مقارنة هيونداي جينيسس بمرسيدس E550

والأجنبي منزل من السما يعني ؟؟ اي شي يقوله نمشي زي اللي منيب قايل وراه ؟؟

حنا ما دهورنا وخلنا نبقى ورا الا الاعتماد على الاجنبي في كل شي .. !!

وبعدين يا حبيبي تقولي لكزس 2002 !!
اركب لكزس 2002 و اركب 2008 واتحداك ان عرفت انها هي نفسها الا من العلامات !!

وعلى اي اساس ان شاء الله استندت علشان تقول تعدت الياباني ؟؟ ولا بالكامري ؟؟

ويا حبيبي قبل لا تقتبس كلامي روح شف الموضوع من قبل وشف ليش انا رديت كذا ..

واذا متعيجز ترجع .. اخوي بلا حدود قال الى الان ما بعد شفت سياره (((يابانيه )) فيها رساوه وهدوه ومدري كيف !!


وعلى فكره .. ترى حتى الكوري أجنبي :) .. موب بس الامريكي :) !!!!!!!!!

كل واحد جرب الأزيرا حقتي قال والله كأنك تسوق مرسيدس عزل ورساوة مثل ال؟ألماني ومراح اقول قريب للألماني لا بأقول مثل هذا أولا

ثانيا الاجنبي الي قال الكلام الي باللغة الانجليزية وهم الامريكان حسب ماهو موجود ذكر مدن امريكية بالموضوع عشان يختبرون السيارتين
قال: ( سيارة هيونداي جينسيس بديل للحصول على سيارة رفاهية عالية وجودة وقوة وتقنيات من السيارات الأوربية كالألمانية والايطالية )

الاجنبي يقول كذ نجي احنا نقول مجنون الي يحط 200 الف في سيارة كورية ولا هيونداي
والاجنبي يقول بديل




أنا ماجربت اللكزس الجديد ولا ركبتها عشان احكم عليها

لكن جربت جي اس 2002 بصراحة الازيرا اهدا منها وعزمها احسن بعد
اما الجديد ما جربت عشان احكم


والهيونداي وصل للياباني وتفوق على كثير من السيارات اليابانية


اما من ناحية الفخامة بصراحة الحق يقال اللكزس افخم

اما بالنسبة للهدوء العكس الهيونداي تقدم على اللكزس فيها

والجينسيس الي ماتقارن بالالماني المصنعيين واصحاب الشركات واختبارات السيارات قارنوها واحنا لا باقي ماتتقارن

اجيب لك الف موقع يقارن الجينسيس باللكزس جي اس والفئة الخامسة بي ام والانفنتي واودي A6

وانتم تقولون ماتتقارن


وانا اشوف سيارة ذات جودة وتقنيات وامان ومواصفات وسعر مناسب اصير مجنون لو اخذها

عين العقل يالغالي .. هذا الكلام .. وهذا اللي اقوله واصر عليه ..

لكن خلوا مسألة المقارنات على جنب !! ولا يقولون حنا احسن من الياباني ومدري كيف ..

صديقي بلاحدود ..

معليش والله تراني مجرب الـES350 وعارف سلاستها وعزلها من احسن ما يكون ..

انا ما قلت في موترك شي .. لكن انا ابغى انصاااف فقط .. يعني تقولي الياباني ما يصف عند الهونداي في العزل ؟؟ من متى يا الغالي ؟؟

لا وتقولي ما بعد شفت سلاسه وهداوه و عزل في ياباني ؟؟

قد جربت الـLS460 ' GS350 ' GS300 ? منيب قايل ES350 علشان ما تقول اني كذبتك لاني محترم شخصك الكريم .. مع اني مجربها شخصياً .. وابصم على العشره انه لو تجي لأي واحد وتخيره بين أزيرا و ES راح ياخذ اللكزس بغض النظر عن السعر ..

لذلك يا عزيزي لكل سياره قدرها .. يعني يا الغالي تكسر كل الحواجز وتنط لي تقول الياباني ما يصف جنب الهونداي ؟؟

يعني معليش .. الكوري الى الآن ما بعد وصل لجودة الياباني ( مع العلم ان عندنا في البيت كوري 2008 و 2001 ) صحيح تصميم حلو وسعر أحلى وأحلى ( و ركز لي على السعر ) .. لكن توها وبدري علشان نقارنها بالياباني علشان نجي نقارنها بالالماني !..!!

وبالنسبه للمقلب .. أن كان الياباني مقلب .. فالكوري وش بيصير يا بعدي ؟؟



وشكرا

السلام عليكم

الله يهدي الجميع ، على العموم ويش المانع أن الواحد ياخذ سيارة بمواصفات محترمه وبسعرمناسب ويخلي باقي المبلغ ألي عنده في جيبه؟!!!
تحياتي

الله يهديكم خربتوا الموضوع
والله تخلوا الواحد ماعاد له نفس يشارك

خلاصة الكلام ... هايونداي لاتقارن ب اللكزس - المرسيدس - البي ام - الانفنتي - الاودي

سؤال : لو عندك 220 الف ... بتشتري هايونادي ولا لكزس او ----- ؟؟

^
^

هدي يابعدهم

انا قلت لك جرب ومنت خسران

انا توني مجرب اللكزس ES350 لاحظت فيه سلاسه بالقياده ورساوه لكن العزل وين الازيرا ووينه ( لك ان تجرب )

هذا غير اصحاب اللكزس اللي بنفسهم يشتكون من تواضع العزل فيه وهناك اكثر من موضوع تكلمو فيه بقسم اللكزس بمنتديات تويوتا العرب , اذا بغيتهم ابحث لك عنهم ولا يهمك

اما بالنسبه للمقلب فـ انا انسان من هوايتي اني اجرب جميع انواع السيارات ومجرب اغلب السيارات اليابانيه وعارف المقلب وين بالضبط وصدقني وربي انه مو عندي ( عند غيري :) )

^^^

(((((( لو ))))) .. وأكيد اخوي بندر عنده خبره .. لانه مدح الهونداي !!

وتقولي الياباني ما جمعها ؟؟

ما بعد شفت ياباني يجمع اللي قلته ؟؟ الكزس وين راحت ان شاء الله ؟؟

يعني تبي تقنعني ان الازيرا أرسى و أهذا وأفخم من الكزس ؟؟؟؟



معليش سياره حلوه وهاديه .. بس تقولي ما فيه ياباني يجمعها وتقارنون الهونداي بالالماني لا وبالمرسيدس بعد ...!!

^
^

اذا اجتمعت " نعومة القياده و الشعور بالفخامه والثقل و الرساوه والهدوء " بما نشبهها

انا ماشفت سياره يابانيه الى الآن تجمع كل اللي ذكرته بسياره واحده

الاخ بندر كان يملك كامري فـ اعتقد انه يعرف طابع السيارات اليابانيه جيداً فـ لذلك بنى إعتقاده

انا متأكد انه ماكان يقصد الفئه S ولكنه يقصد السيارات الألمانيه بحجم الازيرا فـ لا يروح بالكم بعيد ( هيونداي باقي ما صنعت سياره تنافس الفئه S )

وبالاخير جرب الازيرا منت خسران شي :)

معليييش يا الغالي ..

( حدث العاقل بما يعقل )

وشو اللي تقارن سواقة الازيرا بالمرسيدس ؟؟

هالحين اللكزس ما وصلت للمرسيدس في السواقه تجي الهونداي الكوريه اللي توها تمشي باديه تحبي في الأسواق العالميه تصير زي المرسيدس في السواقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اجل كل الناس بيشترون ازيرا بـ92 الف فل كامل ويتركون المرسيدس وش لهم بالخساير !!

معليش الازيرا حلوه وفيها مميزات .. ما قلنا لا .. بس معليش خل الالماني بعيييييييييييد ..

وشكراً

خير في شي ؟؟ :emot178:

ترا أمزح
:e058:

^^^^^^^^^^^^^^^

كوراندو هذا هو الكلام ولا بلاش وهذا الي ابي اوصله للأعضاء

وانا معك بكل كلمة قلتها

يعطيك ألف عافية

فيه مشكله مستعصيه ماهي عندنا بس في العالم
لاكنها عندنا مستفحله

ألا وهي الخطأ في مقارنة الفئات , لاأحد يفهم أني أقول هنا المقارنه خاطئه , أبداً المقارنه هنا صحيحه

المقصد إذا جا واحد وقال الألماني مايقارن بالياباني طيب على أي أساس , السبب هنا أن اليابانيين يصنعون من كل الفئات لاكن الألمان أغلب صناعتهم من السيارات الفاخره لاكن لاااااااكن
هل نقارن مثلاً الأفالون بالمرسدس E , ونقول أن الصناعه الألمانيه ماتقارن باليابانيه لا أبداً
هنا نقارن السياره بنفس فئتها اللكزس GS بالمرسدس E .

نقدر نحكم على الصناعه الألمانيه البي أم والمرسدس على أنها ماتقارن بالبريطانيه لأن فيه الرولز رايس و البنتلي , لاأبداً هذا خطاً البي أم والمرسدس من فئه سعريه والرولز رويس والبنتلي من فئه آخرى , هنا خل الرولز رويس والبنتلي يطلعون سيارات بالفئه السعريه 350 ألف بكذا نقارنها مع البي أم السابعه والمرسدس S .

وخل المرسدس والبي أم يدخلون في فئه السيارات غير الفاخره مثلاً فئة الأفالون والأزيرا وينافسونهم بالأسعار وفي نفس الوقت الجوده ذاك الوقت نحكم على صناعة الألمان , فيه شي وهو الأهم في أي صناعه ..... إذا جينا بنحكم وبنقارن بالجوده فيه شي إسمه السعر . لاكن مانحكم على جودة سياره بسعرها , ومانقول الأغلى دائماً أجود فيه سيارات مبالغ في سعرها وماتسوى ومافيه زي التجربه للمقارنه .

الكلام إذا جت سيارتين الأولى ب 120 ألف والثانيه ب 100 ألف والثانيه هنا أجود من الأولى أو مثلها أو أقل بشيء لايذكر بكذا نعرف ونحكم على أن الشركه اللي صنعة الثانيه أفضل من الأولى الأغلى ب 20 ألف وبلاسبب , سوى أنها أقل معرفه وتخطيط ودراسه لهذا سيارتها أغلى .

وهنا الألمان دخلوا في هذي الفئه وفشلوا , تفوقوا اليابانيين والكوريين على الألمان فيها
نسينا ال فولكسواجن --- أوبل ........... هذي شركات ألمانيه تصنع سيارات بالفئات غير الفاخره
وبأسعار عاديه . لاكن العالم فضلوا الأفالون والأزيرا والأوبيروس والألتيما والأكورد 2008 واللكزس ES على الألمانيه المنافسه الفولكس واجن باسات والأوبل أوميقا اللي فشلت ووقفوا إنتاجها ,
وفضلوا الكامري والسوناتا والأكورد 2007 وقبل والليجاسي على الفولكسواجن جيتا والأوبل فيكترا .

هنا أقول أن اليابانيين تفوقوا في الصناعه على الألمان في هذي الفئه السعريه والناس لهم الإختيار
وإختارو مع أن السمعه وقدم الصناعه للألماني إلا إنهم إختاروا وبنفس السعر سيارات يابانيه وكوريه

وفي فئة السيارات الفارهه فيه تنافس بين اليابانيين والألمان مانقدر نقول أن اليابانيه ماتقارن بالألمانيه نشوف تقريباً الأسعار زي بعض ونشوف اللكزس 460 كيف منتشره
بين البي أم السابعه والمرسدس S والأودي A8 واللكزس LS460
وفيه مجلات ومواقع فضلت ال LS460 على باقي هذي السيارات وأختاروها الأفضل في فئتها .
فهنا مع أن الأسعار زي بعض إلا أن الناس إفترقوا في الإختيار و هذا معناته أنهم ينافسون ويتفوقون في نضر زبائن كثار ونسبة مبيعات اللكزس 460 توضح هذا الشي .

إن شاء الله مايجينا أحد يحكم على دوله أنها أفضل من أخرى لأن مقارنته غير متكافئه ويقارن فئات بفئات مختلفه . ويقارن سياره من شركه طلعتها لمنافسه أنواع محدده يروح يقارنها بأنواع أخرى .

هنا هيونداي قالت بننافس بالجينيسس المرسدس E واللكزس GS والبي أم 5 والأودي A6 والإنفينيتي M , وإذا جربناها ذيك الساعه نحكم , كل ماجربنا سياره من هيونداي تعجبنا منها بنشوف وش بتصير الجينيسس . وماننسى وش كان توقعنا عن الزيرا قبل التجربه وبعدها وش صارت في نضرنا .

وينه ذا اللي يقول الياريس أحسن منها :emot105:

:D

:emot154: عيني عليك بارده ياشيخ

هذا الكلام اللي يجمد على الشارب

يارجال زين اذا قارنوها بكامري اذا ماقالولك اليارس احسن منها :a120(55):

والكل متأكد وعارف ان الالماني فوق فوق بس حتى الكوري فوق فوق

انا ماني عارف العالم ليش تكره الكوري مادري الكوريين هذولا من المريخ

الله المستعان بس

واللي مره يقول الالماني فوووق

يشووف هالمقطع

وانا ماقلل من الالماني ولا شي بس

مافيه شركة كامله الكمال لله

[YOUTUBE]http://www.youtube.com/watch?v=e6iJ4TkbvJs[/YOUTUBE]

http://www.youtube.com/watch?v=e6iJ4TkbvJs

^^^^^^^^^^^^^

أنا ما نقصت من الألماني ولا زدت على الجينسيس فوق الألماني بس حكموا البعض على الجودة والسيارة ما نزلت
أنا قلت الجينسيس قد منافستها مرسيدس الفئة E وقادرة على منافستها
أما بالنسبة للمواصفات فهي متفوقة على المرسيدس E والبي ام الفئة الخامسة واللكزس GS
وبالنسبة لعزم اليجنسيس فهي تفوقت على اللكزس LS460 وعلى الفئة السابعة 750i

وهذا كلام الكتب عنها

لكن كآداء للسيارة متقاربة جدا مع المرسيدس بالرغم إنه الجينسيس أكبر في الحجم من مرسيدس E

الي فهمته من الكلام الانجليزي

أن الكوريين يحاولون الوصول الى ما وصلت له الصناعة الأوربية وأن السيارة جينسيس تفتح لهم الطريق للوصول إلى ارفاهية الأوربية وبأسعار أقل من الصناعات الألمانية والإيطالية
في وقت يبحث الناس فيه عن الرفاهية فيجدها بالصناة الأوربية

وأنه لا يوجد منافس للسعر في سيارات بنز والهيونداي بدأت مبكرا للدخول بالمنافسة بأقل الأثمان
في فترة بدأ المستهلكون يبحثون عن شيء رخيص
وإقناع المشتري للمرسيدس بتوفير سنة والتنازل لشراء هيونداي

ومشترو المرسيدس تلفتهم المواصفات في سيارة مرسيدس من ( وذكر عدة مواصفات) وهي موجودة نفسها في الهيونداي وأكثر وهناك نقطة وهي سعة رحابة الهيونداي عن المرسيدس ( بمعنى اريح في الطرق الطويلة ) والتي تمتد من كليفورنيا إلى سان رفائيل الى سان باربرا لإجراء الاختبار عاليهم

بالمقارنة بين ازاحة محرك المرسيدس نجده أكبر من الإزاحة لدى هيونداي بفارق 0,9 لكي تصل لمستوى الإزاحة لدى المرسيدس وعدد أحصنة للمرسيدس 382 حصان وينقص في هيونداي 7 أحصنة عند نفس سرعة المحرك لكن عزم مرسيدس أعلى بمقدار 391 باون في القدم بين 2800 إلى 4800بينما في الجينسيس 333 باون عند 4500
وهو يجعل الجينسيس أبطأ في قطع 33 ميل وناقل حركة 6 سرعات بينما للمرسيدس تزيد عنها بسرعة واحدة

أما بالنسبة لنظام التعليق لدى هيونداي فهو أشد صلابة لكنه انعم من المرسيدس

بعد نصف ساعة من القيادة تتعرض مكابح المرسيدس للتبهت <<<<< مدري ايش المقصود فيها

بينما لا تتعرض الجينسيس لذلك ويساعدها نظام ESP التي وضعتها هيونداي من أولياتها بسيارتها لذى هو يلائم القيادة بالطرقات

والمهووسون بالاستماع يقولون بأن افضل ميزة هي 14 مكبرا من معجم الصانع الراقي لدى رولز رويس 528 واط وقرص 40 وبضع انظمة للتي في لكزس LS وانفنيتي

وبعدها يتكلم عن مقصورة الجينسيس وأنا كل شيء في سيطرة السائق من أزرار وغيره

لكن تحس يقسمة الكلفة لدى المرسيدس وذلك أن ازرار الهيونداي ليست ثقيلة كالمريسدس

( المقصود تحس إنه أزرار المرسيدس أفخم و أثقل من الهيونداي)



هذا الي فهمته وآخر جملة قال بقي على الكوريين التعلم الكثير لقهر الصانع الألماني القديم
( يقصد خبرة الألماني)


والترجمة من اجتهادي لكن لو في موقع ولا برنامج يترجم ممكن توضح فكرته احسن مني
والسبب تواجهني كلامات كثيرة ما ادري وش معنها

فالموضوع كما تلاحظون تتفوق الجينسيس في المواصفات والهدوء وتتفوق المرسيدس في طابع الفخامة والعزم

أخوكم بندر

تدروا إيش المشكلة عندنا ؟؟
ان الناس ما تمشي غير بالسمعة..
حتى لو تقول أية أحسن .. كامري ولا سوناتا ؟؟
حتلقى 80% يقولوا كاااااااااااامري وليييييييييه؟؟؟؟ لأنها ياباااااانية...
حتى من دون أي تفكير يقولوها ...

لكن ...
لو تبغوا رايي ..
السيارتين ما في بينهم مقارنة ..
يعني المقارنة غلط في غلط باعتبار ان الجينسيس ما وصلت عندنا لسه ...

ومشكورررر أخوي على الموضوع بس ياليت لو ترجمته ...

والله ردود غريبة من جد يعني سيارة مانزلت وماسقتوها
كيف تحكمون عليها ؟؟؟ :S
كلنا عارفين ان الألماني أحسن شي بس وش دراك عن الجينيسس
يمكن مقارنتها مع المرسيدس تكون الهيونداي هي اللي الأفضل.
واللي يقول عشان مرسيدس من زماان وهيونداي توها ماصار لها
زي عمر المرسيدس وش كثر شركات اقدم من هيونداي ومع ذلك هيونداي
تفوقت عليها فمو شرط عمر الشركة.
لحد يفهم كلامي غلط واسفين على الإطالة