مخربها ارفع العقال تحية لك على ردك وتفاعلك الجميل....
انا لو بشتري من البي ام 523 بشتري السياحي ابو 210 << بيكاسرهم
هذا النوع مخوفني فيه شي انه يكون ماصخ بزود مافيه اي ملح
اللي فهمته من كلامك ياطويل العمر انها تفرق عن النوع الفل من 523 في عدم وجود كاميرا ونفيقشن والسي دي .. فقط لا غير ؟
الشي الثاني اللي مرددني في هالنوع هو انه يمكن بنفس القيمة 210 الاف احصل لي مرسيدس فئة E أو أودي A6 تفرق كثير بمواصفاتها عن البي ام 523 السياحي... وش رايك؟؟
هلا وغلا
ربي يسلمك
اوكي اذا تبي نتكلم عن الـ523 السياحي
اللي ينقصه مثل ما قلت النافيقيشن والكاميرا الخلفيه والـCD Box اللي بالدرج
لانه يكون CD واحد بس
عموماً بوجود الـIPOD والمشغلات الصوتيه حتى الـCD اليتيم اللي بالسياره ماراح تشغله
بالنسبه للكاميرا الخلفيه فيه عندك الحساسات ممكن تعوض عنها وعلى قولة واحد من الشباب حياتنا كلها بدون كاميرا خلفيه ماراح تفرق الحين ههههه
نجي لموضوع النافيقيشن
في الأساس دائماً البي ام عنده نوعين من الشاشات الاولى صغيره والثانيه كبيره او بالأصح عريضه
الشاشه العريضه هي اللي يكون فيها النافيقيشن والصغيره مافيها نافيقيشن
لكن المساحه المحدده للمعلومات وحده والزياده في العرض للشاشات النافيقيشن هي مساحه بسيطه او زياده بسيطه لعرض المعلومات اذا كنت مخلي الشاشه في وضع الملاحه
شخصياً ماتفرق معاي ميزة النافيثيشن ولا تستاهل قيمة 15000 ريال لان 3000 ريال اقدر آخذ فيها Iphone و 300 ريال اشتري برنامج tom tom الإصدار الخاص بالشرق الأوسط وقضينا
بالمجمل ومن الشكل الخارجي مافيه اي فرق بين السياحي والفل عدا الكاميرا الخلفيه للي بيدقق
من الداخل بيفرق حجم الشاشه
شاشة الفل
اما بالنسبه للشاشه الصغيره
لكن تراها بالصوره اصغر من الواقع ولا تنسى ان الصوره اللي فوق للشاشه الكبيره عباره عن صوره احترافيه دعائيه
والصوره الثانيه للشاشه الصغيره صوره عادي جداً لسياره مستعمله بغرض البيع
لكن شوفها على الطبيعه افضل لك
لان الفرق بينها لو تلاحظ هي الزياده اللي فيها جزئية النافيقيشن في الصوره الأولى
يعني لو تعدل الصوره الاولى وتشيل الجزء اللي معروض فيها النافيقيشن راح تلاقيها صارت نفس الصغيره
طبعاً مع الإعتذار لأصحاب الصور لاني ماخذها من مواقع
اذا تبي تتكلم عن المرسيدس E300 انا رحت الوكاله من كم يوم ولقيت انه اذا الواحد يبي مرسيدس E300 بمواصفات ممتازه راح تكون قيمته 247 الف طبعاً هذا النافيقيشن والكاميرا الخلفيه وكت الـAMG لكن في هذي الحاله أفضل ادفع 230 في الـ523 فل <---- رأي شخصي
اما ما يخص الأودي انا والله مادري عنها من ناحية المواصفات والأسعار لكن اللي اعرفه ان صيانتها صعبه شوي
اتمنى اكون افدتك ...
