جيب برادو أو جيب باجيرو 2007

يا هلا بك يا أبو عبدالملك

ماعليش الان انتبهت لها ضمن المواضيع المثبته
لكن كان حطيتوا خبر عنها في الموضوع هذا
على العموم مشكورين .

أخي ( الخل الوفي )
وين التجربة والتحدي والصور والكلام ذا كله
بصراحة توني قاري الموضوع من إلى في
جلسة واحدة ومااستمريت إلا عشان أشوف
النتيجة ؟؟؟؟
فأين هي ؟؟:(

أشكرك أخي أبو سارة على المشاركة الفعالة

طيب تبي نتناقش ..

تقول (( كل الي اعرفهم عندهم برادو صار معاهم مشاكل بالفرامل ))

إذا كل الناس الي تعرفهم عندهم مشاكل ..

هذا يعني أن السياره مشهوره بالشيء هذا ..

ولكن .. من تجرتبي الشخصية

ومن إنتشار البرادو الكبير ..

فأقول لك ..

يدل أن هناك مبالغة كبيره جداً في تجربتك .. وقد تكون سياراتك صايبتها عين

(( روح أقرأ عليها ))

((و خرب معاي التكييف مرتين مع انه صارله سنه عندي ))

قلتلك روح أقرأ عليها ,, لأن مشكلتين خلال سنة .. لاتحصل في أغلب السيارات الجديده
إلا إذا كان هناك سوء إستخدام .. أو عيب تصنيعي .. أو عين قوية ضربت سياراتك


(( و مرات يحتر الظهر بالصيف ))

تصدق أني أنام أحياناً بالخط ظهراً وأنا مسافر .. ومشغل المكيف .. والحمدلله ..
الحراراه ثابته وماتتغير

أكيد البرادو الي عندك فيه مشكله .. الحق على الوكالة قبل يخلص الضمان


خطر جدا على الخط , يعني ما تقدر تسرع فيه لأنه مو ثابت على الخط

يعني تقصد بالسرعه 180 او 190

وقتها بتكون كل السيارات خطر وخصوصاً الجيوب

لكن بحدود 120 إلى 160 فهو آمن بالنسبة إلى جيب مرتفع جداً

وعلى فكرة
الجويب ماصنعت علشان السرعه ..
ولكنها مصممه للطرق وللبر

فلابد التضيحه بشيء على حساب شيء آخر

وهذا الشيء ليس خاص بالبرادو

بل بأغلب السيارات ذات الدفع الرباعي

قاصين عالعالم تويوتا
نفس السيارات بأسماء أخرى
اف جي كروزر شاصيه و مكينته مكينة برادو
البرادو 2.7 مكينته مكينة هيلوكس
اما الفورتشنر إذا 4.0 نفس مكينة البرادو و اف جي كروزر بس شاصيه شاصي هيلوكس

هذا إيش علاقته بتجربتك ..

بالعكس

هذا الكلام يدل على أن لديك مشكلة شخصية ليس مع البرادو فقط

ولكن مع تويوتا

علشان كذا

كنت أقولك

إذا مو مقتنع بالسياره .. ليش تشتريها من الأصل ؟؟

أو جتك غصباً عنك ؟؟



انا ما اذكر عيوب البرادو علشان ابيعه او افتك منه

لكن العيوب الي ذكرتها .. ماهي بسيطه علشان تسكت عليها

أي إنسان يشوف هالعيوب في سيارته .. أكيد .. بيتخلص منها

وخصوصاً إذا المسأله (( فرامل ,, إنقلاب ))

أو حتى (( تكييف ))


وبالنسبه لردي أعلاه والله مافي ولا حرف قص و لصق مثل ما تقول
كله من كتابتي بالكيبورد و ليس قص و لصق

لما أقول قص ولصق ..

ما أقصد هذا المعنى بالتحديد .. ولكن ما أقصده

نفس الكلام ونفس المعنى .. في كل موضوع ذكر فيه البرادو أو لم يذكر


وأكرر وأقول .. مما يدل على أن السألة ليست مسألة سياره وجربتها ..

ولكن .. لديك مشكلة مع التويوتا بشكل عام أو مع البرادو بشكل خاص .

والمشكلة

شاري برادو
وحاط بالصوره الرمزيه لاند كروزر ..
وبالأخير تسب التويوتا

يا أخي ...

عجزت .. أفهمك


بعدين شلون تروح تحرق سيارة بس علشان ما عجبتك
هذا بذخ و إسراف يابو ساره

نفس الرد السابق
لايعني هذا الكلام حرفياً
(( من المعروف أن الحريق خسائر ))

و يعني أبيعها ولو بخساره كبيره .. المهم أتخلص منها


أخوي

توكل على الله وروح بيع سياراتك وأشتري أي سياره ثانيه

لكن ما أقول إلا

الله يعين السياره الي بتاخذها بعد كذا .. إذا كان حظك بالسيارات تعبان

ابو ساره
انا ما اذكر عيوب البرادو علشان ابيعه او افتك منه
انا اكتب تجربتي علشان الاخوان يستفيدون

وبالنسبه لردي أعلاه والله مافي ولا حرف قص و لصق مثل ما تقول
كله من كتابتي بالكيبورد و ليس قص و لصق

و على فكره حتى لو بعت البرادو
راح ارجع و أكتب تجربتي عنه علشان الأخوان يستفيدون

المنتدى هنا لتبادل الخبرات من أراء المجربين يابو ساره

بعدين شلون تروح تحرق سيارة بس علشان ما عجبتك
هذا بذخ و إسراف يابو ساره

أخوس نسناس ...

كل موضوع أدخله .. الاقي نفس الكلام الي أنت كاتبه ..

كأنه قص ولصق ..

وكلام هذا غريب جداً .. بالنسبة لسيارات تويوتا

والأغرب أن السياره لسه عندك .. من سنه ..

ونظامها تأجير ..

يعني بسهوله تتخلص منها .. وتشتري أي سياره ثانيه ..

لكن واضح أن الأمر مو مسألة سياره برادو وفيها عطل ..

يالشيخ فيه ناس .. من أول عطل بسيط والسياره جديده .. يتخلص منها

لكن ..

صبرك عليها سنه

يدل أن السياره ماشيه معك من أحلى مايكون

وكل هالمشاكل الي تشوفها .. ماهي إلا مشاكل (( خاصه بك أنت ))

..

بانسبة لي .. وفيه أكثر من واحد أعرفه

السياره ماشيه معنى تمام التمام .. وبدون أي مشاكل ...

يعني بس بنزين وزيت وسيفون

وهذا الكلام مو بس بسنه ..

أكثر من سنتين ..

علشان كذا

نصيحتي .. لك

من بكره روح رجع البرادو او بيعه أو حتى أحرقه .. وروح أشتر أي سياره ثانيه
مايخرب مكيفها مرتين
ولا يخرب بريكها
ولا خطيره بالطريق وتقلب
ولا تشبه سيارات ثانيه
ولا غاليه
ولا تويوتا



بصراحه
أول مره أشوف واحد يشتري سياره مو مقتنع فيها

يا أخي ليش شريتها من الأساس ...


وأخيراً

نصيحتي للي يبي يشتري برادو ..

وبكلام يسألني عنه الله

توكل على الله .. وإذا السياره تناسب إستخداماتك ..

فالسياره أكثر من رائعه .. وهادئة .. وقويه .. وتصبر بشكل كبير جداً

لأن سيارتي خلال سنتين.. مشيت عليها بالبر وبالطين وبالطعوس .. الآف الكيلو مترات وبدون رحمه
ومع كذا
ولا عمرها أشتكت من شيء .

صحيح اخوي مسعد
ليس هذا فقط
انا عندي برادو 2006 الحين 6 سلندر و فل اوبشن
بس ما ارتحت منه
كله مشاكل في مشاكل
كل الي اعرفهم عندهم برادو صار معاهم مشاكل بالفرامل
و خرب معاي التكييف مرتين مع انه صارله سنه عندي
و مرات يحتر الظهر بالصيف
و خطر جدا على الخط , يعني ما تقدر تسرع فيه لأنه مو ثابت على الخط

الي عندهم برادو اشتكوا من نفس المشاكل , فرامل , تكييف , حراره
لو تراجع المواضيع اللي عن البرادو تشوفهم يشتكون من هذة الشغلات

أنصحكم يا خوان أنحاشوا من البرادو كله مشاكل
شوف لك جيب أأمن و أقل أعطال
مثل الباجيرو و غيره من الجيوب الأخرى

قاصين عالعالم تويوتا
نفس السيارات بأسماء أخرى
اف جي كروزر شاصيه و مكينته مكينة برادو
البرادو 2.7 مكينته مكينة هيلوكس
اما الفورتشنر إذا 4.0 نفس مكينة البرادو و اف جي كروزر بس شاصيه شاصي هيلوكس :D

طبعا ياخى الباجيرو افخم وفي شكلها عظمة00000000000 والعظمة العظما لله الواحد الاحد000000 صاحب الجبروت والملكوت

أشكرك على الإضافة القيمة أخوي عبدالصمد.

يااخوان انا جربت الباجيروا 2004 حسيت انه ثقيل في القومه مررررررة

وجربت الباثفندر 2004 وجدت انه سريع وقوي وسيارة تجمع بين سيارة مدينة وبر

ام البرادو لم اجربه

والله نظام تعليق الباجيرو عليه مآخذ الصراحة. إقرأ المشاركة التالية وجميع الردود، ومقارنة تعليق الباجيرو بتعليق اللاند كروزر إللي هو شبيه بالباردو:
http://www.assayyarat.com/forums/showthread.php?t=101816

قارنت كثيرًا بين البرادو والباجيرو
كل شخص يفضل إحدى السيارتين لأنه ينظر إلى الأمر بنظرة تختلف عن الآخر
أي يهتم بجانب معين قد لا يراه غيره مهمًا
فمثلا ً قد يهتم شخص بارتفاع السيارة عن الأرض أكثر من الجوانب الأخرى
قد يهتم شخص بمسألة السعر أو السعة أكثر من قوة الماكينة 0000 وهكذا
من هنا تختلف نظرة كل شخص
كلا السيارتين رائعتين بمعنى الكلمة ومعذور من يحتار فيهما
من ناحيتي أفضل البرادو للأسباب التالية : ( رأي شخصي )
الديكور الداخلي للبرادو أجمل بكثير
ارتفاع البرادو عن الباجيرو ( هذه مسألة مهمة بالنسبة لي )
اسم الشركة والوكيل أفضل
صوت هواء النوافذ في البرادو معدوم ( من واقع تجربة )
السعة في البرادو كافية لثمانية أشخاص كبار
أخيرًا الشكل الخارجي للبرادو أجمل
يتميز الباجيرو بسعره المعقول بعكس البرادو المبالغ فيه

يالحبيب، اللاند كروزر شيء والسفاري شيء آخر :D

والله بعد ماشفت الباجيرو 2007 قدرت شركة ميستوبيشي

سياره فعلا تقارن با لاندكروزر السفاري من ناحية القوة والسلامه

اما الداخليه فعلا جميله وموصفات عاليه
العيب الوحيد في السياره قطع الغيار غالي شوي وسعره يطيح اذا تبي تبيع

إذا كانت تقوم على الثاني كفت ووفت، وما قصرت. ما نبغاها تقوم على الثالث. الله لا يهينك.

أما بالنسبة للتجربة، أقصد مشاويرك الاعتيادية، ما أقصد إنك تتمشى لمجرد التجربة. عموماً، لا يكلف الله نفساً إلا وسعها.