السلام عليكم
اخواني اريد تركيب مكيف لسيارتي كابريس موديل 71 حيث بها سخان فقط هل هناك مكان مناسب لتركيب المكيف في مدينة جدة .
وشكرا
و عليكم السلام
والله اعذرني ما اعرف احد في جدة
اخوي wellwell_32 ولا يهينون الاخوان الباقين
انا معي سيارة لنكن تاون كار 2006 الاسبوع الماضي جتني مشكلة الظهر والصباح يقل التبريد واحيانا مايبرد .. اما الليل ماشاء الله يبرد بقوة
وقبل ماروح للكهربائي حطيت على الكمبروسر علامة مهي واضحة عشان لو غيره وضحك علي ادري عنه لان بعضهم ياخذ الكمبروسر وهو كويس ويركب لك واحد مشي حالك ويعطيك كم نصبه عالطاير لاني تادبت من كثر ماكذبو علي لدرجة اني صرت مااثق في اي كهربائي في الرياض الا من رحم ربي المهم رحت لواحد اعرفه وقالي الفريون ناقص وفرغ الفريون القديم وحط جديد امريكي ب 200 ريال ويوم جاء يعبيها قلب الاسطوانه مدري الدبه حقة الفريون قلتله ليش
قالي تعلمني شغلي ومشيت من عنده والمكيف ممتاز بعد يومين رجعت نفس المشكلة واليوم الثالث صار مايبرد نهائيا رجعت له قالي عندك تهريب لازم تخلي السيارة عندي وانا خايف اخليها
اخاف ياخذ منها قطع ولا يبدل شي بشي خربان لانهم مايخافون من الله
ثاني شي قلتله غير فلتر هواء المكيف وفتح الدرج وماحصل شي نهائيا معقوله !!
يعني ممكن اللنكن مايجي فيه فلتر هواء ولا كيف ياليت ياصحاب الخبرة اللي معهم لنكن تجاوبوني تكفون فيها فلتر ولا كيف ؟
طيب شوف هذا اللي تعرفه اللحين المفروض من اول مره يوم جيته و قالك الفريون ناقص و غيره لك و عبالك بـ200 كان المفترض يشيك على التهريب و يصلحه و بعدين يعبي لك ؟؟؟وهذا الصح
اما ان كان انه يبغاك تجلس رايح جاي عنده و كل مره يسوي شغله بالقطاعي و يستفيد انك تكون زبون دايم عنده
المهم شكل المره الاولى فريونك ما كان ناقص لانك تقول في الليل يكون بارد كان المفروض تشيك مروحه رديتر المكيف و تغسل واجهة السياره
اللحين يبغالك في البدايه تتاكد من ان الكمبروسر سليم و يفضل تجيب بلف جديد و علبه فريون وتشيك على التهريب و تنظف السستم كامل قبل التعبيه
بالنسبه للفلتر ارجع صفحه 15 و شوف المقاطع يمكن تفيدك بشي او اسال الاخوان في قسم السيارات الامريكيه
بالتوفيق و اي استفسار حياك اي وقت
