هلا بالغالي منور اعذرني كان نشبت لك بس لو تدري اني من الساعه ثمان لين 12 وانا بالورش والصناعيه ولا احد فادني باشرح كل شيء بالتفصيل وخلاص والله اخر مره :a1120(86):
وبعطيك معلومه مهمه صارت لي بالنسبه للثلاجه ...
قبل سنه كذا لاحظت دفع الهواء انخفض شوي بس ومن قله الخبره نطلت الفلتر فتره طويله لمده عشر شهور فاعتقد انه اثر
ع الثلاجه لاحقا بس ما بداء يختلف البروده والدفع للاسوء الا قبل فتره شهر كذا :a120(115): وما وصل كذا فجاءه بل كان يتدرج بضعف الدفع
مع المحافظه على البروده يعني ازيد الدفع يصير يبرد لين ما تدرج وصار معاد يبرد ولا دفع مع هالصيف !
وكان ما يبرد بتاتا الا قليلا بالليل ودفع الهواء ضعيف
فنظفت الثلاجه وعبيت فريون
بس برد علي وقتها شوي وخلاص ما امداني اتهنى به لا ليل ولا نهار ومع الوقفه والزحمه حتى بالليل يحتر اذا كنت واقف واذا مشيت يبرد (( بالليل فقط ))....... (( هذي التصليحه الاولى ))
التصليحه الثانيه : غير لي (( ع قولته : حساس الكمبرسور مع مدري وشو وكان ضغطه 80 ويوم صلحه صار 60وعبيت فريون وغسلت الرديتر والفريون خارجيا وركبت مروحه خارجيه اضافيه
تدعم من جهه الرديتر وبرد علي وقتها وصار يبرد بالليل بالوقفه وبالزحمه بس الدفع لسه بس البروده صارت تعوض عن الدفع في الليل اما بالنسبه للنهار فيا شيخ احط كل المكيفات الاربع علي
عشان اتبرد وبالنسبه للدفع ابد مافي :blue:.
طيب اعلمك شصار معي اليوم
اول شيء الصبح رحت لرد كاب او نسيت شسمه مركز الصيانه وشاف الفلبيني الضغط وكان على 60 الي هو ضغط الكمبرسر بس شوي مع الدعسه يزيد ع فوق حاجه طفيفه ....
المهم ما فادني شيء بالنسبه لدفع الهواء .....
ورحت للورش وهذي اقوال المهندسين :
الي قال لي ان الدفع كويس (( مع اني متأكد انه غلطان لان السياره على رجلي واعرف شلون دفعها )) المهم قال لي ان الدفع كويس بس لو يتظبط الكمبرسر او يبرد زياده
فبيصير ممتاز الوضع .!
والثاني قلت له يمكن المروحه ضعيفه فقال لي لا ,لو ضعيفه فما ببتغير معاك درجات تغيير الدفع ! وان الي يبي لي حاجه تتضبط بالكمبرسر تصير برودته اقوى من كدذا
ورفض يعلمني وش هي : يقول شغلي وباضبطها لك (( حسيت انه بيسوي حاجه بسيطه ما تستاهل وبياخذ 450 ع الفاضي
والثالث الي يقولي يمكن (( البيبان يمكن مسدوده )) وانا مدري وشهي البيبان بس كاني حاس انها فتحات من عند الثلاجه
وسألت الرابع عن البيبان قال لا لو كانت بيبان فبيتسرب الهواء من عند الفلتر تحت او من فتحات تهويه الي عند القزاز ......
انا مشكلتي ثنتين البروده ليست قويه جدا ثلج يعني بروده حلوه والدفع ضعيف بس اتوقع لو ضبط الدفع بيصير الوضع كويس
وبهذولني الورش كل واحد يقولي شيء غير المهندسين الي يقول ما اعرف ما دام انها مو ثلاجه ولا فلتر !!! فاحترت
ورحت الوكاله عشان انهي هالمعاناه مع اني ادري انهم غالين وانا طفران :rolleyes1: بس اعطوني موعد بعد اسبوعين >>>> صار مستشفى مو وكاله الحمراني
اسف اسف اسف جدا جدا جدا ع الاطاله بس مالي إلا الله ثم انت من حيث انك خبير ومتمكن واعذرني ادري نشبت لك يا الغالي بس تحملنا والله يجزاك الفردوس وشكرا
شف يا طويل العمر
انت مشكلتك بس في دفع الهوا
يعني مافي داعي انو احد يشيك على الظغط او يقول غير كمبروسر اونظف رديتر
هذا كلو كلام مو منطقي !!!
المهم دام المكيف قعد 10 شهور بدون فلتر مع اجواءانا الحلوة و الغبار العليل
لازم تنظفها لان المسامات اكيد اغلبها تسكرت بالغبار فيقل الهوا و نتيجه لكذا تثلج الثلاجه و راح تلاحظ كميه مويه كثير تحت السياره لما تطفيها من جهت تصريف المويه حق المكيف ...
في شي يمكن انت تلاحظه بس انك ما ذكرته
و هو لما تحط المروحه على اقوى شي 5 او 4 راح تسمع صوتها عالي و كانها مكتووومه و دفع الهوا يكون ضعيف ...
كل هذي مأشرات انو الثلاجه اما انها شبه مسدوده او انها تثلج ...
و خبرني وش يصير معك ... انت اذا في الدمام واصلني ع الخاص
و اذا في الرياض يا ريت تتواصل مع المشرف العزيز
مركز جوانا
اي مدينه اخرى اعتذر
و علمني وش يصير معك ... و ان شاء الله ما نقصر وياك وخذ راحتك
الموضوع كل لكم .... دعواتكم
