التويوتا مثل المرأة الثريّة الغير جميلة !

السبب في ردائدة مواصفات التويوتا هو محمد عبداللطيف جميل.

ياشباب تويوتا ما تحتاج أحد يدافع عنها أو يشرح قوتها ،، قوية و لها مكانة و رائدة

الكلام مو على تويوتا الشركة ،، البلا عندنا من أبو جميل


شفنا مواصفات ستاندرد في بعض الدول خصوصا في نواحي الأمان هنا يادوب تنزل على الفل ،، يعني المشكلة ماهي في تويوتا المشكلة في ابو جميل

و في الأول و الأخير كل واحد حر في اختياره و التويوتا حتى لو صنعت في بنغلاديش مو تايلند راح تبقى لها معايير هندسية تخص الشركة بغض النظر عن مكان التجميع أو التصنيع

صحيح الجودة غالبا أقل و هذا ضمن سياسات خفض التكاليف لدى معظم مصنعين السيارات

الخلاصة : أنا لا مع و لا ضد ،، ولكن أعارض النصب و اسلوب الاستغفال عند أبو جميل

و تقبلوا تحياتي

^^^^^
هذا الكلام الي احاول اوصله لهم من زمان

كل واحد يشتري اللي يريحو وكل واحد يتعلم من جيبو
وكل واحد حر في نفسو
لولا اختلاف الاذواق لبارت السلع

^

اختصر السالفه

بشعار تويوتا بـ 300 الف

اشتروووه

ورفعوا راسهم على باقي الشركات

عادي توقع اي شي منهم .

حتى لايكون هناك خلط بين المقارنات وبين الموضوع
اقول ان ملاك تويوتا بشكل عام هم/
1- لايعرفون مواصفات السيارة التقنية والرقمية
2- لايهتمون بمستوى الراحة والاداء المميز
3- لايحترمون السيارات الاخرىبل ويحتقروها
4- ليس عندهم القدرة على ابدا مقارنات امبريقية وتقريرية بين سياراتهم وغيرها
5-مستحيل ان ينتقدوا اي عثرة او عطل في سياراتهم وكانهم هم الذين صنعوها
6- وفي الاخير اقترح ان يكون سعر البرادو 300 الف والهايلكس 140 الف وفورنتشر ب 200 الف واللكزس 570 ب 1200000 ريال واجزم ان يمسكون عليها سرا

:xyxthumbs:

الرجال شكله كداد خطوط يوميا ولوموزين بنفس الوقت

ماتدري

بس لهالحد ماصدقت .. معقوله الكوري اعجاز :bigggrin:

وهذي النترا يابعدي الموديلات الجديده

شف هالصوره

شكله نفسه ذا :bigggrin:



سوناتا

أخوي ما فيه سيارات ثانية يابنية وأمريكية؟؟

لكن عين المحب لا ترى إلا حبيبيها

وعن عيوبه مغمضة عيونها

هههههههههههههههه :bigggrin:

يـلا نستخـدم العقل مره ثانيه لانها بصراحه نشبه في حلقي وابي ابلعها بس ماقدرت ..



السياره اعلاه اتوقع انها إلنترا او سوناتا مادري بالضبط ايش .. المهم :

والصورة هذي اتوقع شفتها قبل كذا بالنت يعني مو بجديده بس مو مشكله نحسب

مادري هي السوناتا اتوقع العداد حقها اللي كذا بدأ من 2008 ولا الالنترا 2007 ؟

نقول النترا و موديلها 2007 أول شكل نزل نحسب 7 - 8 - 9 - 10

11 دوبنا دخلنا فيها ماتحسب :

مليون قسمة اربع سنوات = 250000 في السنة

250000 قسمة 12 شهر = 20833 في الشهر ..

20833 في الشهر قسمة 4 اسابيع = 5208 في الاسبوع

5208 في الاسبوع قسمة 7 ايام = 744 كيلو في اليوم

744 في اليوم قسمة 24 ساعه = 31 كيلو في الساعه

السياره ماتوقف في اشارات + ماتوقف في الزحمه ولا عمره طفاها من يوم ما شراها + وكمان ماعمره نام من يوم ما اشتراها :smilie16:

+ الصوره من فترره في النت ونا متوصي فيكم وحاسبها من نهاية 2010..

انا مابي اكذبك ياعزيزي ممكن أنت ناقلها بطيب نيه بس ابي اكذب الغبي اللي لاعب في العداد ومنزلهـا ..

هو صحيح عنده موهبه لكن دلخ في نفس الوقت :xyxwave:

^

والله تصدق مثلك ملاحظها

بس جيوب الباترول اللي تتهربد

لكن الجديد ماندري عنه

بالنسبة للجمس إلى 91 بنظري أفضل من الأند و الياباني بشكل عام إعتمادية و قوة تحمل و راحة لا تقارن بالياباني

ولكن بعد موديل 92 تغير الوضوع و بدأ الياباني يسيطر و أتفق معك تمامآ بالأمريكي القديم لا يعلى عليه

مسالة هربدة النيسان الناس تردد دائمآ هذا الكلام و تأكد بنفسي بعد مقارنة سيارتين من نفس الموديل و الفئة باترول ولا ند كروزر كلها سياحي موديل 2004

نفس الأستخدام عندنا بالعمل الغالبية العظمى جيوب و كلها باترول 4500 و 4800 و لاند جي الفرق كبير جدآ النيسان تم توضيب أغلبها و قيادة السيارة تختلف تمامآ . و حاليآ أستخدم باترول 2010 الشكل القديم ماشي 4000 كيلو في مشلكتان باب السائق يتحرك من مكانة من المطبات أول مره أشوف سيارة بهالشكل و قرقعة تحت عندما تكون السيارة بنمرة كبيرة و بسرعة أقل الحسنة الوحيدة عزم المحرك فقط لأنه 4800

كلامي هذا للإحاطة فقط لا أتكلم من فراغ و لا أقنع به أحد .

الهدد يباع بأغلى الأثمان و أسعاره خيالية و ما أتوقع أنها من فراغ لأنه يستاهل

أطيب تحية

انا احمل بالشنطه

ما احمل بالديكور الامامي خصوصا والمراتب !

تصدق حتى ماعمري جلدته بالبر ولا اسرعت ولاعمري سحبت احد الا نادر جدا

الجمس احيانا عزبه البر تجلس شهر ما انزلها

وماغير تزحف تضرب الديكور لارحت يمين ولايسار

لو قلت شوارعنا ارحم لان مراتبه خفيفه جدا والراحه شبه معدومه فيه ومع المناقز صار اللي صار

صادق أخوي الموزعين أرخص من الوكالة , بس الناس بالعادة تعتمد على تسعيره القطع من خلال سعر الوكالة , وهم يقولون تويوتا أسعارها رخيصه وأنا أشوف العكس تماما

الحين التاهو اللي معي أسعار قطعه بالوكالة صحيح مرتفعه بس الوكلاء المعتمدين أسعارهم تنقص عن سعر الوكالة بحدود 40%

محلات النهدي موزع معتمد و عندهم قطع ممتازة واسعارها رخيصة ودرجات


جرب تروح لهم بتحصل قطع رخيصة لسيارات تويوتا

تصدقون واحد من الشباب البارح (عهدة الكلام عليه)

يقول أخوه شاري أنوار للهايلكس حقتهم حبتين بـ 1450 ريال

والوالد شاري مرابه جانبيه بـ 750 ريال

والغريبة الناس تقول قطع التويوتا رخيص , فما أدري كيف أجمع بين الكلام

اخوي لحن المشاعر لاتزعل مني ولكن كيف ما تبغاه يطلع اصوات وانت تحمله معروف ان التحميل على السيارة هو الي يدمر السيارة !!! ولا تزعل مني مجرد رأي

^

وغير اليوكن كذلك , 90 % من الامريكي تقريبا مثله وان صار اقل يبقى افضل

عمره قصير طيب هذي وجهه نظرك

لكن شوف السوبربان والجمس الحوض موديلات 80 والـ 70

تكرف كرف بشوارعنا .. وامسك خط مكه يجيك سوبربان من هالموديلات يمشي من عندك 160 !

وانا صراحه احط اللوم على الوكيل نعم

تبي الصراحه كثير اعرف معهم نسيان

اركب معهم دائما .. ما اشوف شي اسمه هربده واستغرب جدا من كلامكم هربده وهربده

صحيح الباترول القديم فيه هربده , واتوقع نسبتوها لنسيان كلها

ولد خالتي معاه صني قديمه موديلها الظاهر 99 اتو

يقول ابيها تخرب بشري غيرها

ماشاء الله تكرف هذا اولا

هربده مافيها

معي هدد والله الشاهد على كلامي اني محافظ عليه اشد المحافظه ماشاء الله

لاكن احمل فيه دائما واكرفه

اصوات الديكور .. اصوات المراتب .. اصوات الابواب

انوااااااااااااااع الازعاج .. وهربده ماهي معقوله داخليا

هذا غير الخارجي فيه اصوات صرصره

وانا معي الصني 2011 بشوف بعيني هالوكيل

مع اني من اللي شفته حتى الان كل شي اوكي منهم .

*النيســــــــــــــــان فيها / أقل ماهو هربدة + وكيل سيء + ينزل بقيمتها الكثير عند إعادة البيع

*السيارات الإمريكية فورد كراون فيكتوريا بعدد 2 إيرباق مثلها مثل الكامري

*السوناتا 2011 ستاندر بدون abs و إيرباق واحد لسائق و تأكد بنفسك

* إذا ماحطيت اللوم على هيئة المواصفات أحطها على من . . . . ؟ ؟ ؟ على الوكيل مثلآ !!

* عندك اليوكن ... شوف يالحبيب أنت معجب باليوكن و تشوفه توب التوب صحيح شكلة هيبة و قوة محرك و راحة و رفاهية بس أنا أشوف عمره قصير و يحتاج عناية أكثر مقارنة بالتويوتا

وجهة نظر خــــــــــاصة