-<( قائمة مالكي تويوتا أفالون 2005 )>-

السلام عليكم ورحمة الله وبركاته ..

هلا أخوي أبو خالد ..

أنا عندي أفالون 2006 ليمتد ..اللون لؤلؤي ومن داخل بيج .. وانتظرتها تقريبا 3-4 شهور ..

والسيارة ما عليها كلام .. ثابتة ثبات عجيب والحمد لله .. ( أهم شي ) ..

وأنا خصوصا أحب السرعة والسباق .. ودايما السيارة ما تخذلني .. والحمد لله

لكن كنت أتمنى أن عندي ال 2005 مش ال 2006 ..

لأن ال 2005 .. قوتها 280 حصان أما ال 2006 قوتها 268 ..

نزلوا اشوية من قوتها عشان السلامة على ما أعتقد ..

والسعر بالتحديد 118,500 ريال قطري أي 122,141 سعودي ..

وشكرا أبو خالد على الموضوع .. وضيفنا فالقائمة لا تنسى .. |6| ..

الله يجزاك خير اخوي ابو عوف


تسلم والله



وشكراً

الف مبروك الله يعطيك خيرها ويكفيك شرها يارب ويبارك لك فيها اخوي التايغر ومشكور على المعلومات يعطيك العافية

بس ياليت الاخوان اللي يملكون السيارة من سنة يعني اللي عندهم موديل 2005 يفيدونا عن السيارة وبالذات رساوتها والضجيج داخل السيارة !!!!!!

هلا والله اخوي


معليش ههههه نسيت اكتب الواحد

هي 115950ريال


والصراحه في السعوديه وخصوصاً في الرياض على حسب اللون يعني لو تبي لؤلؤئ يقولك مندوب المبيعات ماتجيك الا بعد 7 شهور

وانا صارلي 6 شهور على مابال تجي والحمدلله جت واول ما يوصل لهم المبلغ كامل تطلع السياره خلال يومين


لكن فيه عيب واحد انك ما تشوف السياره الا لما تدفع المبلغ كله عشان يحولونها بأسمك وتجي عندهم في المستودع

وعاد اذا جيت تستلمها تشيك على اليساره اول اذا كان فيها خلل او شي يعطيك ورقه توقيع استلام وعاد انت توقع عليها

وبالنسبه للالوان انا عندي الالوان الفاتحة افضل من اللؤلؤئ والفضي والازرق معدني (بحري) والرمادي

وارجوا اني افدتك

وانا سمعك من احد زملائي ان الافالون الخليجية تجيك معها بلوتوث وخريطة وما ادري عن صحة الكلام لانها مو موجوده عندنا

وشكراً

كم السعر يا أخي ...!؟

وكم أخذت من وقت حتى أستلمت السياره أنا أسمع إنه بالشهور تنتظر عشان تستلمها هل هذا معقول ؟ الواحد يسافر الامارات وإلا قطر ويشتري نفس المواصفات هذا إذا ما كانت هناك أحسن من هنا ؟

إيش الالوان المناسبه في نظركم على الافالون

السلام عليكم جميعاً

سجل عندك :cool:

صراحه وبعد طول انتظار دام 6شهور وصلت العروسه |3|

اللون ازرق معدني داخل رمادي

السعر تحديداً 15950ريال لليميتد

وصراحه اخوي ابو عارف

توني ما استكشفت العيوب لاني ماكملت الاف كيلو ولااختبرت السياره في الطرقات لكن داخل المدينه صراحه متعة القياده

وما شاء الله تبارك الرحمن قمة الفخامه وصرفيه تمام للبنزين ومعقوله جداً ومن ناحيه قطع الغيار ما ادري والله بس اكيد معقول وغير مبالغ فيه لانها تويوتا

ونصيحه مني لك خذ لك ليميتد وتوكل على الله فيها مميزات كثيره غير موجوده في الاكس ال


وان شاء الله اني افدك


وشكراً

اخيراً بعد طول انتظااااااااااااااااااااار

وصلت شيخة السيارات
افالون لؤلؤي ابيض 2006 ليمتد

تحياتي لك بوخالد

مبروك عليكم يا اصحاب الـــ 2005

سيارة روعة

بس ياليت تقولون لنا كم سعرها

جميع الطرازات

و دمتم سالمين

السلام عليكم
اول شي ابارك لملاك الافالون الف مبروك لكم جميعا والله يعطيكم خيرها ويكفيكم شرها يارب

ثاني شي بصراحة انا عاجبتني السيارة وودي اشتري واحدة ولما شفت هالموضوع حبيت اسئل اصحاب السيارة اسئلة وياريت تجاوبوني بصراحة الله يجزاكم خير ..
1_ ايش رايكم بالسيارة بكل صراحة ؟؟
2_ ايش عيوبها الى الان ؟؟
3_هل اخذ ليميتد او اكس ال بالذات جنوط الاكس ال احلى ؟؟؟
4_ كيف اسعار قطع الغيار معقولة او غالية مره ؟؟
5_ كيف عزم وقوة السيارة ؟؟
6_ كيف رساوة السيارة على سرعات عالية وهل فيها ضجيج او لا في السرعات العالية ؟؟

عارف ان كثرة الاسئلة اعذروني بس بصراحة محتار لذلك حبيت اسئلكم قبل لاشتريها طبعا بعد الاستخارة باذن الله

الموديل 2006 _ اللون رمادي غامق _ محتار ليميتد او اكس ال عشان الجنوط بس ......... وسلامتكم .

مستغرب لهالموديل مو منتشر مثل الموديل السابق

الله يعطيكم العافيه يا أخوان ملاك الافالون
بأذن الله رايح اشتري افالون موديل 2004 الاسبوع القادم ... عاد اش اسوي فلوسي على قدي بمبلغ ثمانون الف ريال ,,, العداد ماشي صفر واللون أسوددد, فتحه ,جنوط لكن المراتب مخمل واللي بصالة العرض يقول ان السياره فل كاااامل ما عدا المراتب مو جلد.
بس انا بصراحه مو عارف أي شيء عن الافالون سوى انها مريحه وراسيه نسبيا وبها عزل صوتي بالنسبه لصوت الاطارات على الطريق والضوضاء الخارجيه
بصراحه انا فضلت اشتريها وهي 2004 لان مواصفاتها عاليه جدا مقارنة مع الكامري القراندي اللي سعرها اغلى من الافالون ومو هذيك السياره اللي تستاهل هذا السعر
لكن ودي بصراحه اعرف هل صحيح كلام موظف صالة العرض ان السياره فللل اوبشن ماعدا مراتب الجلد وماهي تلك المواصفات؟
هلى السياره مخشبه تخشيب كامل بما فيها المقود؟
هل فيها ثلاجه؟
هل فيها نظام سيدي بلير؟
ويشغل ايش؟
ام بي ثري ولا تراك عادي؟
كم وساده هوائيه
انظمة الأمان
الأكسسوارات وحركات الرفاهيه
الله لا يهينكم ...

لا تبخلون علينا لان السياره في مدينه ثانيه وانا حجزتها

السلام عليكم ورحمة الله وبركاته

الله يعطيكم خيرها ويكفيكم شرها

ممكن مساعدة ياشباب.

أنا ليا فترة أدور أفالون 2006 فل أوبشن و ما لقيت, ممكن مساعدتكم وتقولولي فين أحصل؟

مشكووور وإنشالله أنضم الى قائمتكم قريب بس نبغا همتهكم

يـلا يـبـو خـالـد سـجـل عـنـدك :)



أفـالـون أسـود لـيـمـتـد مـن الـداخـل بـيـج 2006

بـكـره بـاذن الله اذا ربـي أعـطـانـا عـمـر نـستـلـمـه |1|


واسـبـوع وأصـوره صـور حـلـوه وأنـزلـهـا لـكـم باذن الله


ولك تحـيـتـي

الحين نسجلك يالغالي ولا يهمك

القائمة الآن:-

1- أبـــ خالد ـــو
2- Time2Die
3- uaesolidsnake
4- أعز إنسان *
5- ابوعزيز
6- باشا الخبر
7- ابوفيصل966
8- avalon *
9- اقطاى
10- KLCC *
11- DC 300C SRT-8 *
12- عاشق الأفالون
13- م ح ص 469
14- AZN
15- افالوني
16- qweqwe
17- KLOZA
18- need
19- البروفيسور

الاحصائية:-
15 أفالون 2005
3 أفالون 2004
1 أفالون 2002

تحياتي للجميع
أبـــ خالد ـــو

هلا وسهلا اخواني الازاء
اضف زبون جديد
1-البروفسيور
2-افالون ليمتد
3- اللون فضي وداخلي رمادي
4- الموديل 2006

الله يصبرك أخوي uaesolidsnake
يقولون احتمال تنزل 2006 بحساسات

إذا نزلت بأروح أركبها بالوكاله :)

بس مدري ما أظن قرارك صائب في الانتظار
وكل واحد له وجهة نظر

تحياتي

كان المفروض استلم الافالون قبل اسبوع لكني قمت بتأجيل حجز السياره الى شهر 10 ميلادي لكي اكون من اول اشخاص يستلمون افالون لؤلؤي موديل 2006 و الله يصبرني الى ذلك الوقت.

عزيزي ابوفيصل966
أبشرك الموتر طالع من زمان بس نظرا لظروف أمر بها ما أمداني أسوي تقرير وأصورة الصور اللي هي
بس إن شاء الله ابشروا بسعدكم

عزيزي Time2Die
تسلم وماقصرت وإن شاء الله الصور جاية بالطريق

عزيزي need
محد سحب عليك الله يهديك
انت سحبت علينا وما شاركت
وترا السالفة مو بالدور ومن طلع أول ومدري وشو
السالفة بالتسجيل هنا ومن سبق لبق

أنا رقم 1 وأنا توني مطلع الموتر ماله شهر

وأخوي ابوفيصل966
أول واحد طلعه يمكن ورقمه 7

يعني مو مقياس
أهم شي نبي نعرف العدد

والحين نسجلك يالغالي ولا يهمك

القائمة الآن:-

1- أبـــ خالد ـــو
2- Time2Die
3- uaesolidsnake
4- أعز إنسان *
5- ابوعزيز
6- باشا الخبر
7- ابوفيصل966
8- avalon *
9- اقطاى
10- KLCC *
11- DC 300C SRT-8 *
12- عاشق الأفالون
13- م ح ص 469
14- AZN
15- افالوني
16- qweqwe
17- KLOZA
18- need

الاحصائية:-
14 أفالون 2005
3 أفالون 2004
1 أفالون 2002

تحياتي للجميع
أبـــ خالد ـــو