حدث اليوم في صيانة الحمراني

الحمراني بحاجة إلى نشر مراكز صيانة اضافية في مدينة الرياض والمدن الكبيرة

ويحتاج دعم من مركز نيسان الخليج

نحن نحب سيارات نيسان المصنعة في اليابان فقط

ودنا بزيادة الفروع

عشان نعرف نشتري

والله ما قدرت أشتري أي سيارة من سيارات نيسان كله من المواعيد هذه

حسنوا خدمات الصيانة عشان نشتري أو حطو وكيل معاون للحمراني

فالبازعي ما يكفي

نفس الكلام بالجميح

وتقريبا في اغلب الوكالات

اللي يشوفهم كانهم معطينا الموتر ببلاش

ما كننا دافعين دم قلبنا فيها !!

الله المستعان

عجباً! يعني قعدت عندهم 13 ساعة على صيانة الـ 10000 كيلو؟!! هذي تاخذ ساعتين بالكثير عند عبد اللطيف جميل، وبدون موعد.

زين ما سوى ... وفعله صحيح .. 100%

الحمد لله
عملت صيانة الـ 10000 كم برمضان بدون موعد
جيت الصبح 10 صباحا وعلى طول إستقبلوني
وطلعت السيارة بالليل 11 مساءا

يعجبني يا هوه بارد اعصااااب

كل ما أسمع سوالف زي كذا

تخليني من جد أفكر وأزيد أصراري بعدم التفكير بسيارات نيسان بسبب وكيلها

مشكور على الموضوع

بيض الله وجهه

اجل زعلانين على العيسائي والمتسوبيشي ليه وعلى سوء صيانتهم ووو...؟؟

الدعوه كلها زي بعض .
لا نظام محدد في جميع الوكالات المنتشرة بين الناس واقصد فيها الجميح والعيسى وتويوتا ونيسان ..والدعوه كلها توافيق والامعارف وواسطة ...

يعني انا مثلا كل صيانة لسيارتي الدينالي ماتتعدى ساعتين عند مركز الخدمه السريعة للعيسى او الجميح .. وتوني مسوي صيانة 120 الف عند العيسى قعدت السيارة من الصبح ماخلصت الا المغرب نفس اليوم لان فيها شغل كثير ..لكنها انتهت في نفس اليوم .. وبعد ماخذتها قال لي ان فيها كراسي المكينة لازم تتغير ولازم تاخذها المركز الرئيسي لانهم مايقدرون عليها في الخدمه السريعة ..رحت لهم ثاني يوم الصبح قال لي الاستقبال بعد العيد لان عندم زحمة ..قلت له توني جاي من الخدمه السريعة وهم اللي قالو لازم تغير الكراسي الحين قال لي اوكي دخالها فدخلتها وقال لي يومين وتخلص باذن الله ..
بينما قبلها في الجميح اخذت اسبوعين سرا علشان بس يكشفون عليها وتصليح يومين ..!! طبيعي ..

المشكلة هنا هي .. ان الوكالات تبيع الاف السيارات يوما .. تجد لديها الاف مندوبي المبيعات واكثر من صالة وفي كل مكان فق للبيع وهو الاهم بالنسبة لهم ..لكن تجي للصيانة ..تلاقيهم حاطين 10 ميكانيكيين في المركز الرئيسي علشان يخدمون عشرات الالف من السيارات امباعه !!؟؟

كيف هالمعادلة مافهم.. وكيف تبون السيارة تجي ويدخلونها في وقتها والا يكون حتى فيه نظام في هالشي ..؟؟!!

انا اقول كثرو شكاوي للشركات الام دائما حتى لو بالبريد الالكتروني وهي تمشي الامور ..اما كل واحد ياكل على راسه ويسكت ماراح تتعدل امورنا ابد.

هههههههههههههههههههههههههههه

لووووووووووووووووووووووووووووووول


موعد الا صحيح هوا يدري المصري متى راح نقفل الالف كيلو

في يومين بس في الرياض فرفر فيها قفلت الالف كيلو


سبحان الله

بنسبه للاكستيرا وديته لهم بعد مامشئ 1300 كيلو واستقبلوه وسووله صيانه الالف كيلو واستغرق ساعتين واخذتها ولا واجهت اي مشاكل ولله الحمد وكنت واقف عند الميكانيكي وهو يسوي الصيانه لكن شرط علي المهندس اني مااكلمه والحين افكر اوديها لصيانة 40 الف لما تكملها انشاء الله
وقالي المهندس تكلف الصيانه هذي 550 ريال

كلامكم على العين والراس ، لكن ياجماعه احسبوها معي

شخص اشترى سيارة جديده ، اذن السيارة الآن تتحكم فيه وليس هو من يتحكم فيها

واقصد انه لايستطيع ان يتجاوز سرعة معينه ولايستطيع تشغيل المكيف واذا كان فيها دبل

ايضاً لاايستطيع تشغيله ، يعني مغلق عليه كل شي ااااالى صيانة الالف كيلو .

يعني الرجل له وضع خاص ، وخاصة في اوقات الاجازة، وهذا معمول به حتى في الدوائر الحكوميه

الجوازات تعطل ، لكن هناك من يعمل لاستخراج جواز لمن هم لايستطيعون الانتظار للظروف خاصة.

الموظف يقوله تعال بعد العيد !! يعني الرجال ماراح يتعيد مع الناس ، بسبب صيانة ساعه !!

وبما ان بعض الاخوه الكرام تحدثو عن النظام ، اذن ليكون النظام حكم بيننا .

اليس من النظام ان تضع فريق عمل مخصص لصيانة الالف كيلو فقط ، ولايوكل اليه اي عمل آخر .

اليس من النظام اخبار العميل عند استلامه للسياره بأن يجب عليه ان يأخذ موعد للصيانة الالف

لا ان تنتظره في مقر الصيانة وعندما يأتي اليك تخرج له ابتسامة صفراء وتقول فين الموعد ياروح امك !!

اليس من النظام ان تفصل مهام الصيانه الكبرى عن الصيانه الصغرى .

اليس من النظام وضع أولوية التنفيذ ، كأن يقدم الاقل على الأكثر ، بمعنى ان سيارتي تحتاج صيانة

ساعة واحدة ، وقبلي بدقائق دخلت سيارة الصيانة وتحتاج الى سبع ساعات اليس من التخلف ان انتظر

ثمان ساعات وانا لا احتاج الا لساعة واحدة فقط !!

ماسبق لك ووقفت عند خباز تبغى حبة تميس وقدامك افغاني عازم افغان الحاره على وجبة عشاء

وبيشتري 30 خبزة تخيل شكلك وانت تطالع الخبزة تلو الخبزة وهي تطلع من الفرن وتروح في يد

الافغاني ثم ترجع عينك على الفرن وتقول اللهم اجعلها من نصيبي وماتلحق الخبزة تطلع الا وتروح ليد الافغاني ثلاثين مره ، وانت ماتبغى الا حبة وووووووحدة بس :a120(31):


اليس من النظام إعطاء العميل خيارات متعددة بدلاً من ان تفرض عليه الصيانة لديك وتنزع عنه الضمان

بمجرد عمل صيانة خارج مؤسستك !!

اليس من النظام وضع هاتف يجيب على استفسارات العملاء ، او تستخدم وسيله تذكيريه كإرسال رسائل

جوال الى العملاء ، تذكرهم بأخذ موعد للصيانة طالما انك فرضت عليهم الصيانة في مؤسستك !

والقائمة تطول .

نقطة اخرى مهمة يا اخوان :

البعض يعتقد انه بمجرد رفع صوتك والدخول في مشادة مع الموظف هي التي جاءت بنتيجة !

والحقيقة ان الموظف أجاب طلبك لسبب واحد فقط وهو خشيته من الشكوى الى الادارة العامة .

والا فهو يستطيع تجاهلك واكمال عمله ، فهو ليس شريك في الوكاله ، ولن تفرق معه سواء أشتريت ام

لم تشتري ، فراتبه ثابت خسرت الشركة ام ربحت .

قد يستغرب البعض ولكن ليس من رأى كمن سمع ، وانا وقفت على الامر بنفسي ، ووالله الذي لا اله الا

هو يااخوان ،اني سبق واشتكيت مدير فرع وكالة وليس موظف ، واتصلوا عليه من المقر الرئيسي في

وقت راحته ( الظهر ) واتصالي انا كان قبيل الظهر .

بعد العصر رحت للوكالة ، لقيت شغلي كله تم وعلى احسن مايكون ، ثم جاءني موظف وقالي المدير

يبغاك اذا ممكن ، طلعت للمدير الا المدير مختبص وحالته حاله - ماادري شكله جاه توبيخ من الادراه -

وقام يعتذر ويقولي ماله داعي كان ممكن نحل الموضوع بينا ، انا اليوم جاني اتصال ومسائله ومن شوي

جاني بعد ايميل من مقر الوكاله الرئيسي .

المهم مالكم في الطويله ، المدير كان يبغاني اذا اتصلو علي الاداره اقول لهم اني انا فهمت غلط وهم

ماقصرو معي وكان سوء تفاهم ! قلت ان شاء الله يصير خير .

المقصود يااخوان هم يخافون من الشكوى بس بشرط انك تكون على حق وكل شي توثقه مو بس كلام.

العميل على حق في كل الاحوال ، وبالنسبة للموظف اقول له يداك أوكتا وفوك نفخ ، فتحمل مايجيك .

احلا شي لما قال اكذب الياباني واصدقك
يعني معقوله احنا اهل الاسلام صرنا نوثق بغيرنا اكثر ونامنهم على نفسنا اكثر من اخوتنا بالدين

انت تعرف ايش صيانة 1000 كيلو؟؟

ترى ما تاخذ ولا ربع ساعه وتراها اهم صيانه لان الزيت يكون خفيف ولازم ما يقعد في المكنيه اكثر من كذا

واذا جاه السياره شي محد متعطل الا صاحب السياره نفسها, المهندس اللهم بياخذ له كلمتين ويروح يكمل شغله

الله يكون في عون الجميع

اللهم لك الحمد، الحقيقة شهادة لله من يوم ما بدأت أتعامل مع عبد اللطيف جميل في 2002 (الراف فور) إلى اليوم ما عمري سويت موعد لصيانة سيارتي ... ومن يوم ما شريت الفورتشنر ما عمري خليت السيارة عندهم أكثر من يوم على صيانة دورية، حتى لما دخلتها مرة قبيل العيد مع الزحمة وصيانة كبيرة 40 ألف، طلعت في نفس اليوم.

والله انا ضد الخ اللي مسوي صيانة الالف كيلو.

الواجب انه يوم وصل 800 كم يتصل على الوكالة وينسق له موعد .

ثم لنفترض ان سيارتي مثلاً ستفحص بعد قليل والأخ جاي ومسوي مشكلة ثم يدخلونه مكاني في الفحص ، هنا تكون الغميضة صح.

يعني المسألة تجي بالترتيب وما تاخذ كل حاجة بالهواش....

أنا إذا جيت عندج أحد لايمكن أرفع صوتي عليه أو أتبلد قدامه واجاوب عليه بنفس ردود الأخ...
ما دام ان المهندس قال لك تعال بعد فترة وما يهم خلاص انتهى الأمر وإذا صار حاجة تكون أبريت نفسك قدامهم.
الله يكون في عوننا وعونكم.

كلام سليم و منطق حكيم