خبر مهم و جميل عن الباجيرو 2008

عفوا أخوي ولكن أنا لم أتطرق للمقارنه بين سعر السيارتين ولا حتى برد من ردودي السابقه في أي موضوع !

ولم أذكر موضوع التربترونيك في ردي السابق!

واللنك اللي إنت حطيته لمقارنة الباجيرو بالبرادو، فأكثر المعلومات اللي فيه عن الباجيرو غلط في خلاف ما تم تصحيحه من خلال الإخوه في الردود اللاحقه!

وموضع الـ 4LLc منطقيا هو لإعطاء أقصى عزم على الـ RPM الواطي والهدف منه هو تسلق الكثبان الصعبه..

في الكروزر أنا معاك إن نحط الدبل على اللو وكذلك في البرادو، ولكن يا عزيزي الحال مختلف في الباجيرو لأنك ببساطه ما تحتاجه وماني محتاج أسأل خبير، الأفضل لك إنك تشوفلك 3.8 وتجربه بنفسك

مثل حال الباترول الفتك، ما يحتاج إنك تحط الدبل في اللو لأن الباترول يمشي حاله وبكل مرونه على الهاي ولا بعد هذي يبالي أسأل فيها خبير ؟؟

عموما

هذي صورة زر الدف الخلفي من الكتاتلوج وهو نفس الزر في نفس المكان لموديلات 2008 وهو تجهيز قياسي مصنعي ولكن الوكيل الإماراتي طلبه كتجهيز قياسي على الـ 3.8 القصير والطويل لموديلات 2008




وهذي صورة توضح وضعية الدف الوسطي وتكمن على وضعية الـ 4HLc




ودي لو الصور كانت من سيارتي ولكن لظروف خارجه عن إاردتي تأخر موعد التسليم

تحياتي

أنا ما قلت البرادو فيه تب ترونك. أنا قلت أن فيه خاصية تقويم السيارة على الثاني.



بل مهم، خصوصاً عند التغريز. واسأل الخبراء.

وأنا ما قارنت بينهم، أنا ما قلت أن هذه المواصفات غير موجودة بالباجيرو، ولذلك أرفقت رابط للمقارنة بينهما مفصلة ودقيقة. أنا ذكرت مميزات البرادو.

وأستغرب من إللي يقول: سعر الباجيرو حلو، البرادو غالي؟! الإثنين نفس السعر تقريباً!




أبغاك ترفق صورة للزر. ما أقصد استفزك، لكن أنا شاك إنك ملخبط بينه وبين شيء آخر.

موضوع يفيد اكثر الاخوان اللي احتاروا بين الباجيرو والبرادو

لذلك اتمنى من مشرف القسم تثبيت الموضوع لتعم الفائده

الباجيرو

شكل ممتاز و جديد

قوة وياباني 100%

اخي الكريم اذا انت بتستعمل خذ الباجيرو ولا تشاور

بس يعيب الباجيرو

وكيله سيء جداً واسواء وكيل بالسعوديه واهتمامه كله منصب على الشركات والحكومه

اما الافراد فهم اخر اهتمامتهم




يتغلب البرادو على الباجيرو فقط بالثلاجه

اما من ناحيه شكل البرادو سيء وقديم

لو انا المخير لن امتلك الا باجيرو

اخي عليك بالاستخاره

والله يوفقك

شكرا يا ملك الباجيرو

كم أسعار القطع اللى غيرتها ؟؟؟؟؟؟؟؟؟؟؟؟؟؟؟؟؟؟؟؟

أرسلتلك رسالة على الخاص


و شكككككككككككككككككككككككككككككككككككككرا جزيلا

على فكرة أخوي البنشري

وش صار عليك أنت و الخل الوفي ؟؟؟؟ طلعتو الجبل خلف أسواق بن داواد ؟؟؟؟

و كل عام و أنتم بخير

هلا و غلا خبير الباجيرو

شكرا على مرورك ........ و جاري البحث و قرأة مواضيعك

لكن بالامانة وش طلب منك الباجيرو قطع غيار خلال أستعمالك لة طول هالمدة ؟؟؟؟؟؟؟؟؟؟؟؟؟



و كل عام و أنتم بخير تقبل الله منا و منكم الصيام و القيام

باجوري رايع واطلق من تايوتا الندكروزل 100الف مره انا مستخدم باجوري وكذالك اتايوتا الصالون تعبان والصالون له عيوب في استخدام البر اسئل مجرب الصالون شكل عائلي فقط وسمعه

الحمد الله على كل حال أخوي Death_|Like

نصيحة لوجة الله اذا بغيت تستلم السيارة أستلمها في النهار هذة نقطة مهمة

و لا توقع على الاستلام السيارة الا اذا شيكت ( فحصت ) السيارة 100 / 100


في حفظ الله و رعايتة

كل عام و أنتم بخير و عيدكم مبارك

شكرا على حرصك أخوي صالح وعلى النصيحه

:rolleyes:

السلام عليكم

الله يعينك ويعوضك خير
لاكن انتبه اذا جيت تستلم السيارة شيك علي البدي تمام لايكون يصلحونها ويبيعونها عليك على انها سيارة ثانية ترى بعض الوكالات يسوونها ولا يقولون

والله من وجهة نظري المتواضعه حرام تحتار اصلا بين الاثنين
اكيد الباجيرو احسن واقوى ومواصفات اكثر بعدين انت مشتري السيارة
عشان تركبها وتمتع نفسك ولا مشتريها عشان لما تبيعها بعد سنتين ولا ثلاث
تحصل فيها سعر اعلى (هذا رد على من يقول سعر التيوتا اعلى بعد البيع)
لان هاذي هي الميزة اللي تميز البرادو اما الباقي كلة لصالح الباجيرو
والله يقدم اللي فيه الخير
تحياتي...

اكييييد باجيرو البرادو سعره غالي و البجيرو شكله احلى

هلا أخوي..

كان المفروض أستلم الموتر صباح اليوم الخميس الموافق 11/10/2007 ولكن إتصلوا وقالوا:

سيارتك دعمت سياره ثانيه (باجيرو قصير 3.0 أسود) أثناء التحميل في الميناء وبنردهم الثنتين لليابان

والله كنت متعشم أعيد فيها ولكن ما باليد حيله والحمدلله على كل حال

عطوني خيارين، إما أخذ اللون الرصاصي الغامج أو أنتظر نفس اللون اللي كنت حاجزه لين أول شهر 11 واللون هو الأبيض اللؤلؤي

بالنسبه للنافيجيشن ما شي أخوي إلا طلبيه..

دمتم بود

هلا وغلا بالعضو النشيط جدا Death_Like


شكرا على المعلومات الكبيرة و الكثيرة و اللتى تدل على ثقافة عالية بسيارتك ...

و مبروك الباجيرو الجديد 2008 .... بشر أستلمته أو بعد العيد

الله يعطيك من خيرة و يكفيك شرة

في ردك على أخونا الخل الوفي نسيت تذكر الانوار الزينون

بشر عسى النفقنيشن ( نظام الملاحة) نزل عندكم في الامارات الحبيبة في موديل 2008 مثل عندنا في السعودية ....


و شكرا على مداخلتك |3| |3|

والباجيرو مافيه نظام ASC ؟ وهذا بروحه يكفي للي يعرفونه بس

لتلسق الطرق الوعره + هبوط المنحدرات + المنعطفات + الطرق الزلقه

وما فيه نظام MIVEC ؟ اللي يقفل أحد الصمامات الثنائيه لدخول الهواء من خلال الفلتر، هذا ما يفيد ؟

ونظام التعليق المستقل ؟ هذا مو كنه أفضل من المحور الصلب ؟

والدف اللوك ؟ بعد مو مهم ؟

وبالنسبه للدبل الثقيل، الـ 4Llc، أنا أتحدى أي واحد عنده باجيرو إحتاج يستخدمه

يوم الـ 3.0 كان عندي ما شغلت الدبل الثجيل إلا لضرب الندود الصعبه !

كل مشيي في البر كان على الـ 4HLc وهذا في البداير

ونظام التحكم في المساعدات اللي البرادو، والكروزر الثمانيه ؟ شو يفيد ؟ جربته ؟

كل اللي عندهم النظام وأنا أولهم نقول ما له فايده وخساره فيه البيزات !

لأنه بين الأربع درجات من أول طقه في كومفورت لين أخر طقه في سبورت، ما تحس بشي والتجارب أثبتت إن الفرق 10% فقط

ونظام الهيدروليك اللي في البرادو والكروزر الثمانيه ؟ شو يفيد ؟ جربته أخوي ؟

ما تعرف إن السياره ترجع لمستوى الإرتفاع الطبيعي بعد الـ 40 كيلو متر ؟

بتقولي لا مو صحيح، بقولك معلش إن تقرأ موصفات بس ولكن ما تجرب لأني في الكروزر الثمانيه عندي الهيدروليك وعندي نظام المساعدات وعند واحد من الأهل عنده اللكزس..

بعد الـ 40 كيلومتر السياره ترجع لمستوى الإرتفاع الطبيعي..

بتقولي مفيد في البر ؟ بقولك على أول ضربه أو حفره أو ند علبة الغاز بتفقع ويلا إبتلش لأنه الضمان ما يغطيها

وعلى فكره، خاصية الهيدروليك تلغي الدف لوك في الكروزر الثمانيه، الدف اللوك في الثمانيه ما يجي إلا على رقم 2/1 اللي فيه فتحه، بتقولي لا مو صحيح ؟ بقولك معلش إن تقرأ بس لأنا عنا الإثنين

بس تدري.. سالفة الثلاجه مهمه في البرادو، أنا أنصح الكل في البرادو لأنه الثلاجه مهمه جدا وتغني عن كل مواصفات الباجيرو الحصريه

المشكله إن الواحد يقرأ بس وما يجرب وغير التعصب اللي يحرق الدم !

دمتم بود !!