السيارات الأمريكية المزيفة هل الخبر حقـيقة ( من يثبت الخبر ) >>> كحيلان 2010

انا اؤمن ان ما فعلته جنرال موتورز ماهو الا استبدال شاره هولدن بالشفر

واؤمن ان الكابرس استرالي

ولاكن وهذي المشكله ان الحب اعمى :ch19:

حياك اخوي
اولا مشكور على تجاوبك
ثانيا لو نجي ونتكلم بشكل عام السيارات الالمانيه تجمع ما بين تقنيات السيارات اليابانيه و قوة السيارات الامريكيه هذا شي ما احد يختلف عليه ابد
ثالثا انا ما قلت ان الامريكي احسن في التقنيات
لاني عارف ان الياباني افضل لكن ما هو ذاك الفرق الكبير يعني كل ما في الموضوع الموضوع ان كل المواصفات اللي ذكرتها انت في مثالك السابق ممكن اي شركه سيارات بالعالم تسويها
انا مثلا اقدر احط للسياره احسن نظام صوتي بالعالم و اقدر احط احسن زينون بالعالم و تخزين المقاعد بالذاكره مثلا موجود في الفورد الفايف هندر و كابرس رويال و غيرها من المواصفات
لكن تقدر تقولي السيارات اليابانيه تقدر تطلع محركات مثل محركات السيارات الامريكيه تعيش معاك 20 الى 30 سنه مو 10 سنين و تخبط..........ما اعتقد
السيارات اليابانيه تقدر تطلع ثبات و رساوه مثل رساوة السيارات الامريكيه :c0214: ما اعتقد الا ما رحم ربي
و اخر الكلام انا ما اقلل من مكانة السيارات اليابانيه و لا شي لانها سيارات مشهود لها بالتطور الكبير من جميع النواحي
لكن انا تكلمت في الموضوع بشكل عام و في النهايه تذكر ان الخلاف لا يفسد للود قضيه

HOLDEN-SS و ناصر
مشكورين على الردود و والله انكم ترفعون الراس صدق

صدقت والله ^^^^

أولا اذا بتقيس أن الكابرس واللومينا أستراليه بسبب أن صنعها بأستراليا
أجل المورانو من نيسان صناعه أمريكيه لانه مكتوب بالباب صنع في أمريكا
والموستنق اذا فتحت الباب هي الفكتوريا مكتوب صنع في كندا هل معناه كنديه ؟؟
هذي مصانع تابعه لفورد , مثل مامصنع هولدن بأستراليا تابع ل GM ويصنعون فيه الي يبون بالنهايه الشركه أمريكيه والفلوس تروح للشركه الأمريكيه

الشي الثاني تقول كابرس ولومينا مزيفه ومن هالكلام وأنهم ممشينها على الخليج ؟؟؟؟؟؟؟؟؟

الكابرس واللومينا تنباع بكل دول العااااااااااااااااالم وخذ امثله :
الصين : بيوك رود ماستر هي كابرس رويال عندنا
بريطانيا : لومينا موجوده بأسم فوكسهل CR8
المانيا : موجوده بأسم اوبل
أمريكا : موجوده من سنة 2003 بأسم بونتياك GTO هي الومينا كوبيه , ,G8 هي اللومينا الي عندنا , وبونتياك اليكومند هي الومينا الحوض وكلها بأمريكااا . وقريبا كابرس 2010 بامريكا بأسم أمبالا وكلها من مصنعهم بهولدن ..

بالنهاية هذي سيارات ترفع راس السيارات الأمريكيه فووق من ناحية منافسة المحركات في ظل تخلف بعض الشركات عن تطوير محركاتها الهزيله( 4,6 ) ..

وبالنهايه الي ماجرب لومينا وكابرس لا يفتي من رااسه .. وكل سياره جاها مشاكل في موديلات معينه وكمثال : الفياقرا مرسيدس ومشاكل الهدروليك الي ماتنتهي حتى وهي مامشت الا 20 الف >> خالي عنده وحده
لكزس 460 : ومشكلة البكرات بالمكينه وهذا عيب مصنعي أستدعى الوكاله تسحب جميع سيارات 460 وطريقة التصليح انهم يفكوون المكيييييييييينه >> حط تحت يفك المكينه مليون خط
فورد ماركيز ولنكون وكراون فكتوريا مشاكل المكينه والثلاجه البلاستيك الي تتعطل والموتر جديد ورجعوا صلحوها بعد5 سنوات وهم كانوا على هالعيب ..
كابرس مشاكل القير عام 2000 ورجعوا وصلحوها بعد 4 سنوات وانحلت مشاكل كثيره
التيما 2005 ومشاكل المساعدات وهذا عيب مصنعي ..
ووووو
الخلاصه كل وقت يجي مشاكل لسياره بعدها يتلافوها
وانا أملك كابرس SS 2007 بيمشي قريب ال100 الف ولله الحمد مافيه أي مشاكل الا مشكله ولاعة السجائر ماكانت تشتغل وصلحوها على الضمان وصلى الله وبارك ..

تحياتي

تقدر تقول لنا وش الخرابات الى صارت لك ومع الشكر

واذا على المواصفات صح الياباني حاليا فقط افضل لكن اول اسمحلي الامريكي هو الزعيم

الكابريس من موديل 72 وفيها مكيف ومراتب جلد ومثبت سرعه وغيرها كثير <<تقدر تجيب سياره يبانيه فيها زي كذا وبالموديل هذا ؟؟

ويمكن بعد فيها وهي اقدم بس الى انا شايفه موديل 72

والامريكي مواصفاته حلوه بس ماقدر يطورها مره

ولاتشوف اللومينا والكابريس فقط شوف الكدلك شوف غيرها من السيارات الامريكيه مو لومينا كابرس بس

شكلك ماشفت وين وصلوا السيارات من تقنية والأمريكي بعده محله :tongue:

تقدر تروح تشوف المازدا ٦ كيف تطورت .. والأوريون والانفنتي واللكزس بدون كلام
خلني بتكلم عن المازدا ٦ من تجربة .. كونها سيارة بسعر مناسب وتصميم رائع

-زينون متحرك مع المنعطفات.. اللومينا ولكابرس مافي للحين .. سيارة ب١٤٥ الف بدون زينون ههه
الرويال بس اللي فيها

-نظام صوتي ب١٠ سماعات من Bose واللومينا نظامها للحين تعبان جداً
سمعت انه موجود في الرويال بس ماجربته:tongue:

-حساس للمطر في الزجاج .. يعني مايحتاج تشغل المساحات من يجي مطر على الزجاج تشتغل المساحات

١٢ وسائد هوائية :bigggrin: :bigggrin:

-جودة التصنيع في المواد الداخلية افضل بمراحل .. وايضاً هذا كلام موقع توب جير
ومن تجربة مازدا ٦ موقفة في الشمس وفي صيفنا الحار الحمدلله ما اشتكت من شي.. اما لومينا اس اس موديل ٢٠٠٧ ههه ما يحتاج اتكلم:bigggrin: الديكور انفصل من محله وكل يوم مشكلة من جودة التصنيع

-النوافذ كلهم اوتو في الرفع والتنزيل :bigggrin: مع سيفتي لما تضع يدك النافذة تنزل

-ذاكرة في الكرسي لحفظ الوضعيات

- start engine وفتح السياراة بالبلوتوث يعني بدون مفتاح

اممم هذا اللي اذكره الحين :xyxthumbs:

يعني بس احب اقول ان سيارة مثل اللومينا اس اس .. مواصفات تعتبر قليلة بالنسبة لسعرها وجودة اعتبرها سيئة في المواد الداخلية مقارنة بالسيارات الاخرى..
وسوقها الأكبر في الخليج والسعودية بالتحديد:smile:

للعلم انا املك الماني ولا صار عندي ياباني من قبل ولكن صار عندي كابرس LTZ موديل ٢٠٠٠ وطلعت روحي وكرهتها مافي مشكلة ما طلعت فيها مع ان هي وكالة على موديلها ومعتني فيها..
والكلام كله من تجربة سيارات الشباب اللي عندهم لومينا اس اس ٢٠٠٧ ومازدا ٦ و اوريون

بالفعل... :)
انا معاك اخوي HaSaNeMo

الياباني اشوفه اقوى ومواده استهلاكية ومتماسكة وجودة ونظافة وتوفير !! :bigggrin:

<<من دعاية التايد ابو يد مثل بيت الدونات :bigggrin: << انكتم ياواااد !!

حياك اخوووووووووي..........
اولا هدي اعصابك لان هذا رأي و يخصني ممكن يتفق معي البعض و يختلف الاخر
ثانيا ممكن تتحفنا بهالتقنيات اليابانيه يعني بالعربي عطنا امثله ونشوفها موجوده بالسيارات الامريكيه و لا لا باستثناء اللكسز و الانفينتي طبعا

ههههههه :bigggrin:
اسمح لي
الامريكي اقرب للأماني ! والله ما اشوف شي قريب لا من جودة ولا تقنية:bigggrin:
الياباني شوف تقنياته وين وصلت.. تطور بشكل ملحوظ وكبير:xyxthumbs:
وقوة المحرك لا تدل على كل شي

صدقت
و السيارات الامريكيه اقرب لنظيراتها الالمانيه من السيارات اليابانيه

اخوانى حبيت اشارك بالموضوع وانا لا استعمل الكابريس ولا اللومينا ولا السيارات اليابانيه عامه بس بصفه عامه الامريكى وين ماتم صنعه فهو افضل من اليابانى لان الشركات الامريكيه تهتم بسلامه الركاب اولا من ناحيه الامان ولا كن الشركات اليابانيه تهتم فى مظهر السياره فقط وبعد دراسه واستبيان تبين ان الاكياس الهوائيه نادرا ماتعمل فى اغلب السيارات اليابانيه وهذه حقيقه واللى احب ان اقوله بان الشركات الامريكيه تعمل على سلامت الركاب بالسياره اما الشركات اليابانيه فهمها فى شكل السياره ومالها شغل بالر كاب لان السيفتى عند اليابانيين لاوجود له بس مجرد كلام والسموحه من الجميع

حبيت اضيف ان صناعة بعض القطع للكابريس واللومينا 2000 وما فوق هي كالتالي:

البواجي مكتوب على البوجي الاصلي صنع في اليابان

مراوح التبريد الكهرابائية مكتوب عليها صنع في اليابان

دينمو الكهرب ( الشاحن) صنع في اليابان

نظام الabs والكتاوت صناعة المانية

فاللي مو مصدق يقراء اللي مكتوب على القطع الأصلية 0 مع تحياتي للجميع

ياهلا اخوي قناص

أتمنى اخوي ناصر و أخوي أوريون فضي افادوك
وإذا تبي الدليل بكل بساطة تقدر تروح أقرب محل قطع غيار مضمون وتسأله عن الأجزاء الأساسية وش صانعتها .....!!!

نعم المصنع الرئيسي هو هولدن- جي ام استراليا
وهذا ماشوف فيه اي مشكلة دام المالك هو جنرال موترز ان شاء الله يصنعونها في تايوان :bigggrin:


تحياتي ،،،

يا اخي الكريم
المكينة من شركة جي ام تسمى LS1
وكذلك القير
والفحمات
اما بالنسبة للتصميم فهو استرالي وكذلك المواد الداخلية من ديكور وغيره
وبالنسبة لظام الفرامل فهو الماني
وحكاية استرالي
عندك الكامري من 98 وطالع استرالية ولا احد اشتكى منها
والكابرس كذلك من موديل 2000 وطالع استرالي عشان تكاليف اليد العاملة ارخص في استراليا

ووالله العظيم لان الكابرس الي تجي من استراليا افضل من الكابرس الي كانت تجي من امريكا
فيها مواصفات وقوة لو توفرت في السيارة الامريكية لما استطعنا شرائها

^^^^^^^^^^
ايه نعم عندي الكمبروسر امريكي

الفلتر حق القير امريكي

المقص امريكي وعلى ختم GM وايضا الفحمات

والدفرنس امريكي

هاذي الاساسيات وغيرها كثير

اما التجميع لا استرالي زي الاسلاك التوصيلات الديكورات الجنوط والاكسسوارات هاذي كلها استرالي