اخي الخل الوفي: شكرا على التجربة الجميلة
انا من فترة افكر اشتري سيارة عائلية وخفيفة وكان اختياري على هذا النوع بالذات بعد ان درسته من جميع النواحي وكان ينقصني ان أسأل من لدية هذة السيارة وهاقد اجبت عن جميع استفساراتي بقرائتي لتجربتك في الاماكن الجبلية وبقي لدي بعض الأسئلة:
1- هل اداء القير الاتوماتيك(5 سرعات) ممتاز عند استخدامك في الأماكن الجبلية وغيرها؟ ام ان القير العادي أفضل؟ وما هو الوضع الذي تستخدمة عند الطلوع او النزول للقير؟ (ارجوا الاجابة بشكل دقيق لأن هذا يحدد اختياري وايضا بحكم وجودي في منطقة جبلية)
2- لاحظت ان داخل السيارة لا يحتوي على تخشيبة مثل الهايلكس فهل هناك اكسسوارات لهذة السيارة من الداخل و الخارج يمكن اضافتها؟ (بالتفصيل)
3-كيف استهلاك البنزين داخل المدينة؟
4-كيف أداء المكيف(امامي+خلفي) لإن بعض المنتديات شككت في أداءة؟ وهل توجد ثلاجة(تبريد+تجميد) خارجية يمكن إضافتها في مكان مناسب داخل السيارة؟
وآسف على الإطالة...
1. بالنسبة للقير الأوتوماتيك، الحقيقة قيرها عملي جداً وأنا أشوف إنه يغني عن القير العايدي في جميع الظروف، حتى عند طلوع المناطق الوعرة أو عند التطعيس في الرمال الناعمة. وفي هذه التجربة حطيت على الدبل الثقيل، شغلت الدف لوك الخلفي، ومشيت السيارة على القير الثاني. لكن مع أني أجزم إنه القير الأوتوماتيك رح يأدي الغرض بالنسبة لك، فأنا أفضل القير العايدي، وندمت إني أخذت أوتوماتيك. خصوصاً أنك في منطقة جبلية، العايدي أكيد رح يكون أكثر عملية.
إنك تسوق السيارة طول عمرها في مناطق جبلية شيء، وإنك تطلع فيها مرة أو مرتين في السنة، أو حتى في الشهر، شيء آخر.
2. يوجد إكسسوارات تخشيب، لكني أشوف إن موديل الست سلندر يجي فيه تزيين جميل، أجمل من التخشيب، إللي هو اللون الفضي على الطبلون وحول القير وعند الأبواب. يغنيك عن التخشيب. وإذا تبغى تخشيب موجود، سواء في الوكالة أو عند العليان بالرياض.
3. ممتاز جداً. إلا أن السيارة يعيبها إن خزان الوقود فيها جداً صغير، أصغر من خزان سيارات السيدان. 65 لتر فقط. يعني تعبيها فل تقريباً بـ 34 ريال إذا كان أول ما تولع لمبة البنزين، طبعاً بنزين 95 وليس 91. فتمشيك 400 كيلو إذا سواقتك هادئة في داخل المدينة، و430 في السفر. والسيارة ممكن تاخذ بنزين 95 أو 91، لكن الأفضل، بحسب الكتلوج، 95. لكن إذا كانت مأزمة وما لقيت محطة فيها 95، زي بعض محطات خطوط السفر الصغيرة، أعبيها 91، لكن نادراً.
4. المكيف جبار، السيارة إذا خليتها في الشمس في عز الصيف، وبعدين شغلتها وشغلت المكيف على الآخر، السيارة تبرد كلها في لحظات، خصوصاً مع تشغيل المكيف الخلفي. وللعلم، جربت الطوارق مؤخراً، ورح أكتب فيه مقال، ومكيفها لا يقارن بمكيف سيارتي.
يمكن تركيب ثلاجة خارجية في صندوق السيارة، وفيها فتحة كهرباء في الخلف، مكان كافي.
عيوب السيارة:
1. صغر خزان الوقود، في نظري أكبر عيب
2. عند فتح الصف الثالث من المقاعد، ما يبقى إلا مكان بسيط جداً للعفش. يعني لازم تلقى حل آخر للعفش، مثل الصندوق إللي فوق السيارة إللي في الصور.
3. خامات الطبلون ردئة نوعاً ما
إذا أخذتها، تأكد إن فيها مثبت سرعة، لا يلعبون عليك. موديلات 2007 قير أوتوماتيك فيها مثبت سرعة، سواء كانت VX1 أو VX2.
