هل تشغيل المكيف أو اطفاءه أثناء سير السيارة يشكل خطر على السيارة

Rapture @user_151151 · 10-05-2009

هلا شباب ,,,,

الى المختصين والفنيين , نقاش هادف, هل تشغيل المكيف أو اطفاءه أثناء سير السيارة يشكل خطرا عليها , عن نفسي ما اشغل المكيف أو أطفيه الا وهي واقفة , ما ادري هالشي هذا وسوسة أو اجراء صحيح؟؟

واللي صارت له قصة ما يبخل علينا:ch19:

ابومعزي @user_169977 · 15-07-2009

من الأفضل إيقاف أو إبطاء سرعة السيارة قبل التشغيل ..

volvo-4-ever @user_167777 · 15-07-2009

صحيح تشغيل المكيف اثناء السرعه العاليه يسبب تلف الكلش للتبريد وايضا اطفاؤه واعتقد انه ما في ينجبر على ان يشغله او يطفيه وهو ما شي الافضل ان اركن السياره او اخفف السرعه مادون 80 واشغله والله يستر علينا وعليكم جميعا ويبعد عنكم عطل المكيفات بهذا الجو

منيف الحربي @user_156293 · 15-07-2009

والله يااخوان اول شي احتمال يضرب الكمبرسر اذا السياره المانيه

واذا امريكي او تويوتا يقطع عليك السير

ياخي مانت خسران شي توقف اقل من دقيقه وتشغله وتتوكل على الله

المكس الضبابي @user_69291 · 29-05-2009

اكيد مثل ما ذكر بعض الاخوه .. ضغط الفريون والزيت كلها واقفه .. مجرد ما تشغل الكمبرسور على سرعه عاليه يضطرب الكمبرسور واحتمال يخرب ...

كأنك تشغل السياره وهي بارده وتدوس عليها .. وش الاحتمالات الى تصير بالمحرك ؟

وبالنسبه لأطفاء المكيف وهي تمشي ما اتوقع ان فيه مشكله ...

بالنسبه لبعض التعاليق الى تقول انه مثل ما يشتغل المكيف ويفصل نفس الحكايه ..

انا اقول تختلف .. لان الكمبرسور عارف مستوى ضغط الفريون ويشتغل ويطفي على الحساس

وشكرا

سوسو2008 @user_129530 · 29-05-2009

ينقطع السير عليك زي ما صار مع واحد اعرفه معه سوناتا وهو راعي قومات وسرعه وكلما شطفته سياره وخاصة كامري طفى المكيف ولحقها واول ما يقوم عليه يشغل المكيف حتى لو يمشي 200

ما طول معاه السير اول تشييك عند الوكاله غيروا له السير علما بان السياره كانت ماشيه حول 15 الف جديده يعني

العسران @user_162277 · 28-05-2009

اكيد فيه ضرر لا تضغط كلتش ولاش وقف وشغل مكيف

Dr:x @user_141710 · 28-05-2009

انصحك انك لاتشغله والسيارة مسرعه
اذا كنت على خط سريع جنب وشغله ماراح تخسر شئ

فابري @user_159929 · 17-05-2009

والله معايا زوم 3 اشغل وقت ما ابي واطفيه ولا صار شي المكيف عال العال يطربني ":tongue: " بس بعدالعصر لين الفجر اما الظهرية لو تلاجة موتى تذوب "

Rapture @user_151151 صاحب الموضوع · 13-05-2009

معظم الردود تتفق معي

جراندي1 @user_159994 · 12-05-2009

السلامُ عليكم
طبعاً يخترب وصارت معاي مرة شغلت المكيف والسيارة ماشية وضرب عندي الكمبريسر .
والسبب حسب ماقالي المكانيكي ان المكيف يشتغل عن طريق عركة الماكينة ولمن يكون الكبريسر بحالة الايقاف وانت مسرع تجي تشغل مرة وحدة يسبب عطل في الكمبريسر

مع جزيل الشكر

صقر السعودية @user_96219 · 12-05-2009

نعم هو يضعف المكيف مع الزمن

وممكن ينقطع السير اذا شغلته وانت مسرع

الاستندر999 @user_76800 · 12-05-2009

والله انا اعرف واحد ربيعي كان يمشي ع سرعه عاليه وظفي المكيف وشغله اخترب الكمبروسر

فني سيارات @user_8460 · 12-05-2009

تشغيل المكيف واطفاءة مع السرعة لايؤثر على السيارة او على المكيف بالمره لان المكيف يريح ويفصل بنفسه على السرعات العاليه حتى لو انت ما طفيته

زنكلوني @user_57677 · 11-05-2009

أنا معاي فورد إكسبلورر 2005 شغلت المكيف وأنا ماشي 120كم برد لين وصلت واليوم الثاني أحاول أشغله مشتغل وديته عند الفني وقال أمن كمبروسر حقك شرائح ماهو بستم مثل القديم يعني يخرب وهو ماشي 60كم واكثر
والضاهر للفورد بس وأتمنا ذلك وسلامة مكيفاتكم جميع

أمير البحار @user_49060 · 11-05-2009

بعدا دراسات طويل وجدنا ان الكمبريسر يخترب ادا شغلة في سرع عاليه لان ضغط الفريون يختلف عن ادا كان شغل ثم فصل يكون ضغط الفريون عالي في جميع دورة التبريد وكن لو كان شغل وفصل فان الضغط يكون موزع الى جزيان جزء على رديتر وجزء كمبرسر

bilany2003 @user_19836 · 11-05-2009

شباب ايش فيكم؟

الفني حط موضوع قبل كذا وقال ما يؤثر تشغيله حتى وانت ماشي لان الكمبروسور يفصل ويشبك حتى وانت ماشي فوق 200 يعني عادي هو مصمم انه يشتغل كذا اصلا والكلتش حطوه ليش؟

ليش كلتش اصلا وليش ما يكون ترس؟؟؟

الكلتش فيه نسبه تفويت يعني يمسك وفي نفس الوقت يفلت الين يوازن دوران الكمبروسور بنفس دوران المحرك

حمد الروقي @user_156953 · 11-05-2009

السلام عليكم

بنسبه للمكيف يشكل خطر على السياره وهي تمشي160 كم كان معاي فكسار 2002

وشغل واحد من العيال المكيف فسمعت صوت ولما فتحت الكبوت لقيت السيرمنقطع والليات منفجره لاني شغلت

مكينه فوق مكينه ثانيه
شغل المكيف وهي تمشي 180ولا يجيها شي لاني افصل القير من السياره يعني افضيها وينزل الضغط الى 1 ثم اشغله
وبالنسه للتطفيه لو الموتر يمشي 200 مافيه اي مشكله
لاني فصلت مكينه عن مكينه ثانيه

عطل طارئ @user_50537 · 11-05-2009

تشغيل وتطفية المكيف والسياره ماشيه فيه ضرر على المكيف والسياره
بشكل كبير............

راقي طعس @user_154969 · 10-05-2009

يعدم عليك كلتش المكيف او مايسمى بالترس

كان معي اكسنت ماعدمها الا اني اشغله وانا ماشي

بس ياهو صبور ماشاء الله .. سيارة الصبر