تفوق الساموري الياباني GT-R على 10 من منافسية في مره واحده

وفي تجربه البورش لاحظت من الكمره الجانبيه ان البورش كان متقدم على الكورفت قبل لا يدعسون !!!!!

وهاذا اللي خلى انطلاقتها شوي سيئه عكس مع الجيتي طبعا كلا التجربتين كان الكورفت بالقير الثاني وعلى سرعه قليله جدا وهاذا يعطي فزتها بطئ شديد

والجيتي ار اصلها من ال0 اما دحدره حتى فزة ماتقدر تسقط على الزد ار ون

وانا اعيد واكرر لو راعي الكورفت مقوم بواحد صدقني ماراح الجيتي يشم ذراه لان بتكون التغيرات حاميه

الرجال يمشي 50 وحاط الموتر بالثاني :bigggrin:

انا مادري وش يبي بالضبط من ذي الحركه

على العموم التفوق للزد ار ون من جميع النواحي

تحياتي لك

http://www.assayyarat.com/forums/thread247606.html

^^^^^^^^
الكورفيت في تجربة البورش جاب 255 وفي تجربة الجي تي ار جاب 260

اعتقد دا برهان على انه انطلق قبل الجي تي ار ولو كان باجزاء من الثانية لكن برضوه في السيارات دي تفرق خصوصا لو كانت المستويات متقاربة
ويايت ترجع وتشوف تجربة البورش كيف انطلقت الكورفيت بسرعة ووصالت تقدمها
بعكس الجي تي ار انطلقت بسرعة بعد كدا نشف ريقها الين ما طلعت
وبرضو البورش اكلت مسافة اكثر من الجي تي ار لكن عدو من الكمرة الي بعد خط البداية مع بعض بعكس الجي تي ار عدت بعد الكورفيت رغم انه معروف فزة الجي تي ار اقوى من البورشات والكورفيت


وقلت لك خلاص انتهينى وحده بوحده لا تجي تتحجج بالار بي ام انه على 2

عزيزي ركز على الكمره بعد القومة تكلموا اليابانين بعدين جابوا التجربه كامله من داخل كل سياره منهم

وفيه كمره مخصصه كانت على ضغط الاربي ام والطبلون للجيتي ار والكورفت ايضا

ركز على اخر المقطع الله يرضى عليك ولا تناظر بداية القومه

وبعدين يا اخي كيف حكمت ان الكورفت دعس قبل الجيتي !!!!!!

الموترين دعسوا مع بعض

ولا فيه اي شي يشهد انه داعس قبل او بعد

افرض اننا نقول ان الكورفت داعس قبل اوكي

تجربة الكورفت مع البورش جابت 250 كيلو تقريبا مع العلم ان الانطلاقه كانت ممتازه

ومع الجيتي ار نفس الكلام لو ان الكورفت دعس بدري مثل ماتدعي هل بجزء اجزاء من الثانيه راح يفرق رقمه

من 250 كيلو الى 260 كيلو ماتوقع يالغالي

لان الرقم قوي شوي

وبعدين وش دخلني بواحد من عشاق الشفر

خلاص قال رايه يعمم على اراء جميع عشاق الشفروليه

كل واحد ورايه

انا وش دخلني فيه

تحياتي لك

^^^^^^^
ياسيد افهمني انا ما قلت الجي تي ار اقوى من الكورفيت على السرعات العالية

وازيدك من الشعر بيت الجي تي ار برمجتها مو للسرعات العالية واكبر دليل شوف كيف بعد البرمجة تعطيك اداء مجنون في الخط


بعدين الجي تي ار كان على 3 وانتا تشوفه فوق 3 بشوية عشان الكمرة كانت في اقصى اليمين
وانتا لو ركبت جمب واحد طالع في عداد سيارته خصوصا لو كان صغير وادا كان ماشي 100 بتشوف العداد بعد 100 بشوية عشان زاوية النظر بعيدة


ولسى ماجبت تفسير على كلامي بس مو مشكلة
تفسير كلامي الكورفيت انطلق قبل الجي تي ار باجزاء من الثانية واعتقد شهد على كلامي واحد من عشاق الشفر وقال (برهنت كلامك يا اخ وليد التصوير من داخل الجي تي ار)
وغير فرق السرعة للكورفيت بين التجربتين

ارجو انك ما تتحجج بالار بي ام لان فيه شي لمصلحتها

عموما كدا انتهينا وحده بوحده
الكورفيت كان على 2 وانطلق باجزاء من الثانية وبشهادة واحد من عشاق الشفر
الجي تي ار كان على 3 ووضع النمرة احسن من الكورفيت

يعني خلاص وحده بوحده اعتقد انتهينى

كيف تحكم على سياره سوبر كار من 0 !!!!!!!!!

ردينا على طاري ياللي :smilie16:

بالله موتر مثل الكورفت كيف تحكم عليه من ال0

اذا موترك مايقدر يصمد الا على 200 كيلو بعدين يخمد هاذا شي يراجع له

واعتقد ان من العيب ان يسمى سوبر كار دام ادائه الى 200 كيلو فقط !!!!!!!

السوبر كار لو صنع علشان حده 200 كان ماطوروا الثبات والانسيابيه والعزل وووو.......الخ

وبنسبه للاربي ام الجيتي ار كان على 3 ونص وقت مادعس وشفته زين

يعني حول 4

اما انك تقول ان الار بي ام حق الكورفت على 4 وبالقير الثانيه وعلى سرعة 50 والموتر اصلا على 2 ار بي ام هاذا ماتمشي خخخخخخخخخخخخخخخخخ

والله مشكله اول مره اشوف سياره سوبر كار حدها 200 بعدين تطفى

جب لي سياره سوبر كار ذات اسم وعراقه ماتجمل بعد ال200

مافيه

وعلشان كذا اكثر السوبر كار دفع خلفي

علشان يطلع مافي بطنه في السرعات العاليه

وانا فهمتك وفهمت غيرك الجيتي مخصص للمنعطفات

يعني بالله دفع رباعي وتبيه يشلخ مواتر سوبر كار على سرعات عاليه

مافيه امل يصير ذا الشي

وياليت تتقبل الامر الواقع

تحياتي لك

حبيبي شي طبيعي لو كانت المسافة اطول كان راحت الكورفيت اكثر والاسباب انتا عارفها


طيب ابغى اسالك لو كانت القومة ومن الصفر
كان ممكن تنقلب النتيجة واعتقد انتا عارف قوة الجي تي ار من الصفر
لان دحدرة وما كانت النتيجة بعيدة من بعض كيف لو كانت من الصفر

والجي تي ار كان الار بي ام على 3
ليش انا ما عندي عيون اشوف وياريت ترجه تركز مرة ثانية في الدقيقة 7:03 راح تشوف الار بي ام على 3

الجيتي كان الاربي ام على 4 ولا ادري وش كان عليه القير بصراحه

لاكن لو تلاحظ بعد مابدل الموترين اربعه طار ويوم عشق الجيتي بالسادس والكورفت بالخامس الكورفت كان يبعد اكثر واكثر

يعني كان بأستطاعت الكورفت ان يكون عندها قير زايد اللي هو 6

وراح تكون النتيجه اعظم واعظم

وانا زي ماقلت لك لو انه مقومة بالاول كان شفت النتيجه اعظم واقوى

تحياتي لك

طيب والجي تي ار كان الار بي ام على 3 نفس الهرجة قومها بنمرة ميتة

بس لسى ماجبت تفسير لكلامي ليييش الكورفيت انطلق بسرعة واول ماشبك القير الثالث الي هو عز الكورفيت نشف ريقه الين طلع


وبعدين اية مواصير تتكلم عنها
المسافة كانت 3 سيارات بالكثير

حسستني انها اكلت عامود من الكورفيت

لو الكورفت كان حاطه بالقير الاول كان انطلاقته اصبحت اقوى

وبعدين ليش الكذب

انا شفت الاعاده وتأكدت

الاربي ام كان على 2 للكورفت كيف تقول 4 !!!!!!!!!!!!!!

والزد ار ون لو قومة بالاول كان شفت مواصير اقوى

تحياتي لك

^^^^^^^
طيب لسى ماجبت تفسير للكورفيت انها انطلقت بسرعة من جمب الجي تي ار وبعد ماشبك القير الثالث نشف ريق الكورفيت الين طلع

وبعدين التصوير كان من الكورفيت من الصفر وبدت القومة والاربي ام على 4 تقريبا

انا قايل انها ماتكسره !!!!!!!!؟؟

تقدر تكسره بس مو اسرع من المنافسين

وانا اتحداك بالكلام ذا

تحياتي لك

تبي تقنعني ان قير الكورفت بالثاني وهو ماشي 50 الضغط على 4 !!!!!!!!!!!!!

اجل وشوله حاطين القير الاول !!!!!!!

مع العلم ان القير الاول يتحمل فوق 100 كيلو

ناظر هاذا المقطع وبتتعرف على تحمل القير الاول لديها وناظر اختلاف الارقام في التسارع يوم بدل بسرعة من القير الاول الى الثاني في سرعة قليله جدا


بعد ماجربها بالقير الاول الى فوق 100 كيلو حقق رقم غير عن ال5 ثواني في التجربه الاول

http://www.youtube.com/watch?v=Vb6u9BMuLMo

هاذا توضيح فقط

تحياتي لك

طيب حتى الجي تي ار تكسر جاز 300 كيلو وهي ستووووك

حبيبي هو قام من الصفر بالثاني وتقريبا وصلو خط البداية والار بي ام على اربعة او اربعة ونص

غير دا ارجع ركز في المقطع وخاصة في التصوير من داخل الجي تي ار بتشوف الكورفيت قدم بسرعة بعد كدا نشف ريق الكورفيت الين ماطلع ابغى منك تفسير للكلام دا

ياهلا بك اخوي فواز وماشاء الله كيف عرفت اسمي :bigggrin:

وبنسبه للاوزان وغيره صحيح الوزن لصالح الكورفت بشكل كبير

لاكن الشواحن لصالح الجيتي ار

والدفع لصالح الجيتي ار

والاحصنه لصالح الجيتي ار بفرق 30 حصان

اعتقد مهب فرق بسيط يالغالي

مع ان واثق تمام الثقه لو كانت المسافة اكبر راح تكون النتيجه غير

وزي ماشفت الفيراري كان ناشب في الجيتي وكان قادر يقصه

والسبب انه قدر يقوم معه من 0 لان محركه خلفي عكس المنافسين وهاذا يولد ثقل على الكفر الخلفي مما يجعل السياره تنطلق بشكل اسرع وافضل

اما المنافسين الsls والزي او سكس والكزس وغيره جميعهم لو تلاحظ محركها امامي والدفع خلفي

وهاذا اللي خلى انطلاقتها بطيئة جدا من 0

هي عوامل ياعزيزي

لذالك السوبر كار لاتستطيع ان تحكم على ادائه في الربع ميل فقط

لان يجي بأشكال وانواع

وكلنا نعرف ان السوبر كار لم يصنع ليمشي 200 كيلو اللي هي مسافة ربع ميل

ولا ليش طوروا الثبات والانسيابيه والتصميم ووووالخ !!!!!!!!

بل ليكسر حاجز 300 كيلو


تحياتي لك

احلى سبب :xyxthumbs:
وجهة نظرك ونحرتمها
شاكر مرورك



اهم شي وضحت الصوره اخوي
نورة الموضوع



اهلين نايف
عارف انو موجود ومن مده لاكن فيه اعضاء زيارتهم
لقسم الفديو قليل وحبينا يشوفوا المقطع لان الكثير ماشافو
اخوي نايف اسمحلي بخصوص (لو) بطلع اشياء كلها ضد GT-R
يعني بنجي ع نفس النهج لو GT-R وزنها 1400 تتوقع بيكون فيه
منافسه مع zo6 اتوقع بينتهي النقاش لانو GT-R مع وزن 1770
متفوق على zo6 في امور كثيره وانت ادرى
فخلي الوضع على ماهو عليه وهادا التجربه وهادا الواقع
اتوقع هادا المقياس العالمي لسوبر كار 4\1 ميل
ثانكس على المرور
منور ياعسل



ياهلا والله
من جد المسافه مو هينة لاكن 2012 ابداع بكل ماتعنيه الكلمه
وبخصوص التخبيص اي والله مخبصين لاكن اهم شي اشرس المنافسين
وضحت المستويات معهم
اسعدني مرورك ياعسل



اهلين اخوي
ثانكس على المرور



من جد لاكن هادا وضع السيارات يوم لك ويوم عليك
وشرفني مرورك ياعسل



كلامك صحيح اخوي
وشوف ردي لنايف سبب طرح المقطع
شرفني مرورك



من جد ننتظر المزيد
نورت الموضوع يابطل



صح لسانك
مازيد عليك شي
نورت الموضوع ياعسل

اعيد واكرر الكورفت كان مقومه بالثاني

والدحدره كانت على سرعة 40 الى 50 كيلو

مع العلم ان قير الكورفت الاول يتحمل فوق 100 كيلو

يعني لو انه مقومه بالاول

كان شفت الجيتي تاكل الذرا صح

تحياتي لك

1200 متر ليست مثل الميل الكامل ياعزيزي

وكانت سرعتهم 260 كيلو يعني في عز نشاط السوبر كار

الكورفت كان بالنمره الخامسه وعنده نمره سادسه طويله لو كمل خيس الجيتي ار اكثر

مع العلم ان راعي الكورفت في الدحدره والسرعه لا تتعدى 40 الى 50 كيلو كان حاطه بالقير الثاني !!!!!!!!!!

مع ان القير الاول للكورفت يوصل فوق 100 كيلو !!!!!

تقوم سياره بنمره طافيه وعلى بدايتها طبيعي راح تتأخر في القومه

وياليت تعيد المقطع حق القومه وتتأكد من ان عصى القير حقت الكورفت وين كانت وقت بداية القومه

والكزس انا ماعلي منها تتفوق على الجيتي ام لا

تحياتي لك