وغيرها )))
وتحياتي للجميع
بوفيصل

والله أن هالمــوتـــر فــي قــوه ونشــاط غيــر طبيـعي يعــني مــره اذكـــر واحــد من الشباب أستأجـر جيب فولفو ايــام الشتاء في الدراسـه وطبــعاً زي العــاده الهــروب من المدرســه يوم الأربــعاء
وطلـعنا الثــمامــه وكســرنا السيــاره ومافي طعـــس ألا وطلــعناه أليـــن أرتفعـــت الحــراره على H
فــريحنا السيـاره شــوي بعـدها رجــعنا السيــاره بشوي شوي عشــان الحراره ما تــطلــع فووق ورجعــت بالسلامــه

مسألة الشكل هي مسألة ذوق ، والناس أذواق

أعتقد أول سبب هو السعر ( على الأقل بالنسبة لي )
مرة من المرات كنت في معرض فولفو مع أخويه كان يدور سيارة
وسألت عن سعر الجيب هذا...
ما اذكر كم كان لكن اذكر انه كان غالي بشكل فظيع...

نعم سيارات آمنة وهي أوروبية فجودتها ممتازة لكن
مو بهذا السعر.... ليس بهذا المحرك

بالنسبة لي لو أبغى أشتري جيب بهذا الحجم فالسوق مليان جيوب
بهذا الحجم بمواصفات رائعة جدا ومحركات أقوى ولا تنقصها مواصفات السلامه
ولا الراحه
بل أحيانا جيوب أكبر...

وبرضه الوكيل له دور كبير،
فالتسويق خطوة مهمة جدا ويعتمد عليها بشكل كبير نجاح منتج من فشله...

اتوقع بسبب ثمنه الباهظ

وندرة قطع غياره ويمكن غلاء الصيانه

وماركة فولفو ما توكل عيش في الخليج غير مرغوب فيها عندنا مع انها متفوقه في مجال الامان

والله اعلم

السلام عليكم

السيارة بالفعل انتشرفت فترة بسيطة في السعودية هي والبي ام x5 ولاكن اختفت من الشوارع بشكل كبير وواضح حتى انك من النادر ان ترى احدى تلك السيارتين رغم تواجدها في الوكالة
بحكم تجربتي لاحد سيارات فولفو رغم قدمها الان ان ا سعار قطع الغيار بالفعل مبالغ فيها جداً ونادرة
والوكيل غير مهتم بها فهو يملك الكثير من الوكالات مثل الرينو والفولفو والكيا والسانج يونج وغيرها الكثر ولا يوليهم اهتماً
بالله عليكم متى اخر مرة رأيتم او سمعتم دعاية لهذا السيارة

السيارة كما تفضل الاخوان قوية ومنافسة لاكن وكيل لايستحقا