السلام عليكم ورحمة الله وبركاته
الأخوة الكرام انا من متابعين المنتدى من فترة شهرين تقريبا
وبصراحه انا راعي بر وطعوس 1000 بالمليون بس كل فترة تطعيسي على السيارات التالية
والرجاء بدون ضحك وتريقة:mad:
الددسن <<< تقطيع نفود القصيم بأوقات الربيع
الجمس حوض<<< تقطيع نفود الله اعلم بحالتها وقت الحطب!!
فورد كراون فاكتوريا<<< لا تستغرب وتشهد لها طعوس ام رقيبة وأم الجماجم
كلها بوقت الأمطار وإلا الصيف يفتح الله |4|
وكما تلاحظ عزيزي المشاهد كلها سيارات دفع خلفي يعني ما اعرف الدفع الرباعي إلا مرات قليلة:confused:
وفي ظل العولمة والناس قامت تشري الدفع الرباعي لو انه ما قد طلع البر بس اسم انه يشخص
قلت ما فيش حد احسن من حد :D وبصراحه نويت اكون من اصحاب الدفع الرباعي<<< من بدري يالدب
ما لكم بالطويلة وقفت مطولا اما الفورتشنر وبصراحه اعجبتني قوتها وشفت اغلب الأفلام عنها وهي تقطع أنهار وجليد <<< ما لك بها لزوم في نجد اجل
ومقطع عن تجربتها والمرونة الشديدة اللي فيها
لكن الحلو ما يكملش من الداخل كأنك ناوي تسرق عبداللطيف جميل ماتقول سيارة قيمتها بـ 100.000 ما حولك اي نوع من الرفاهية
وبعد بحث وتمحيص شفت الراف فور بنت الحلال على قدها بس اهم شيء الأخلاق ومن الداخل يا سلااااااااام حتى مثبت السرعة بالطارة <<< توك تتطور يا ابو جميل
وبعدين قالو لي دفع رباعي مستمر ،، مع العلم انه بموقع تويوتا ايضا الفورتشنر دفع رباعي مستمر؟؟
يا اخوان انا اطلع للبر في المناسبات والاعياد والأمطار والصيد والرحلات المحفوفة بالمخاطر <<< يا قوي انت
وأغلب وقتي في المدن وامسك خط كل خميس وجمعة <<< شكلهم بيشوتونك يا القصمنجي ما زحم الرياض غيركم:p
نجي للمسابقة :
السؤال الأول يقول:
فأيش ترشحون لي مع العلم ان الراف فور جي إل بـ 90 ألف ريال
والفورتشنر بـ 97 ألف ريال يعني الفرق 7 آلاف ريال؟
والسؤال الثاني يقول:
هل يمكن فصل الدفع الأمامي في الفورتشنر او الراف فور وجعله يشتغل يدوياً يعني اشغله متى ما أبي وأطفيه متى ما أبي وأمي:D <<< مسوي دم خفيف
والسؤال الثالث:
كم راح ابيع السيارة بعد 5 سنوات لكليهما يعني وش اللي يمسك سعره ووش هو اللي لك وللزمن
والسؤال الرابع:
هل يضر الدفع الرباعي المستمر بالسيارة وهل يوجد صيانة معينة للدفرنشين؟
وآسف على الإطالة وارجو منكم التكرم بالدخول وإدلاء دلوكم بالموضوع
واذا ما جاوبتوني راح ازعل
وزعلي اقشر :mad:
يعني ادعي عليكم كل واحد تبنشر سيارته وهو واقف :rolleyes: <<< بسم الله عليكم
