هل فعلا نجحت GM وكرايلسر في تقنية 4/8سلندر؟

عزيزي الوارد مختلف 180 درجة
سيارات تويوتا الوارد فيها مساعد الكبح وهالشي من تجربتي الشخصية كون اخي يتاجر بالسيارات

شف ما ابي اقول مقطعك ملفق تلفيق و مجرد دعاية للياباني و الي خلاني اقول ذا الكلام يوم حطو قوة الفرامل لصالح التندرى عرفت ان الدعوة كلام فاظي خخخ و للعلم اسوء شركة في اداء الفرامل هي تايوتا . و بعدين فيها اجحاف من نايحة مقارنة محرك 380 حصان بمحركات 320 !!! و اقل بعد مثل الفورد 300 حصان بس في الاخير التركات الباقية تسحب اكثر من ابو 380 حصان خخخخ يعني الدعوة سواليف

الامريكي متفوق على الياباني بالاستهلاك داخل وخارج المدينه
بمحركات الثمانية
اتوقع ان التقنية لها دخل في ذلك

اللي اعرفه ان جنرال موتورز باعت كامل حصتها في شركة ايسوزو ايام الأزمة المالية

لاتنسى الفئه هذي 1500
باقي
2500
3500
4500
5500
و الخ
بدري ع الياباني .. لسى لم يتفوق الطالب

ياحبيبي الطيارات اللي تتكلمون عنها فيه مثل الثور ذا سحبها بأسنانه


هذا اول شي

ثاني شي ايسوزو تصنع محركات لسيارات GM.....ليش يعني منت داري ان ايسوزو تابع لGM او فرع لها في اليابان مثلها مثل كاديلاك وبيوك وشفر ! طيب شفروليه تصنع محركات لكاديلاك وجمس ...! معلومه جديده صح :tongue:
..
جيب لي مقطع واحد جمس ولا اي سياره امريكيه تسحب طياره ..وخصوصا HD

ما يتننزلون من الاساس لانه شي غبي صراحه ! رجل قدر يسحبها وماتبي راس تريله مصغر مايسحبها
..
...
....

اتمنى مشاهدة المقطع الى نهايته فعلا اليابانيين فشلو في المركات الكبيرة
https://www.youtube.com/watch?v=4uH_qnCCBY0
لاحظو ان المتقدمين التيتان والتندرا

ونهايه كلامي لاتنسى المعلم اللي علم الياباني كيفيه صناعه السيارات : )

الطالب تفوق على المعلم وهنا المصيبه
ومادري وين المحركات الامريكية اللي تتلكم عنها حطو حيلهم بمحرك 6.2 واخرتها مع السوبر شارج 640 حصان
اما رد الاخ يارب رحمتك
فولكس واغن طوارق اول سيارة سحبت طائرة 747 وماوصل لمحركات بسعات خيالية مثل الامريكي
وحتى الامريكان ماهم فالحين في صناعة محركات الديزل الله يخلي اسيزو اليابانية اللي تصنع محركات الديزل لجنرال موتورز

ماني ملزم اقنع شخص هو مقتنع بشئ حتى لوكان على غير الصواب لكن تاكد من اي ملعومه قبل ان تتحدث بها
اسال خبير وشخص مختص هندسة ميكانيكية واسأله عن المحركات الامريكية مقارنة مع الاوربية واليابانية وش وش الرد
وشف وش الرد بامانه وانا اجزم واراهن واتحدى ان الشخص المختص الخبير يذم المحركات الامريكية
وادري ان حب شخص لشئ لايدعه يعرف عيوبه

6 لتر تعرفها لاجيت بتسحب تريله:xyxthumbs:
وانا كلامي ماهو في مكاين لتراتها كبيرها 5....6..لتر هذي عادي لو تحط عليها سوبرتشارج ..
لكن تجيب لي مكين قوتها 3 لتر ولا 4 وتحط سوبرتشارج ...هذي بس لو احط بواجي رياضيه عليها انفجرت المكينه:rolleyes1: بعكس المكاين الكبيره عدل فيها و انت مرتاح:xyxwave:

انت تخلط مواضيع بموضوع واحد خلنا نمشي حبه حبه

اي جزء تتكلم عنه اللي اخذت حصه البيك اب والاس يو في؟
البيك اب الامريكي المسيطر الامريكي + الاس يو في الامريكي ايضا
ولاتقصد بيك اب هايلوكس وغيرها ؟

بالنسبه لحجم المحركات وماتطلع احصنه
هذي سياسه شركات .. والشركه تستطيع فعل الشي
والشي مو صعب عليها ابدا
الشركات الامريكيه منذ بدايتها ومحركاتها بحجم كبير
طالعين ع محركات بلترات عاليه وابدعو فيها الامريكان لدرجه طلعو مكينه بقوه 760 حصان تقريبا تنفس طبيعي فيه محرك سواها ؟؟؟
عكس اليابانيين من عرفناهم محرك صغير .. شي طبيعي كلن يطور الشي اللي تعود عليه .. وبالاخير تبقى سياسه شركه ومن الجهل شخص يحكم عليها بسوء الشركه لانها ماتقدر تصنع محرك صغير واحصنه عاليه .. الشي غلط

والان جي ام بدات بالعمل ع مكاين 6 سلندر
وايضا 4 سلندر .. وجابت نتائج جيده بالبدايه
زي محرك الكاديلاك 3.6 بقوه 321 حصان
ومكينه المكسيما الجديده 3.5 بقوه 300 حصان ؟
وايضا محرك 3.6 تيربو بقوه 455 حصان كبدايه !

وايضا محرك ايكوتيك من اقوا المحركات 4 سلندر بالعالم
وجابو فيه نتائج وارقام مبهره .. وفيه محرك 2 لتر ستوك بقوه 270 حصان وببرمجه جاب اكثر من 310 حصان

وسبب توجهه الامريكا لتويوتا وغيره .. لان الياباني دخل السوق الامريكي قديما بمحركات اقتصاديه ووقتها جي ام محركاتها كبيره .. شي طبيعي يتعود عليها السوق والشي الايجابي الامريكي الان يعمل ع استعاده الصداره لمحركات 4 سلندر و 6 سلندر والشي مايجي بفتره بسيطه


لكن العيب الاكبر
محركات اكبر وافضل صرفيه من المحركات الصغيره !

وانا لازلت اعشق الامريكي
بسبب محركاته الكبيره والجباره
ونهايه كلامي لاتنسى المعلم اللي علم الياباني كيفيه صناعه السيارات : )

اي قوة تتلكم عنها يعطيني محرك بسعة 6 لترات ويالله يالله يوصل 350 الى 400 حصان واذا عن حكاية الشواحن هذي كاديلاك فئة v محرك 6.2 بالسوبر شارج يالله تعدى ال 600 حصان محرك اللامبروغيني اللي بنفس السعه فوق ال 600 حصان تنفس طبيعي



هذة المشكلة ان الامريكان لم يتعلمو التقنية بشطارة العقل الياباني ليتهم اخذو كورس عند هوندا في تقنية DOCH يعني معقوله الى يومنا هذا ماقدرو يتعلمونها سووها في مركات كاديلاك اللي كان اسم المحرك نورث ستار اعطال ومشاكل وقوة مخجلة كاديلاك ديفيل كان قوتها 280 حصان وسعة المحرك 4.6 وش كانه محرك فكتوريا بينما وقتها لكزس بمرك 4.0 اللي هي ls400 وبقوة 320 حصان
والمبيعات انا اعترف ان فورد اف الاعلى في فئته ولكن نيسان وتويوتا اخذت جزء من حصته البكب وال suv الامريكية ولا احد ينكر هذا
اما حكاية انها بتتوقف فهذا الكلام سمعناه من عام 2008 حتى عن اليوكون والتاهو ودام انه ماتوقف فعليا لكن اللي نشوفه انه لازال ينتج ولم يصدر تصريح رسمي من مصدر موثوق
واذا الامريكي صرفيته اقل ليش الامريكان تخلو عن سيارتهم ويشترون تويوتا ؟ ولكنا نتذكر الازمة اللي صارت للشركات الامريكية والدعم الحكومي لها كان السبب الرئيسي قلة المبيعات لصالح الصانع الاجنبي
اما محرك 6.2 اي 640 حصان اذا انت تقصد االلي للكدلك v فهو سوبرشارج يفترض النتية تكون اكثر بعض شركات التعديل مع شوية شواحن توصل ال 1000 وبسعة اقل وهذا الجي تي ار محركها 3.8 توين تيربو ويجيب 545 حصان يعطي قوة قريبه من ابو سوبر شارج و 6.2 بلاش سيارة يابانية لاتقولون متعصب اللامبورقيني نفس السعه تنفس طبيعي شف كم يطلع حصان
كورفيت ستينغراي محرك 6.2 بقوة 460 حصان فقط رقم جدا متواضع

انا ماجبت الكلام هذا من راسي هذا واقع السيارات الامريكية

بخصوص تقنية 4/8 هذي ما تفيدك الا فق الخط ولو تلاحظ ان الصرفية في الخط للسيارات الي فيها التقنية منخفض نسبيا ! و هذا اهو ما يمزها و للعلم ترى اهو يوفر 15 مدري 25 % فقط !!

هههههههههههههه بالفعل واضح وضوح الشمس

ههههههههه لا والله اني انا موقفها عشان مايروح الود اللي بيننا وتشب بيننا كراهيه:xyxwave:
ولا الهرج والشخص المتعصب وااضح جداا

الله يعطيك العافيه

ومجهود طيب منك

وهذا مفيد جدا لكثير من الاعضاء

التقنية موجودة في مكينة الفورتك للجمس من 2005 واحتمال من قبل ، عموما معدل الصرفية فيه بين المدينة والخط حول 15-16 لتر لكل 100 كيلو

انت في موضوعك استثنيت اللكزس واللاند كروزر بسبب ان صرفيتهم عالية وحتتحسن في الموديل القادم بسبب القيربوكس
ووضعت الانفينتي اللي هو افضل صرفية من الباترول
طبعا الباترول ما وصل للصرفية هذي الا في الشكل الجديد
بينما الجمس وصل لهذه الصرفية في 2005 وقيربوكس 4 نمر
طبعا هذا على افتراض ان التقنية ظهرت في 2005 ربما قبل
فإذا تبغا المقارنة الصحيحة ارجع لتاريخ ظهور التقنية وقارن المنافسين في ذلك الوقت
عموما حتى الان التاهو واليوكن صرفيتهم افضل من المنافسين

استغرب من شغلة وحدة الي هو بأول الموضوع

أن معدل الاستهلاك بالدورانجو والانفنتي QX80 بالمدينة نفس بعض تماما مع أختلاف الفئة فالدورانجو كان سابقا من Full size SUV لكن حاليا يعتبر Large size SUV

اضافة ان الانفنتي أكثر وزن منه وأكثر احصنة منه!



نظام الدفع في الانفنتي أعتقد نفس تماما الموجود بالباترول
أختلاف أن الانفنتي منزوع منه الدسم قصدي منزوع منه الدفلوك ونظام متعدد التضاريس
وتنكيه أصغر وأعتقد هذا أحد الاسباب الي بيخفف من وزنه غير ان كان فيه شغلات ثانية مخلية الانفنتي اخف وزن

وأيضا النقطة الي ذكرها الأخ Cefiro
ودام نسبة الدفرنس بالباترول أعلى فهي بالاغلب بتعطيك بداية تسارع وقوة جر أفضل وأيضا أفضل للطرق الوعرة

رغم يا الاخ Cefiro أذكر اني قريت ان نسبة الدفرنس بالباترول أعلى من الي انت ذكرته حسب كتلوج الباترول نفسه؟

تنفس طبيعي قصدك

جميع محركات سيارات SUV الكبيره ما اشوف فيها تطور كبير وكلها تيجي بسعات كبيره وذلك لسبب واحد انها سيارات لا تباع في اوروبا فاخر همهم الشركات انها تطور وتحسن من صرفيه الوقود. هذه السيارت لا تباع الا في امريكا ودول الخليج والهدف منها معروف لا هو تسارع ولا حلبات ولا سرعه.