الفزعة ياشباب مشكلة في اليوكن 2007 أبغا مساعدتكم

هلا فيك أخوي Magellan
السيارة طلعت من مركز الجميح وبرضه الرجه موجودة والأسعار عنده صلخ نار
كان الله في عون الجميع شكراً لك:emot154:

هلا والله بأخوي انتر1وي
ممكن البواجي تسبب تقطيع بس رجه مستحيل
شكراً لك على المشاركة:e058:

هلا بيك أخوي الهايم وهو نايم
جزاك الله خير
الموضوع طلع بالقير.
شكراً لك:emot154:

شكراً لك أخوي فيق
الموضوع بالقير .
الله يسهل علينا وعليك
بالتوفيق يالغالي:emot154:

امش على السيارة حتى تأتي على السرعة التي يبين فيها التقطيع وضلك داعس ولا ترفع رجلك وضع رجلك الشمال على الفرامل لمس بسيط حتى تضئ انوار الفرامل فإذا ذهب التقطيع فيكون من حساسات القير والله أعلم

أخوي الكريم من الواضح إنك راعي تدعيس
عشان كذا إنفقع عليك مبرد القير
وأغلب الظن الإهتزازات من عمود الدبل
لذلك أنصحك بعد خروج سيارتك من مركز عبدالرحمن الجميح إنك توديها لمركز حكيم البلوشي في شمال الرياض حي المصيف شارع إبن سينا بجانب مستوصف المصيف، وتركب مبرد قير إضافي ، لأنه بيفيد سيارتك حيل

على فكرة مركز الجميح اللي دخلت سيارتك فيه هو اللي في الصناعيه أو الحوش اللي في السلام
ترى يمدحون محله بالسلام بس يصلخ بالأسعار

كان الله في عونك

طيب مايجي البواجي يمكن:a120(37): <<يتفلسف

انشاء الله تحل مشكلتك وعندي حل اتمنى انك تجربه اللي هو شيك على فلتر الهواء وتوابعه
مثل الليات

اذا كان السالفة فيها تقطيع .. احتمال تحتاج تصفية ( فلتر بانزين و تبديل بلاكات و فلتر الهوا ) او تشييك على الحساسات ( خاصة حساس الهوا ) ...

اما الرجفة .. فانا شفت انك شيكت على كل شي تقريبا ... احد الاخوان نصحك ان تجرب تحط جنوط سيارة ثانية و تشوف خاصة انك ذكرت باحد الردود ان راعي مطامر على الارصفة ...
شغلة ثانية .. انت تقول ان سيارتك دبل .. انت شيكت على عمود الجاردن .. و لكن هل شيكت العمود الامامي ( عمود الدبل ) ؟؟

بقولك على سالفة صارت مع وحدة من السيارات و كانت فيها رجفة بكامل السيارة و تبدي من 80 ( باثفيندر ) .. سوينا كل انواع الترصيص و ما فاد .. قمنا فحصنا الجاردن ( الخلفي ) و طلع سليم .. يوم فكينا عمود الدبل و مشينا بالسيارة راحت الرجفة و طلع السبب من العمود خاصة ان السيارة طلعت رصيف من قبل ...

الله يسهل عليك ان شالله و يهون مصيبتك ...

السيارة طلعت من الورشة والمشكلة ماأنحلت
غسلوا القير وركبوا مبرد زيت جديد وغيروا فلتر القير
والرجة مازالت موجوووووووووووووووووووووووووودة
الله يخارجنا.
وش الحل ياشباب

ان شاء الله يكون هذا هو السبب وتنحل مشكلتك

بالتوفيق

أبشركم ياشباب
بدت تبين المشكلة من وين
اليوم وأنا طالع الصبح شفت زيت تحت السيارة من الجهة اليمنى فتحت قربة الماء وطلع زيت كأنه حليب بالفراولة شيكت على معيار زيت القير طلع ناقص.
رحت لورشة تغيير زيوت وعبيت علبتين على الطاير ورحت للصناعية لمركز عبدالرحمن الجميح يوم شافوه قالو هاذي مبردات زيت القير يبيلها تغيير وخالط مويه مع زيت القير.
قلت الحل؟
قالوا يبغالها فك المبردات وتغييرها وتنظيف القير من المويه وتغيير الفلتر وإن شاء الله تضبط.
فالحاصل أنه كان القير يدخله مويه من المبردات ويفوت ويقطع ويسبب رجه عند سرعات مختلفة .
وإن شاء الله بعد ماينتهون من السيارة أعطيكم خبر بالنتيجة .
(( الله يسهل أمرنا وأمركم ))
وشكراً لكم

هلا بـــأخوي Try2B
هذا كان أول
ألحين لازم تشيك عندهم وتغير زيت ويمصون دمك :emot114: كل زيارة علشان يصير الضمان ساري المفعول.
حسبي الله عليهم .
يبون يحركون الراكد من قطع الغيار اللي بالمستودعات على حسابنا في كل زيارة لأنهم يغيرون أشياء ماتحتاج تغيير بس وش تقول . الله حسيبهم يوم القيامة غش عيني عينك.
شكراً لك

شكراً لك أخوي stoot
الضمان ماله فايدة إذا ماشيكت عند الوكالة وغيرت زيت وخلافه من قطع غيار يعني لازم تدفع :emot114: علشان الضمان يصير ساري المفعول.

والله يالغالي رفيق الفورد أنا مغير فحمات قبل ست شهور وماطلعت المشكلة إلا هاليومين.
شكراً لك وبارك الله فيك ورزقك الذرية الصالحة ويسر أمرنا وأمرك وأمر كل مسلم:emot154:

هلا بأخوي محمد الخلاوي
صدقت بس مع الحماس وأول مرة أدخل المنتدى رحت لمنتدى سيارات الدفع الرباعي لأن السيارة فيها دبل.:emot30:

وكل عام وأنت بألف صحة وسلامة يالغالي

مادامه ما كمل الستين الف وده الوكالة ؛ مالهم دخل هم بالصيانة الدورية .

مع احترامي للجميع
نصيحتي لك ياليوكون الاسود روح الوكالة ولا تضيع الضمان
ولا تقول لهم انك مصلها برا (ما عدا الاشياء البسيطة)
وانشب لهم نشبة الى ان يصلحونها على الضمان
والسلام عليكم

اخي الحبيب هل غيرت فحمات الفرامل قريب ؟ طبعا الفحمات بعينها مالها دخل لكن القصد انه ممكن بعد تركيب الفحمات تم تركيب الهوبات بشكل غير صحيح
واحد من الزملاء حصلت معه نفس المشكله الي حصلت معك وجلس فترة طويله يشتكي من رجه في السياره ولاهو عارف وش سببها ولاقدر احد من المهندسين يفيده في الاخير غير الفحمات صدفه قاله المهندس ان الهوب ماكان راكب صح 100% واتضح انه هو سبب الرجه
اسئل الله العظيم رب العرش العظيم ان ييسر امرك وامر كل مسلم