لغه الخيال هذي ماهي واقع صح ؟
والله مب نافعتي التفكك اذا انا بوسط هيار وادعس ويالله يتحرك !
ابشرك الشاص الشكل الجديد بادي تتطلع فيه خرابات
لان الكهرب منتشر بشكل كبير الحين بالشاص
ويا بو شهد صح لسانك يابعدي
الشاص ( دينا مصغره ) ينفع لـ استخدام شخصي سعودي :smilie16:
صح بدنك اخوي لحن .
\
للتوضيح :
بالنسبة للكهرب ، حتى الغواصات اللي تتحمل عمق 800 قدم تحت الماء فيها كهرب .!
وراها تعيش سنين ؟ لا تقول لي الماء ما يوصلها .؟
تدري وش اللي يخرب ؟
الضغط . اللي تواجهه تحت الماء . و الاسلاك تتأثر ؟ لا طبعاً .
بيوتنا ما فيها كهرب ؟
لا امطرت الأنوار بالشوارع تطفي ؟
الأنوار اللي ببيوتنا تطفي ؟
لا و انا اخوك .
المشكله ، لا وصل الماء لداخل المقبس اللي يوصل الكهرب للمحول حق النور . وقتها يضرب النور .
نفس الحكاية مع السيارات . [ وضعية الدينمو ، ] جودة التوصيلات ...
بالله انت فـ بالك ان جودة الياباني بصفة عامة ، أفضل من جودة الأمريكي ؟
لو جاوبت بـ [ نعم ]
اسمحلي بأطالبك بإعادة النظر .
أكبر شركة مصنعة في العالم هي : جنرال موتورز . [ شفرولية ، جي ام سي ، كاديلك ]
أقوى شركة لصناعة السيارات من ناحية الجودة : ديملر كاليزلر . [ كلايزلر ، دودج ، جيب ]
أكبر يد عاملة في صناعة السيارات : فورد [ فورد ، لينكون ، ميركوري ]
أول شركتي كمبيوتر و برمجيات في العالم و لحد الان لم يصل احد لجودتها [ مايكروسوفت ، ابل
ماكنتوش ] < مستحيل تشغل اي كمبيوتر بدونها .!
الهواتف النقالة :
بلاك بيري : كندا . < لا تقول لي الشركة بريطانية . < بقول لك المقر الرئيسي للشركة فـ كندا .
[ زي ما تقول هذا طماط افغاني ، و هو مزروع بوادي الدواسر ] !
اي فون : امريكا .
و اشياء كثيرة صعب اني اعدها ، و مواضيع ما ودي اتطرق لها عشان ما تقولون هذا متعصب للأمريكان < بس كلمة الحق لازم تنقال .
أكبر دولة مصنعة في العالم هي امريكا .
اليابان ، حاولت لكن تنجح فترة و تفشل ، طبعاً المحرك الياباني الأول في التاريخ ، تمت صناعته عن طريق طالب ذهب لأمريكا ، و اخذ العلم منهم . و جى طبق . فلذلك المحرك الياباني الأول نسخة طبق الاصل عن محرك امريكي .!
معضم الأكسسوارات و الاغراض التقنية ، للسيارات اليابانية صينية الصنع .
فإذا كانت اليابان تستخدم تقنيات امريكية عشان تصنع سياراتها [ اليابانية ! ] فهل تتوقع انها رح تصنع شي افضل من امريكا .!
افتح كبوت الشاص . و افتح كبوت السييرا ، < و تعرف عن ايش اتكلم .
و لا تدري ابعد الشاص [ لأن كل اللي فـ كبوته ] مكينة و رديتر و اسلاك مدري عشان ايش حاطينها !
افتح كبوت اللاند كروزر . < و قارن بينه و بين السييرا ، و فك اول توصيلة تقابلها من السيارتين و ارجع ركبها < و تعرف وقتها عن ايش انا اتكلم .
أوكي انا معك الشاص حلو ، بس ليش السيارات اليابانية تصدي ؟
ليش البهبهاني ما يصدي ؟
انت تقول كمبيوتر ، و حساسات > ما اختلفنا ، كمبيوتر بكم كمبيوتر الشاص و بكم كمبيوتر السييرا ؟
عمرك قد سمعت ان فيه جمس او شفر ، خرب فيه كمبيوتر ؟
سعر مكينة الشاص مستعملة : 10 الاف مع الرجيع .
سعر قير الشاص مستعمل : 5 الاف مع الرجيع .
سعر الدبل مستعمل : 3 الاف مع الرجيع .
بدون الضفيرة بدون الشغلات هذي كلها < الله يعينك فر محلات القطع .
و لا تنسى ان الشاصات من عام 1998 جات بخاخات و حقن الكتروني [ بدون ديلكو ] .!
مكينة الدينالي :
6،2 ... 600 بدون التشارج بكل اغراضها [ الضفيرة القزوز الثلاجة طرمبة الماء ] و هذي اكبر مكينة له ، بـ 16 الف مستعملة بدون الرجيع .
جديدة من امريكا بـ 20 الف .
السسيرا 5.3 بـ 6000 ان زادت مستعمله مع الرجيع .
عاد قيرهـ و دبله مستعملات برخص التراب ، لأن نادر احد يشتريها . و متكدسه بالهبل .
دليل انه نادر احد يجي يدورها ، و ابحث بقوقل و تعرف وين اكثر المشاكل . في السييرا او في الشاص .
لكن مو حبينا موديل قديم من موتر معين ، نقوم نغفر له كل عيوبه .
أما بالنسبة للي جرب الموترين و حكم لصالح الشاص انا اقول انه ، تهيض مع العزم اللي بالسسيرا و قام يطامر به .
احترم السيارة سواء شاص او سييرا ما رح تطلب منك .
مو تنحط بيدك 8 سرندل 440 حصان تكرف مندوب مندوبها ، و تحوسها كأنك اول مرهـ تسوق سيارة بعدين تقول ما تتحمل .!
و يوم تنحط بيدك 6 سرندل 244 حصان . تقعد تغسلها يومياً و ما ترضى يجيها الوسخ عشان ايش [ شكلها يطلع مو حلو .! ] < و على اي اساس شاري شاص مدري ؟
تحياتي ،،،،
اخوك : ابو شهد .
