اخوي الزاااحف اهل تويوتا اللي لكم ساعه تمدحووون فيها مو قصدي اعيبها بس خلنا نشوف واقعها
اول شي نستعرض الكامري
من موديل 98 ال2002كانت الكامري قمه عمليه وبكل قوه لاكن لاحظ كلمة لاكن
1-سيطره على السياره زفت مره زفت وما تصدقني شف واحد معه نفس الموديل ولف مع لفه واربط فرامل فجأه واتركها علىطول وشف ردة الوجه الاليمه
2- الفحمات غباء شنيع تعيش شهر واحد فقط وانا مجربها شخصيااا واكثر من واحد يقولي نفس الكلام ولا انسى الحراره ما تطيع تحتمي طبعا بعد سنتين (بعد مده)(بخلاف السوناتا من زود الثقه حاطين حدين يعني نقطتين في المبير الحراره ماتنقص ولا تزود الا اذا كان الوظع غير طبيعي وقدامك السوناتا القديمه نفس موديل الكامري رح شفها)
اما الكامري في الخط الحراره فوق الربع واذا اسرعة الثلث واذا شغلت المكيف وانت واقف فوق السي واذا طفيتها الثلث تخبط شنيع
)
3-مع قريبي طبعا القزاز هندل واقفال يدويه وانوا القرف
4- اللي ميز تويوتا رخص قطع الغيار (اللي ارتفعت حاليا)في ذاك الوقت وتوفرها انا معك
لاكن هذا مهوب دليل على انها ما تخرب وانك تطعسبها وتلعبها وما تخرب هذا في خيالك
انص رصيف واطمره واقعد طمر بها وقلي تصبر ولا لاهههههه
انا اعرف واحد عنده كامري 2000ويتشكى منها وغير مكينتها لانها انفقعت علي وهو يقاوم
والثاني العكس خرب عليه ومشاكل بس قطع الغيار رخيصه انا مع (في ذاك الوقت)
5- الناس هنا يعني الشعب السعودي مسك شي علق عليه الى اللحين ما يناظر الا التويوتا مع ان فيه شركات تنافس وافضل
بس الناس حفظوا كلمة تويوتا القديمه ولاحظ القديمه وصارة تمشي الى اللحين مع ان الجوده القديم افضل
وما شهر الكامري الا التفحيط عندنا بس صار كل الشباب هنا ما يبي الا الكامري وهذا كله عام 98 ال2002 وكملوا بفكرتهم الى اللحين
اما الشكل الجديد انواع التخلف ههههههههههههههههه الله الرازق بس
عطني مواصفه وحده بس في الكامري لاتوجد في الددسن غير الحساسات
مواصفات عاديه جداااااااااااااا
وبسعر خيالي مدري ليش ياخوي حرام حتى (الايبي اس)(ABS) موموجود يا اخوي اهم ما علي سلامتي
والله حرام
بخصوص الهايلوكس
لا تقعد تقول ييصبر تلعب على مين
من 98 الى 2001 انا معك بعير ما يظره اي شي ابداااااااااع لا ومصنع في اليابان انا معك
لاكن من عام 2002وفوق قل عليه السلام
1- القير مع الجلد والكرف ما يكمل 20000الا وهو طايح بالله وين الجوده
مزعجينا تويوتا وتويوتا وبعد هذا كله شف السعر الحمد لله بس
2-المكينه توظب بعد 200000في حال الجلدوالكرف(((((مجرب من احد اصقائي واعرف معرفه تامه)))))))))))
مع اني عندنا98وماشي 270000وانواع الكرف كل اخواني مروعليه وتفحيط وتتطعيس مره مطيح ومره مرفع ولعب على كيف كيفك بس المكينه صافيه الى اللحين ولا انسى الهايلوكس مروحته زفت لو تلاظ الددسن حاطين مروحه تساعد اما الهايلوكس وقف نصف ساعه الظهر وش الحراره تتعدى المكان الطبيعي
3- البخاخ البنزين طبعاااا
اذا كرفته شوي كلها سنه وحده بدا يبخ مع الشكمان اسود
اذا اعطيته من نمر النمره بخ اسود تقوووول ديزل
(>>بخلاف الددسن النيسان اجلد فيه ولا يدخن اسود))))
واذا مسكت خط على سرعه من 180 واكثر مسافه طويله رح بعد ما توقف تلقى الجه اللي لم الشكمان الجه اليسرى فيها سواد
لا وتقولي جوده اي جوده هذي سمعه تبتل تغنيبهااااااا الله يهديكم بس
ومجمع الهايلوكس في استراليا
اجل 2006مجمع في تايلند وش بيصر وما ابي احكم عليه اللحين(مع ان الحال باين من عنوانه)
والله لوتطيح المكينه قدامهم بيقولون لالالالال هذا تويوتاههههههههههههههههههههه
ويا اخي اللي مع كامري قديمه ومجلووووده شوي (يكتب وش غير فيها ونشوف
لاكن تجي وتقول افحطبها واللعن خامسها ولا خربت..,,,,,,,,,,,,قويه شوي
شف ااخوي انا وظحت لك الخربات المشهووووره بها تويوتا والمعروفه
لاكن انا ابيك تجي وتقولي وش عيوب الهيونداي لا تقولي كوريه ولا توصل مواصيل التويوتا
لان الكلام هذا كلام واحد عاجز عن توظيح الحقيقه صرااااحتا ما تدري وش تقول الكلمه اللي تعرفونها انها كوريه مع ان هذا مهب عيب كل ما قلنا شي قلتو كوريه
وبكل صراحه وبكل ثقه وانا اتحداك شخصياااا بالسوناتا الجديده اتحداك تكون الكامري الجديده افظل منها(((((((((((وانا معك في السوناتا ما تقارن بالكامري لان
وبكل صراحه مواصفات الكامري تقارن مع الالنترا صراحتااا وبدون اي زعل وجبلي فرق بينهن فروق بسيطه جدااااا ))))))))))
جبلي نقطه واقعيه واظحه (غير الكلمات الغامظه اللي متعلقين بها مثل جوده يابانيه وقويه تتحمل واشياء مانقدر نحكم بها)
يعني انا اقولك
لو قارنا بين السوناتا والكامري ناخذ السياحي مره من السيارتين لا وتلقى الفرق في السعر ههخه اقل شي 15000ريال والله لو انها من ذهب
(وترجعون تقولون تويوتا تحمل وقوه وصبر لان ماعندك الا هذي المقوله لانك ماتقدر تحاجني بغير هذا الكلام)
وانا باذن الله راح اسوي مقارنه كبيره بين السيارتين في موضوع مستقل وابين كل شي 0
وقبل لاننسى لاتقولي شف في كل الشوارع تلقى كامري
يا اخوي هذا ما يدل على شي ولا يوم انك تهمش السوناتاا بحجة انها كوريه ما شفت انتشار الاكسنت الرهيب والكل يشهدلها انها صبر غريب وهي صغيره في الحجم وانزل لشارع واسأل
مع انخفاض السعر والله شي يجنن
وهذي الايام قدامك وتشوف وشلون بيصير الهيونداي
رح شف الالنترا في المعارض شف الاسعار ارتفعت ارتفاع شنيع وغريب
والاكسنت والسوناتا الجديده الوظع تغير
اللي احب اوصله
ان ما فيه شي يدوم
والاول تحول
ورح اسال شايب وقله وش احسن واقوى سياره يقوله الله يرحم ايام اول مهب هالتنك اللي عندكم الامريكي وبس
وتغير الحال وشف وش صار في الامريكي وهذا اللي بيصير على ما اعتقد للياباني اذا استمر تطور الكوري وتفوقه
والعاقل اخوي اللي يحكم عقل مهب السمعه تجره وبس وهو مغمظ
واخوي الكورلا اللي تقول يكفي يكفي بس انها طبلون واحد هههههههههه ما صارت في الاكسنت
والله يوفقك ويعطيك خيرها ويكفيك شرها انشاء الله
وانا ابيك تجيبلي عيب واحد اشتهرت به السوناتا
مثل يعني الهايلوكس وردائة القير مثلا
مثل الدفعه في عام 2000اللي يطفي فيها الاسطب الخلفي او بعظه والمشكله التماس ((باللله وين الجوده اللي تستحق المبلغ كله))
ويكفيك ان الهيونداي اللي حاقرها بحجة انها كوريه ماخذه برائة اختراع في نظام سيطره على السياره وهو من اختراعها وتلقاه في السوناتا الفل 6سلندر0
وانتظر ردودكم
ياليت يااخوي تكون ردود واظحه وغير غامظه وكلام عام
وابيك تقول وش العيب اللي في السوناتا الجديده ولا الاكسنت ولا الالنترا
ابيك تقولي قدام الاعضاء ان العيب هذا موجود في السوناتا مثلا عشان اتفق ان الكوري مهب جوده
(ورجاءاااا بعد الكلام هذا كله لا يجي احد ويقول هذا كوري وهذ1ا ياباني ولا ما بعد وصلت لمستواها
اي مستوى ابغى اعرف كيف صنفت السيارتين وصارت السوناتا مهيب في مستوى الكامري وش النقاط اللي حددت هالشي
هذا انتم كلام من الراس بدون اي حقائق ابي الحقائق الله يسلمك عشان نشوف انا والاعضاء)
واسف على الاطاله وانتظر التعقيبات على احر من الجمر
والف شك لك اخوي الزاحف والاعضاء على سعة الصدر والبال الطويل
والسلام من عليكم ورحوة الله وبركاته
