ماذا تفعل لو صدمت سياره وصاحبها غير موجود ؟

يا اخي حتي لو هاذي سيارته ومهما كان شنو يسوق لازم تعتذر له

هلا اخوي
انا قصدت سيارات مثل الكرسيدا وكذا
وهي واضحة لما تشوف السيارة من الداخل من الزجاج

يا اخوي مو كل واحد عنده سياره قديمه حالته سيئه في ناس عنده فلوس وتحب السيارات القديمه فتلقاه مهتم فيها وينظفها ويعدلها وكذالك نفس شي هواه القديم الفاخر وهاذا ابخس ان تحط رقمك لان سيارته تحفه نادره ويسوي اقتنائها مثل المسل كارز والامرسيدس والكادلك واليونتيك والولدز والي اخره لان ها\ي السيارات نادره الان فانت لم تدعمها وما تحط رقمها ينزعج حاله حال غيره

انا مادقيت
دايما اندق :mad1:
طبعا وانا في السيارة
والحمد لله سامحتهم ولو ان وحده من الدقات كلفتني اكثر 2000 ريال !!!! ومع ان الاخطاء عليهم
انا مو مقهور الا من دقت شايب لف علي بدون اي سبب :mad1:
كان بجيب وسيارتي صغيرة
ولما شفته وشفت حالته قلت الله كريم


بس بصراحة اللي استنتجته من الردود
اذا اللي دقيته سيارته قديمه وباين ان صاحبها احواله سيئة لا تحط رقمك واذا سيارة حلوه خاصة الفارهة حط رقمك

امزح

انا بالنسبة لي باكتب اعتذار في ورقة وباحدد وين مكان الصدمة بالضبط وباترك رقم جوالي فيها اذا يامرنا باي شي ، وباترك له الورقة هذي على المساحة

انا صدمت راعي لكزس ال اس موقفه قبل ٧ سنين، بس انحشت من الربشه وقتها،

وشلون ابري ذمتي؟

عليكم السلام

هي تعتمد على ...

أنا غلطان ... أصلحها

هو الغلطان ... ما أصلحها

الصدمة قوية ... أصلحها

الصدمة خفيفه (خدش صغير) ... ماتسوى خاصة اذا كان هو الغلطان

الحمد لله ماصدمت سياراه صاحبها غير موجود

اللي يصدم سيارة واقفة ويهرب الله لايوفقة ويشوفها في حلاله :a1120(82):

والله مدري اذ مشيت حرام بس اذ قعدت بتورط

اكيد اصلح سيارته دام انا غلطان ومايسوى علي يوقفوني يوم القيامة للحساب امام كل الناس بسبب كم ريال

لو هريت منه .. أين أهرب من الله ؟؟؟ سأنتظر حتى يأتي واشوف طلباته واعتذر له .

مشكور اخوي على فكرة الموضوع

انا بالنسبة لي بحط رقم جوالي وهو ونصيبة ^_^

ربنا يعافينا ويعافيك من الحوادث يا رب

انا صارت معي مرتين , مره في سيارة الوالد طبعاً قلتله بالتلفون و المره الثانيه صاحب السياره ما كان موجود و السياره مغطايه بالكامل شحفتها و انا راجع بالسياره و بعد ما انتبهت عليها حطيت رقمي على ورقه و حطيته عالسياره و كتبت في ورقه ثانيه رقمي و عطيته للبقال و قلتله اذا شفت صاحب السياره عطه رقمي و اتصل صاحبها قالي السياره ما تضررت الحمدلله .

# شخصياً اتحمل الحادث

قبل اسبوعين بالثانويه طالع منها وموقف في مواقف المدرسين زحمه
طبعا وقف جنبي تاهو طويل طبعا وقوف طولي جنب بعض وانا راجع
مرايتي حكت في اخر الرفرف حقه وطلع لون اسود 5 سانتي
وارجع شوي شوي شوي والا هو شافني يقول تعال مطوع قال ليه قلت انت ملحم جنبي
وقلت ترا تروح تلميع قال لا يبغالها رش ضحكت قلت الصبح بكره بتاخر زي كل يوم
وبلمعها واحلى صوت سحبة سيفون ههههههههه

الحمد لله ماصار معي شي زي كذا

لو حدث ذلك انتظر الشخص الى ما يأتي او اترك رقمي
اسوء شيء لما تكون بمواقف طوليه اسواق او مطاعم او اي مكان اخر
ويجيك شخص يفتح الباب بكل قوه ويضرب سياراتك

للأسف انا اول مرة دعمت فيها كنت عند اشارة, و صارت خضرا و جدامي حرمة تسوق يمكن يوكن او تاهو ماني ذاكر, و فجأة تروح يسار بدون اشارة او شي, و اخبطها من الجنب, و انحاش..

ثاني مرة في همر يرجع قاري من مصفط و انا سرحان و اهو مطنش ام الدنيا, جان اخبطه بواحد و انا مرايتي اللي على اليمين تصكر, و انحاش, يوم صفطت لقيت المدقر داخل شوية..

ثالث مرة و انا بمصافط سيتي سنتر بصفط و كنت توني قاعد من النوم و مو شايف, جان اصفط بالغلك و ادعم يوكن من الزاوية ورا, و بسرعة انحاش و اصفط بعيد, عاد الحمدلله ما صارلي شي بس اهو عنده الدعامية اللي ورا شوية من الزاوية داخلة لداخل شوية
بس العبرة اني ناحش وايد :P