بشرى لعشاق ال FJ كروزر

مواصفاتها حلوة، لكن وجهيتها ماخشت مزاجي، والداخلية (كالعادة) عادية

هذي صفحة "التجربة طويلة الأمد" من موقع ادموندز لهذي السيارة
http://blogs.edmunds.com/roadtests/category/cat.2007ToyotaFJCruiser

هلا ياشباب

السيارة اشوفها هنا بكندا كثير و أقدر اقول انها نجحت بشكل كبير.... في إشاعة في النت إنها راح تتوفر بسقف بانوراما لكن يظل الكلام هاذا اشاعة


السيارة الحقيقة كبيرة و شكلها مميز من برا لكنها من الداخل من ذاك الزود لكن السيارة مبنية عشان تستحمل يعني من جد لك و للزمن و يمكنك غسلها من الداخل بهوز موية إذا حبيت

زي ماقلت السيارة ناجحة و تشوفها بأعداد معقولة في الشوارع لكن من قرائتي شفت إن في كم شغلة ماعجبت الناس في السيارة و هي ضيق الكراسي الخلفية و صعوبة الرؤية خلف السيارة خصوصا عند محاولة توقيف السيارة في موقف سيارات أو ماشابة..... غير هالشغلتين.... أتوقع السيارة ماعليها كلام خصوصا انها واسعة من قدام

بالنسبة للشكل.... السيارة شكلها مميز و أي سيارة شكلها مميز بتلقى ناس مرة تعجبهم و ناس مرة ما تدخل مزاجهم..... انا كنت من الناس إلي ماعجبتهم السيارة في البداية لكن ما أدري أشوف إن يوم عن يوم السيارة بادية تعجبني


الصراحة خبر حلو إنها راح تنزل عندنا في السعودية و الحقيقة أشوف سعرها معقول خصوصا إذا أخذنا جودة التصنيع بالحسبان....أتوقع الإف جي كروزر راح تكون من السيارات إلي ممكن تعيش معاك سنيييين من غير ما تقول شي.....

على فكرة.... السيارة مايجي معها نافيجيشن لكن ممكن تشتريها في امريكا بنفيجيشن جارمن يدوي و لة مكان مخصص للنافيجيشن (درج صغير) قدام السواق....... لمني لاحظت إن في ناس من الي شرو السيارة إنهم حطو شاشة نافيجيشن pioneer بدال المسجل.... رأي الشخصي ان الواحد يسوي كذا إذا شرا السيارة و يبدل مسجل أبو جميل الفاشل بشاشة نافيجيشن....أتوقع و إن ماكنت متأكد إن في شاشات kenwood موجودة عندنا ممكن تركب بشكل ممتاز عالسيارة

ياخوان حرام الي قاعد تسوونه في انفسكم
هذا برادو معدل
مكينة و شاصي و يمكن شغلات كثيرة بعد
تسويقة سهل عندنا نظرا لقصر نظر المستهلك هنا

شوفوا شلون فشل بأمريكا
و بعدين شوفوا سعره
بأمريكا أغلى ولاية سعره 23,700 دولار
يعني سعره المفروض اقل من 88,000 ريال

سعرها بالكويت أكثر من 11,000 دينار
شيء مو طبيعي
و المكاتب التجارية شغاله بهالإعلانات و المستهلك لك عليه و بجيبه فلوس بس يبي يصرفها :D
هاذي السيارة ما تسوى سعرها
.

أوكي نبغي شي أكيددددددددددددددددددددددددددددددددددددددددددد أو إي صوره تأكد نزوله

صدقوني يا اخوان من خلال اطلاعى على مقاطع الفديو لهالسياره انها سياره لا يعلى عليها من القوه والقدره على التكيف على جميع الظروف

اتمنى نزولها للخليج لانها السياره التى حتلبي طلب شريحه كبيره من هواة المغامرات والرحلات

ولكم تحياتي

يا جماعة إنتم في البر و الطعوس و تسلق الجبال تحتاجون إلى عزم اهم من اي امر اخر - مشكورين جميع

بصراحه تناقشون عن التسارع خل نشوفه اول واصل وكلالة الخليج بعدين نتناقش عن التسارع

صحيح أخ راعي الصابونه
أعتقد اف جي كروزر مناسب جدا للجنس الناعم
عندنا بالكويت المظاهر و الخمبقه مالها أول ولا تالي
أوافيكم بتقرير بذلك

مراسل السيارات دوت كوم: نسناس
:D

حاليا بصراحة سيارة البنات المرغوبه , انفينيتي FX35 , البرادو , لكزس RX و هوندا CRV

الأخ يودا، أتفق معك 100%.

سعره مناسب جدا .. اذا اخذنا بالاعتبار ان الربع او ونش قزاز كهرب احيانا يوصل المية وخمسة واحيانا يوصل المية وعشره ..!!

يعني مناسب نقول :) ... مع اني متوقع انه راح يرتفع اكثر من هذا السعر

الكل يهتم بالتسارع ليش من الي ما يهتم بالتسارع؟ إلا أذا كان بارد ولا شايب |11|

وهو أصلا علشان تعرف كيف قوة السيارة في القومة تعرف المكينة صدق نشيطة أو ما عندك أحد

وعلى طاري التيربو ما يصير تركب تيربو |5|

بقاوم ركب توين تيربو تشارج على NOS على هدرز على .... الخ :D

الخل الوفي مشكور على الرد . لكن والله اتوقع الجنس الناعم ياخذون هالجيب كلش يصير هالايام

حرام هذا السعر عليه
110 الف ريال
التاهو 2007 ب 109 الف ريال
برادو ملفـّق على شكل آخر

أول ما أجربه أكتب رأيي عنه أن شاء الله
بس ما يسوى سعره يا إخوان
هذا اذا سعره 110 الف

أنصحكم تجربونه قبل شرائه
يمكن فيه عيوب مصنعية
لأن البرادو مصنوع من 2003 و الى الآن فيه عيوب كثيرة
المشكلة العيوب المصنعية ما تطلع في يوم أو يومين مرات سنه و سنتين و يمكن 3 سنوات

أنا أنصحكم بالإنتظار قبل شرائه

كل منهما فئة مختلفة. الراف فور ليس للطرق الوعرة، بل للقيادة الهادئة في داخل المدينة والخطوط فقط. وهذه الفئة لها زبائنها الكثر، خصوصاً الجنس الناعم. يعني لو تجيب واحدة من الجنس الناعم وتخيرها بين الراف فور والإف جي كروزر، إيش تتوقع تختار؟

والآن صارت كثير من الشركات التي كانت مخصصة فقط لسيارات الطرق الوعرة تدخل في سوق سيارات الكروس أوفر، مثل جيب في كومباس ولاندروفر في الفري لاندر والـ LR2.

التسارع ليس من أجل السباق، بل لأخذ فكرة عن قوة المحرك. وتركيب التيربو يقصر من عمر المحرك ويضع ضغط عالي على القير والدفرنسات التي لم تكن مصممة لتحمله.

بالفعل في موقع Edmunds التسارع المذكور 7.8، لكن أنا أعتبره مبالغ فيه جداً، ولا أصدقه. لأنه منطقياً غير معقول، بالنسبة لوزن السيارة وقوة المحرك.


ومهما كان، نيسان إكستيرا أقوى وأسرع. لكن...

لو أنا مخير بينهما، آخذ إف جي كروزر، حتى لو كان أضعف بقليل في المكينة. لأن النيسان أمريكي، والإف جي كروزر ياباني 100%، كل مسمار فيه ياباني. هذا بالإضافة إلى توفر نظام Active Traction Control للكفرات الأمامية، للتعويض عن عدم توفر قفل دفرنس أمامي، وهذا النظام غير متوفر في النيسان. وهو كما أسلفت يختلف عن نظام التراكشن كنترول العايدي، فالعايدي مبرمج لأفضل أداء على الشوارع والطرق المعبدة، أما الآخر فهو مبرمج لإعطاء أعلى كفاءة ممكنة على الطرق غير المعبدة والصخرية.

كلاهما يتوفران مع قفل دفرنس خلفي كخاصية أساسية.

أخوي أبو أسد، اللاند كروزر VXR تسارعه تقريبا 10 ثواني.

من ناحية التسارع يفرق من بلد لبلد عندهم براد وحنا حر والبنزين المستعمل اي اوكتين ال91او95او98سوال

ليش التسارع مهم بتروح تقاوم فيه ولا اذا كان كذا انصحكم تركبو تيربو وريح راسك...

طيب يا حلوين ليش ماتقطع شركة تويوتا الراف فور و يستبدل بهالجيب ؟؟؟؟؟؟؟؟؟؟

تسارع تويوتا أف جي كروزر هو 7.8 ثواني لناقل الحركة الآلي

والأخ عبدالعزيز صادق في كلامه

ماعندي مصدر اخوي

لاكن ترددت هذه الصفه في صفحات النت

واولهم اخونا ابو اسد

نزل موضوع متكامل عن السياره وموصفاتها

وتسارعها ايضا

يعني لو تسوي بحث للموضوع بالمنتدى بتحصله ان شاء الله

هذا التسارع صحيح وأجيب لك المصدر

www.edmunds.com

المصدر هذا هو وأنا جايب المعلومة منه ما أدري من وين الرابط بالضبط فيه لكن أدخل على رابط التجارب او تجارب الفيديو وراح تجد فيه المعلومة حتى أنا شفت تجربة بالفيديو وراح تتأكد من معلومتي

ثانيا ليش الأف جي كروزر ما يجيب هذا التسارع؟
جمسي جايب تسارع على الطبيعة وكنت مسجلها فيديو وأرسلتها لواحد بس أنحذفت وهي كانت 8 ثواني على ناقل حركة آلي (قولو ماشاء الله)

التسارع الي 9 ثواني هذا فقط للاندكروزر فيكسار :D وزود عليه نصف ثانية علشان يكون تسارعه الحقيقي الي قريته في المجلات مع أني أعتقد أنه أسرع تسارع يجيبه كذا طبعا على ناقل الحركة الآلي أقصد

أخوك أبــــــوأســــــد|3|